¹ Adaor kami Yesoh ma toro awori pana ayaor an dorkori yhi. ² Pigbwanura iruva nang yhi a tutu awoh, "Pikarma, inne pe zika suggwhhu kapu, pen guzum in vurka." ³ Yesoh caonkaoa cara a rike yhi awoh, "ma zika suggwhhu kanang, vurka." zha ku nazah ko doahr ivurka tigbwanura tiyhi. ⁴ Yesoh ivere nang yhi awoh, "regghhe su ki migghha pirong, jaravu un rinu puh aka sah riti ripu nang ku firist a pare kusu mumi na Musa ima vere sa munka yaozeneh yaon." ⁵ Yesoh ma nigghhun kafarnahum, pirong u ya gwakiun soja iruvah nang yi a rivin yhi. ⁶ Awoh, "pikarma, pirerunang inon urara pigun ari nung inpivi u wonu. ⁷ Yesoh woh nang yhi, "man ruvah ghharhane yhi." ⁸ Ki soja kimi kin mane woh, "Pikarma, in roto hamu woh pi ninghe a masoroh manang, vere ne zik, pireru nag en ghhargghha. ⁹ Minu nam inre piyaor pitumzanani utiwomo, inri an soja mu seru tuma nang mini. Maku mighha kirao, "jaravu," ijarayi, a mugghi pi manzu "ruva, iruva, nang pireru nang. Rene kini," irene." ¹⁰ Yesoh ma pokorokon a yellu dinni, a migghha ya dorkoni yhi, "rivim na insin misini, in roto ma zuwa piyi muzu bangaskiya uru, in Isra'ila. ¹¹ Ma migghhi ni, agbwakana, an ruvah awori 'gabas' nang u 'yamma', a zomoh tek ka ka ri nang Ibrahim, Ishaku, nang Yakuvu a timowo tizoh. ¹² Nono na timowo an vullaze yao uyha amazini, atuk ne anka yelle sao nanku kaze ki yini." ¹³ Yesoh woh nang ki soja kimi, "jaravi! ken na pe roh ugaskiya, mun wan ken nan pu." pireru mi ima tu ghharha daor kami." ¹⁴ Yesoh ma ruvah ninghe u rara ku Biturus, i reghye piyasku Biturus inon azaku ghharah ripun rimma piyi. ¹⁵ Yesoh rike cara yi, upiu uri pun dimi din jao yim mim. Ico a tumzanah yhi. ¹⁶ Morong mama wana ayaor an yende Yesoh a ya sifu. I cizaza sifu nang a vere yhi, a ghharhaze gwana nasang. ¹⁷ Kenne ama kaodoa avere mi nang Ishaya annabi ima vere, awoh, "yi a ritih riyi ima zika tiwontonoh nang tigbane tiwuri." ¹⁸ Yesoh ma reghhye ugwako yaor ami a ri nang yi. Iroh a veru woh an rapkwa un manzu rapkwu teku ku Galili. ¹⁹ Pirong unyankarani iruva nang yhi awoh, "pi misseni, men dorkoro vuh ko iki na pen kanam." ²⁰ Yesu woh nang yhi, "Anyom nyom mu ruzzeh nunga mun, anki naon mizoh mun deh rarah mun, kono ka piyaor kazakan a teh ku tarkare ritim." ²¹ Pimanzu ana ya dorkoni yhi iwoh, "Pikarma jao mim in zongoro ka kaveh titih", ²² Yesoh woh nang yhi, "dorkorom, jao a kiniru anka kavseh makinin nu." ²³ Yesoh ma ninghwun jirgi, aya na isin mise yaon an dorkoro ninghhe, ²⁴ Uzunu! u nyaku un cho u teku kumi, ti ti maoehnimasir tin wuru jirgi kumi. Yesoh ma non ammarah. ²⁵ Aya na isin musseh yaon an duvahnang yhi a zime yhi, awoh, cho ghaskiri, Pikarma;tira pitu kizi!" ²⁶ Yesoh woh nang yaon, "yene rene in pokoro khaou, ayini ayu bangaskiya ucini?" Inu cho a ynakanun vunuh mi nang moahni mu teku kumi. Tatekkan wana ma dirimm. ²⁷ A yaor ami an yellu mamaki awoh, "wanu uzu piya inuru nang uvunu nang ku teku a dorkorikusu ne eh vere?" ²⁸ Yesoh ma ruva u rapkwu mi aka ravah mayini ma Garasinawa, a yaor avah, aya sifu an zuwa yhi. Ama wori tek ka ma asin nya nghhatan, ayaor an suska yaon ujara turinumi. ²⁹ An zoakkpkwu rin ngyyii awoh, "Ti kuri maoni nang puh kono ka Siri? Piku ruva pi reniri vurah kadaor kan roto wana? ³⁰ Adaor kamin aloehdi an sin rigghhana, a zaku rangani nang yaon, ³¹ Asifu mi an tanzana Yesoh awoh, "na pe chiddiri, murkariri nung ane loehdi ari." ³² Yesoh woh nang yaon, "janini."Asifomi an cira aka nighe na loehdi mi, nasang koni an suma ka riksi nung uteku a kizi nung a maoni masir. ³³ Aya ma sung rigghha loehde mi an suma ajara yaon uroh aka miseh manang mami ma wana nang aya sifo mi. ³⁴ Ayaor uroh kumi nasang an cira anka zuk Yesoh. Ama reghhye yi, a tanzana yhi, ijao mayinzi ma yaon.