¹ Yesoh imah ruru umiseh agbwekseni rikiri-ativah a rah, i Jarayi ika miseh a wagghha a maroh ma yoehn. ² Kadoehr na yuhanna imah pokoro ari inung urarah ko rereh, a nang anui na Yesoh iseri, i tuma agbwekseni a yhi, ³ a woh nang yhi" pigghhyi pire piyen ruvah, vah ti suksa pimanzu?" ⁴ Yesoh mane yoehn awoh, " Jarini aka migghe Yuhanna i kusu na ayi ni en regghhye a pokoro. ⁵ Arumu asin seseh unyen, agunara Jara, agbwanura ama ghhharghha, arakara agura ra pokse, a ya ma kizi ama guzuzu yoehn uvoh, a yu wahm an sin seseh masara marentu. ⁶ An zikine kowan uni na anang ara a nang a roto naze yi a sughhwu. ⁷ Ayoehr ami amah chira Jara yoehn, Yesoh i semu ra museh yoehr ami masara ma yuhanna, ' Yen na en chira in ka rek a rimi- ma dankarun mami na uvunu usin perveze? ⁸ Wan na en chira hi ka rek- piyoehr umi iri makusu mani na nuaa? Ariken, aya rene makusu mari na nuss areh aya chira urarah ku tiwomo. ⁹ Yen na en chira in ka rek- annabi? Yi? nisin misini, i piri annabiagbwakane. ¹⁰ Yi ire piya na ama nyakara akoh, ' Regghhye, man tuma pitumi unang anngen muyin, yi enka zongoro vuh aka napsa urina.' ¹¹ Rivim na nsin misini, inung a ya na anyogghhwo ama reksene zah pi yi piri Yohanna piyu Baptisma. Ko na ken pi yi re uchini a tiwomo teh siri i piri yhi. ¹² Ma seme awore tuk a Yuhanna maka ravah ukeru, tiwomoh te siri tima sezu nyaku, a yu nyaku a ma zika un suru. ¹³ Annabawa na sang nang mateh ama sere anapci maka rava adoer ka Yuhanna; ¹⁴ Inna imma rume in ser tin, yi ire Iliya umi em ruvah. ¹⁵ Piya ire gtoeh u pokoro, I nanghha atoeh. ¹⁶ Yenna manka mane usana ku ? ku sugghhyi nono na sin roroh a tek ka pizeh, a ku zomi asni kanghha ajami, ¹⁷ akoh, 'teh pervini seruwa, in vonini u yigghha. teh yelle soeh, a yini in roto magghha.' ¹⁸ Yuhanna imah ruvah a roto ma rhao ufoewoeri nang kumurr an woh, 'ireh piviku.' ¹⁹ Kono ka piyoehr ka ruvah sin rhao asni sezeh anwoh,'regghhye, ire piya rii katiboengoeri nang pisezeni, pijam pe ya ku sesse agandu nang aya ivang'. " ²⁰ Yesoh ise mu nyakanu umarho mami na imah riseh anang a gbwakazim, a warku woh ama vono yooehn utuba. ²¹ Ipivi yin, korasinu! Ipivi yin Basaida! Anang a gbwakazi ami na nma riseh anne nkuma riseh un Taya nang u Sidon, an namah tuba ari makusu majitazinang antoeh. ²² Anka pirku tuzah u Taya nang Sidon a tuk kamateh nan a yini. ²³ Pigghhyi, kafarnahum, piku nyen awoh kunang changghha vu maka ravaizo siri? Zahiken, amka toddo vu inung u Hades. Anne kuma riseh nung un saduma anang a gbwakaze mi na ama risuh pu, un na rotu rim makarava keru. ²⁴ Maku woh uyin konka piru mani, mayinzi mu saduma a tuk ka mateh nang puh." ²⁵ Adaor kami Yesoh iwoh," Nsm changghha vu, Tiugbwaki izoh nang kukuya, pima wuku ne nang ara nangf aya tipamaba nang ayu yao, a ma wono ni nang aya na aroto misseh, kinne nono na chinchizini. ²⁶ Yii, Tita, ivizirentu an nyen mu pu. ²⁷ Koyen, Tita Ima rom zah piyi yoeh pivezene umi, kure putuh mi nazik zah piyi yoeh putuh mi, pivesene umi na zik, nang kowan na ke regghhe uwoh kan chidda riti rikan nana yi. ²⁸ Ruvani nang mini, ayini avah sin seze ivurah a gura tighhani utira uzip, man roh yini mavonsono. ²⁹ Zikani u karkiya kunang a gbwekseh nang mini, ndeh piya ma tini nang piya iven-ritih, in nanka zuwa mavonsono mu voh kuyin. ³⁰ Ku karkiya ku nang ku vangghha, utira unang unri na fegghew.