¹ Yesoh imah kandeh agowekseni ayi nas rikiri-ativah an kongsuzuwoh aroh yhaon Tusuru izoh a mazir mayiman, an kaku zovo nii, agura ghharghhaze ko tiriki tigbwana nang ko tirike ti wontonoh. ² azagyye anapkweng rikire-alivah ami ari kini. U zoni, siman (Umi naku gura kangdoh yhi awoh Biturus), nang andarawus kommina; Yakuvu pivezene'u Zabadi, nang Yohanna kommina; ³ Filibus, nang Bartalamawus; Toma nang Matiyu pi sese ni agandu; yakuvu pivezene'u Halfa, nang Taddawus. ⁴ Siman pi kairawane, nang Yahuda iskariyoti, umi enke zizi yhi. ⁵ A yhaon rikiri-ativah na Yesoh imah tuma. I migghha yhaon awoh, " Suhnu kana atek na aya marini a zonzim, shnu ningghhye a marho mu Samariyawa. ⁶ Utami, Jarini nang magahm mami mamah wuru a wori urarah ku sra'ila; ⁷ Inna en Jarini, wagghha aku woh, ' Tiwomoh ti zoh tira piti.' ⁸ In ghharghhaze gbwana, a chokseh aya ama kizi a vurkaze agbwanura, a cizaza aviku. Uwahmnan en serehm, roh ni uwahm. ⁹ suhni uzika izinariya, azurfa, nan tagulla ana vhaokti nayin, ¹⁰ Suhnu zika avhaoktih unjaru uyin, vah ma manzu makusu vah a raka, kati kujaru, inka yhao, pitumzanani eh wanu woh an ruyi mariniru. ¹¹ Ku kuriku roh vah kiroh kimi na en ningghyem, zuwani piya matini a tegghyemi, a zomo nzng yhi maka ravah adhaor kami na innanka jhao uroh kumi. ¹² Inna en ningghe urearah, sumazeni kun. ¹³ Inna kurarah kumi kuri matini, marentu mayin man toroh nang yoehn. Inna ku zakun matini, marentumayin man guru na yini. ¹⁴ Aya vonoyoehn u seri ni vah a vonoyoeh u pokoro vvere yin, inna in rama Joel urara kumi boko kuroh kumi, pkwakdeni avullu kami ka pusu na vin na yin. ¹⁵ Rivin na in sin misini, a t'uk kama teh, kon ka piruwoh an tuba i vurah u Sodom nang u Gomorrah nang kuwa an tuba uroh kumi. ¹⁶ Reghhyeni, nku tuminni kinne magahm a tetih ka nyyom-nyyom, wana ni i pamva kinne piyoghhwo a wana na dūh kinne na puktuh. ¹⁷ Wono ni ayizih nang ayoehr! An Jaghhyini nang a yah tiwomo, an ka mwillazini a magoh ma yeohn. ¹⁸ Anka Jassazini nang a womoh a gdwakazi a warkanang, in wan ki kusu ku reghhye nang yoehn nang a ya marini. ¹⁹ Inna a roh yini nang yoehn, suhnu riseh azoehboehtoeh kenna vah yenna in nanka vereh, ki kusu na innanke vereh anka roh yini a doehr kami. ²⁰ Azang a yinin nanka vervene, mazir tiu uyin manka vervene. ²¹ Kommina kan ka roh kommina an wunah, putuh i roh khono kayi. Nonoh nanka wumana nang a putih a rene an wunza yoehn. ²² ko wan enka vono yhi ni a warka rizaghhyi rinang. Piye pkwakturuwo aka ravah marasa en zuwu ghhaska. ²³ Inna a vuranini inung u roh ku, in suma a kanu manzu, rivim na nsiri misini, in nanka suskinu u ruru amaroh mi sra'ila, pivezene upi yhaor kamma ruvah. ²⁴ Pigbwekseni enka pirka yi pimiseni, pirereh i zaku piri piyurarah kuyi. ²⁵ Ku manim u woh pigbwekseni i wan ne pimisenu yi, pirereh i wan ne piyurarah kuyi. In na a kangdeh piyurarah Ba'algabuba, a zagghhye aye ni awar na an kandeh yu rarah kuyi! ²⁶ Suhun koehwoeh yoehn, a zakuri kusu kimi ki wukum na anka zaku chidda, zah kimi ki nisazi na anke zaku yegghheteke. ²⁷ Ki kusu na ma misini a marini, miseni kin ampelzeh murikata nan kiknsu na peh pokoro na zahha utoh kupu miseh urara nasang. ²⁸ Sunu kochwoeh ya anka wuna ripum a suska yoehn u wuna uvik. Utami, koehwoehni piyenka suska u vurana uvik a gura wune rpum invung urah o sirih. ²⁹ Ku zang anboerboeroch muvah na aku zizin koerghho ichini? A zakuri kimi kenka rigghhi ajhaos uza yoeh kie Tita. ³⁰ Ko tih teh tih ayin a yoeh uvaruh utin. ³¹ Suhnu pokoro ukau. in pirih anboerboeroh mu gbweki! ³² Ko wan eh serem an nyen mo yoehr, man ka sereh yhi annyen mu Tita. ³³ Piya e'vono yhi, mi annyen mo yoehr, manka vonom yhi annyen mu Tita umi iri izoh. ³⁴ Sunu zika woh nku ruvah nyendeh zom ka marentu uriukuya. Nrotoh ruvah nang marantu, kureh katan kariwuma. ³⁵ Nku ruvah pirumi i goehmoehnoeh nang putuh, kono ka yoehni kan goehmoehnoeh nang muna. Pinnyyowuh kono i goehmoehnoeh nang piyasiku uyi. ³⁶ A yan vono yoehn piyoehr an wana aya inung urarah kuyi. ³⁷ Piya irusu putuh vah muna a piri kenna irusu unang iroto hama i wan unang; Piya irusu khono karumi yah kayoehni apiri mini i roto hama i wana unang. ³⁸ Pye vonoyi u zika u giciye kuyi a dorkorom i roto hama i wan unang. ³⁹ Piye rentene uvoh kuyi en viza kun.Piye viza uvoh kuyi a war kanang enke zuwa kun. ⁴⁰ "Piye seri ni eh serem, piye serem eh sere pi yeh tumam. ⁴¹ Piye sere annabi a war kuwh ireh annabi en sereh urezeu ku annabi, piye sere u zikinu piya vur. ⁴² Piye roh karoeh inung a nenona chiri na, irihrih ki mami masir kan soh, a warkuwoh ireh pibbirekseni, rivim na nsin misini, enka zaku viza ureze kuyi."