¹ Adhaor kami a tuk ke Sabar Yesoh imah voahrao atek ka nakap ni roeh. Agbwekseni ayhi ampok igbwom, an semu ra gbrevereh atii iroeh imi asi roeh. ² Afarisawa amah regghhye ken, an woh nap Yesoh, "regghhge agbwekseniapu a serei ikusu nan mateh me roto rume an rizeh atuh ka Sabar." ³ Yesoh woh nan yaon, "Inku roto karanta ikusu na Dauda imeh riseh adaor na ima pokoro igbwom, nang a rume mi ama ri nang yhi? ⁴ Imah ka ningghhe urarah ko Siri a raor ufoehwori kumi ku ripik na mateh ma rotoh rume awoh irih a rotoh rume aya amah rhi nang yhi ama rume ayoh reh me Firistna zik. ⁵ Imma rotoh karanta a mateh, ma Firist urarah ko Siri ama nazeh Sabar an wana kinne amah rotoh rene ivan? ⁶ In sin misini akoh piyi piri urarah ko Siri inuru. ⁷ An ne inku ma yaor anang arah, npirusu jinkai an zang u hadaya, in roto ku temeneh a ya za yaor ivang. ⁸ Pivezene hpi yaor ireh Titugbwaki a Sabar. ⁹ Yesoh inu jaor ategghyemi a jara yi inung urarah ko Siri. ¹⁰ Pirong uyaon imah rim areh pigun a cara. A farisayawa an rivi Yesoh a woh, "Kurip amateh uwoh an ghharhana pi gbwana atuk ka Sabar?" A sa an zugghha yhi nan ivang. ¹¹ Yesoh iwoh nang yaon, "piyaor urimi, inna iri ugyahn kurao. Inna kugahn kumi ko rigghhi inung a wok ka koehmboeri a tuk ka Sabar, I vano yi u rene cara a puru a zoeppkwopeh a chidda uyah? ¹² Ini ne in tirkini piyaor, piyaor izaku piri ugahm! Mateh mama rume u woh an riseh nang arip a tuk ka Sabas." ¹³ Yesoh iwoh nang piyaor umi, "Niskara cara kapu." I niskara kan, kanghhargha na gbwarang, a wana kinne ka manzu kami. ¹⁴ A Farisayawa ami an chira a ka kupsana an pur yhi, Amah sen ringghhyi kenna an wuna yi. ¹⁵ Yesoh imah yegghete ken, i kokone ripum ajaor tegghemi. Ayaor a gbwaki an dorkoro yhi i ghhaghha ze yaor nasang. ¹⁶ Iroh yaon a vereh anirgghhani a woh an su migghha arong an yeggheteke, ¹⁷ Asa avereh rivim an korr, ami na ama vereh teh naon ki Ishaya annabi, a koh, ¹⁸ Regghhye pireri unang umi na nma vesve: Piya na nrusu, yi na kuvoh kunang ku pok urentu. Man rene mazir manang inung uyi, enka wagghha meteh nang a ya marini. ¹⁹ Enka zaku vavana, a zaku magghha aringnyi ri gbwaki; zah pirong um en pokoro ringyi riyi a tirindina. ²⁰ Enka gbwekpkwe u sagghhe ku naontaor; enka zaku rime urah uni ura pitu rinti, enka yende mateh marivim man yezene ²¹ a rizagghayi riyi a ya marini an zugghha urene ko sugghwuh." ²² Pirong ire pirumu, areh kurakara, agura rhi piviku amah yende yi nang Yesoh. Imah gharghane yhi, kurakara kumi kun vere a gura ra tisizi. ²³ Ayaor nasang amah regghhye ikusus ki piri iusuru piyaor awoh, "piyaor uru ku zakure kono ka Dauda?" ²⁴ A farisiyawa amah pokoro masara ma ma, awoh "piyaor uru izaku sih cizazah aviku, nang Ba'alzabuba piwomo oviku, na isin cizazam." ²⁵ Yesoh iyao na sugghwu na yaor, I woh, "ko tiriki tiwomoh teh ghhattah a ra gaomaonaor ten yittih, ko kuriku rho vah kurarah ko ghhetta ara gaomaonaor kon zaku yezene. ²⁶ Inna pisufu eh cidda pisufu, imah ghhatta ara gaomaonaor nang reti riyhi. Ini na tuwomoh tiyhi ten yenene? ²⁷ Inna mini nsin