¹ Su tehmene, sa ankasu temenini. ² Mateh mami na en tehmene rong, man na an tehmenini, kisep ku runtuze kimi na pe runtuzem, kinna anka runtuzeh vuwum. ³ Yene rene pi titkini patta ki chini kimi kireh riyizi ri konau, kureh rigghhizi ripu? ⁴ Ini na penka migghha konauwi, 'Sa in chuwune ipatta kimi kire riyizi ripu,' Gou gumti ariyizi ripu? ⁵ Pigghi piyayivuh! Zongoro chuwone ugumti kumi kureh rigghhizi ripuh, asa pi rek narivah anu chuwunu patta kumi kureh rigghhizi rikonau. ⁶ Sunu roh asang ikusu kivur, sume toehngoehne loehdi u lu'lu'u. An ka tuksanam nang navinah, a kurvuwoh a jirarimi am patta mu chmchizini. ⁷ Rivini, an roh yini, ringhhyini in nanka zugwhha, challeni, anka wonini. ⁸ Ko wan eh rivi, en sereh, ko wan eh ringhhyi, en zugwhha, piye challe, anka wono yi. ⁹ Wan u chikuyin, inna kono kayi ka riviyi u foehwori, i roh kan rikpwang? ¹⁰ Boko inna ka rivi pisani, i roh kan piyyoehgwhho? ¹¹ A yini aya manang mayiman in yoeh u roh nono nayin i kusu kirip, ini na innyen Tiu uyin izoh Enka zaku pirikini uroh an kusu murip nang piye tanzana yi? ¹² Ko yen na piusu a yoehr an risevuh, rene yaon ken unapuh, kun kireh mateh ma annabawa. ¹³ Ningghheni a togwhhorong ka nyis katogwhhoron ka poehndoehri urina umih un paondaori umi oku Jagghha a tek ku khao ayhaor agbwaki a dhaorkaoni urinumih. ¹⁴ Katogwhhorong ka nnyiis urina umi un w̵õn unoh ku Jagghha tek kuvoh, ayaor achini anka zuwuni. ¹⁵ In koeh yoeh annabawi caatti a ku ruvah ama ukwa mama gam, a rivim andeh a nyom-nyom a nyaki. ¹⁶ Ti sumuru iyaon in nanka yegghhhete yoehn. ku ku kpwezeh malemu a natih na massap boko marōss a wore ma dankarum? ¹⁷ Ken na ivizi ri, ko karike tih karip kaku chidda isumuru irip, katih kayi kan kaku roh isumuru iyini. ¹⁸ Katih karip ka ku roh kan Isumuri Irip. ¹⁹ Ko karike tih kami ka vonokan u roh Isumuri rip aku pengghhe kan a taongaonun rah. ²⁰ Innanka yegghheteke yoehn a wark, sumuri yoehn. ²¹ Azan kowan umi eh ku kangdem a woh, ' pikarma, pikarma,' enka ninghhhe tiwomoh ti zoh, ared aya siri manang mami na tita nmi ri zoh isuni nazik. ²² A yoehr agbwakane anka woh nang mini a tuk-kami, 'pikarma, pikarmi, ku zang awuri tima yellu anabchi a rizagghhi ripu, a rizagghhi ripu ti chugwhhuze sifu, a rizagghi ripu ti guva yello nang a gdwaki? ²³ Manka mane yoehn u nnyen ko yoehr. In Zaku tabanu yegghhetekini 'Janini a Joeh tek kanang, ayini aya manang mayiman!'" ²⁴ Ko wan eh pokoro a yelle vere nang en wane ne pipmba nmi a sugghha urarah izoh rekpwang. ²⁵ Uruh un toroh, kujah kun duvah rigimane rin cho a challu rarah kumi, kun zaku rigghhyi, a war ku woh ama sugghhe kun a ripkwang. ²⁶ Ko wan eh pokoro a vonoyi u yelle vere nang i sugghhu bana kumi ko sugghha urarah izoh isan. ²⁷ Uruh un tor, kujah kun ruvah rijimana rin cho a challu rarah kumi, kun nighe a wanta na sang." ²⁸ Ama ruvah adhaor kami ne Yesoh imah ruru vere rah, nasuwuh na yhaor nan chitta a warku missemuyi. ²⁹ I misseh yoehn nang usuni yhaor an zang kenna a nyakarani aku missle.