cizaza aviku nan Ba'alzabuba, nan wan na nono na yi nasin cizazam? Unyen ki vizi kin, yaon anka temenini. ²⁸ Inna pisu cizaza aviku inung a mazir ma Sirih, tiwomoh teh Sirih tima toroh unpuh. ²⁹ Ini na anka yelli pirong I ninghhye urarah Ku piya Siri a tuksu makusu meyi, aroto ma zongoro sisi piya Siri umi? Anu zuwa u tuksu makusu mu rereh ku yi. ³⁰ Piyi zaku ryhi nang mini isin gaomaonaor nang mini, piyi zaku sin konsozoh nang mini, ikusu sohtoh ze ³¹ In sin misini, ko iriki ivang nang ku kurve kurivim kun wane icotti guzu, ku kurve Ku rivim ku merir merip ankazaku guzu. ³² Ko wan eh vereh anang ayieni upivezene upiyaor, an guzu yaon, ina kini urikuyah, maka rava kumi kon ruvah ³³ Katih ne a guddu kan karip, Isumuru ikan in wana irip, katih na a guddu kan kayikan isumuri kan in wanta a ku yeghhetehkeh atih awar kisumuru ikan. ³⁴ Ayini nono ni yaorggho itimun tiyitin, aru voh kuyikun, ini ne enka vere a vere rip? Awori kusu kiyikin kimi kire suggwhhu na kanaor ka ku cidda vere. ³⁵ Piyaor u matini a wori ikusu ki tari asuggwhhu kayi na eh ku cidda anang a ri, piya I yieyi a wori ikusu ki teri asuggwhhu ka yi na eh ku cidda anang a yiehni ³⁶ Isin misini akoh atuk ka mateh ayaor anka roh uvaru ko ariki avere a yiehni na a vere arip. ³⁷ Nang avere yhin na anka ciddi ni, nang ani na anka sisi ni." ³⁸ Arong a nyakarani nang a farisiyawa an mane Yesoh awoh, "Pimiseni, ti rusu reghhye alama nang puh." ³⁹ Yesoh mane awoh nang yaon, "kusana ku yaokun kuni ku kori uringghu ku sin ringhhe alama. An zaku roh ayini a rong alama, alama yunana annavi na zik. ⁴⁰ Yunana imah yira titar a moso titar a reviri ri pisani pi gbwaki, kenna pivezene upiyaor enka yelli ayira katar a moso titar a suggwhhu ka mayinzi. ⁴¹ Ayaor u Ninevah anka yezeneh a tuk ke matek nan kusana kuna a rene mateh nan puru yaon . Ama sere u wagghanu Yunana a tuba, ragghani piri Yunana inuru. ⁴² Piwomoh u yaon un kudu en cho a tuk ka mateh nang a rumi usana ku a rene mateh man puru yaon. Ima cira a marasa mu rikiya inang pokoro uyao nang tipamba ti Suleimanu, regghemi, piyi piri Suleiman inuru. ⁴³ Kahdaor na mazir mayieman o cira upiyaor, a ku voazaonao an tek-tegghye mu zamun manimasir asin ringhhyi amavonsono, aroto zughha. ⁴⁴ Un woh, "sa nnaon urara kunang kumi na ma ciram." Inna o guru , a zuggha ammah veze urara kumi a gura ma napsa kun. ⁴⁵ Un jaruni aka yende nang uni mazir mami mapiri man ama yieman, pivigha pezohn man ruva nasang a nighhye a zomo. A mararah, piyami I pirka ken na ima ri azaon. Ken na mun wana nang kusana kuna kuyiekun." ⁴⁶ Yesoh ima rotu sin vervene na ayaor, muna nang a kommini an yoehzi uyah, a sin ringhhyi an vere nang yhi. ⁴⁷ Piron I mugghha yhi awoh, "tirkiri muna upuh nang a konauwi a yaozaon yah, asin ringhhi uwoh an vere nang puh." ⁴⁸ Yesoh imane yhi awph, wane mugghha vuh "wani re muna unang, a wani arih a kommini, anang? ⁴⁹ I niskara cara a tak ka gbwekseni ayi awoh, "reghhye, muna unang nang a khoni anang anara. ⁵⁰ Kowan I seri kusu na tita unang izoh irusu, yhireh rhoni nang muna unang."