¹ A rong katuk, Yesoh ijara urara aka zomo utengu uteku. ² A yaor a gwaki an konzuwoh amah pati nan yhi inung uwasa a zomo, a yaor an yaorzoehzi un tengu. ³ Yesoh imiseh yaon anang a gwakane inung un Misali. I woh, "pikavi imah cira arama ka vizzah. ⁴ A sin vizzah, irong imuss in righyi a piti urinah, a naon an ruvah raor. ⁵ Imanzu imuss in righyi ana kpwang atuk na mayinzi mazaman a gweksene in cidda imirah a raohkaohraoh, mayinzi man aku gwaki. ⁶ Anyi mumah cira, a puksoh imira imi awarku zah ku ti naon in kizi ⁷ Imanzu in righyhi inung a massap mang kunzu a sirghaze irao imi. ⁸ Imanzu in righyhi a mayinzi ma rip a roh irao, irong in roh a kin rikiki imanzu a kiri-utasi, irong a kiri-atar. ⁹ Piya irih atohh, ipokoro." ¹⁰ Agweksene an ruva nang Yesoh awoh "Yene rene pisin museh yaor nang u misali?" ¹¹ Yesoh imane ayaor ami awoh, "Ama roh yini awarah ku ye ghheteh a nang awon atiwomo tizoh, nang a yaor a roto ma roh. ¹² Piya iri, anka pire yhi min. Piya izayi, ki kusu kimi na iri anka sere nang yhi. ¹³ Ki kusu ke rene nsin misehn yaon nang umisalai: Antirkini, azaku nyen aru pokorone, an pok yaon agura za yaon uyaor. ¹⁴ Nang yaon, anabci Ishaya ama koroh, umi na imah woh, "pen sin tisizi pen righhye, a zaku riggheteh. ¹⁵ Na sugghwu na yaon a rah nama wana marini, a won u pokoro, ama gura pkwibpkwizi ayi zi, asa an kasu ku rigghe ana yizi ayaon agure zaku pokoro nang aeh ayaon a zaku yegghheth nang nasugghwu na yaon a sa an kurvuwo aguru. ¹⁶ Ama zikine ayizi yin, awarku woh anyen; nang ayaor a matini a vur, ¹⁷ a rene nasugghwu nu regghe manang mana na ayin innyen, a roto ma zuwah u regghhe ni. Amah rusu upokse an kusu mumi na ayini insin pokse, aroto ma pokoro ni ¹⁸ Pokoroni umisali upikavuruna umi ahyelli tivizzahti rao. ¹⁹ Piyi pokoro avereh tiwomo aroto yeghhete tin, pisifu eku ruvah a voro ikusu na vizzah sugghhwu ka piyami, ini ireh imus imi eh rigghhyi a patih urinah. ²⁰ Imi na ama vizzah atek ka pkwang ireh piyami eh pokoro avere mi asere a raokaorao nang rigoehroeh , ²¹ A zayi ma naon, a yezene adaor ka cini. Nang ivura eh ruvah co awarka vere mi irigghhyi a raokaorao. ²² Kikusu na ama vizzah atek ka massap, kin kire piya eh pokoro avere ami, marentu murikuya nang uzu wo ziki un sire vere mi, a zaku roh irao. ²³ Imi na ama vizzah a mayinzi marip mareh piyaor umi eh pokoro avere ami a yegghheteni. A yelli isumuru, aroh irao, a kureh-kiri a pirka kenna ama virah, arong akiri-utesi, arong a kiretar a pirka ken." ²⁴ Yesohimah roh yaon urong u misali. I woh, "Tiwomo ti zohti sughhii piyaor umi eh vizzah imus irip a kap kayi. ²⁵ A yaor ama rotu naon, aya nyen yi a manyo masir an ruvah avizzah umasen inung iraor imi a jara yaon. ²⁶ Kodaor na icira are kunza kumasen kun cira unakun. ²⁷ A rereh a piya kap an ruvah awoh nang yhi, piyu rara piyu rara, ku rike imus irip na pimah vizzah akap kapuh? Yene wana ka gura ri umasen? ²⁸ I migghha yaon awoh, "piya suggwhho kayikan ina yelli ken," a rereh mi jariri a ka khaozhao? ²⁹ Piya kap kami iwoh, "murumem, kadaor na in sin kaozao in nanka kaohzaon nang imus irip. ³⁰ Joehnim an kunza nasang maka rava adaor katibuva. Adaor katibuva mank mugghha aya tibuva, 'azongorone chugwhhe mamasen a sisize a na kangdah sa anka poksun rah, a konsozo irao irip anaming. ³¹ Yesoh igura yendeh yaon amarong masarah, iwoh, "Tieomoh teh Siri ti sugghhyi pimus pumustad na pikavi imah zika aka vizzah akap kayi. ³² Pitira pi mus imi pi pirong nyis na a mane nang ko iriki imus. Inna eh kunza eh ku pirka ko iriki ivir na a vizzah ana kap. A wana katih, kami na anki naon mizoh muku ruva a nugghha araran in paggaha ikan." ³³ Yesoh igura muggha yaon ma manzu masarah. "Tiwomoh ti zoh ti sugghhyi visti na pinnyagwahho eh zika a mane a rikse nang a mudu tar umallah, kumulla kumi kun vugwahhu." ³⁴ Anang a rah nasan ne Yesoh ima mish yaon a masara, imah roto vere yaon irammwa maa masarah. ³⁵ A war ku woh, ki kusu na ama vereh te naon ka annabi mun kor a wana rivim, kenna ima woh, "man waokao anao a masara a vere nang ami a nisazani cetti mi na ama kapkwaru rikuya. ³⁶ Yesoh inu jao a jaor ami a jarayi inung urarah. A gweksene ayi an ruva nang yhi awoh, "ciddi ri anpeze masarah mu masen akap." ³⁷ Yesoh imane woh, "piya eh vizza imus irip ireh pivezene, upiyaor. ³⁸ Ka kap kami karah kurikuya; imus irip imi, ini ireh avezene na tiwomo tizoh. Kumasen kure avezene na pisifu. ³⁹ Piya suggwhhu ka yikan umi eh vizza yhi ire pisifu. Tibuva tire marara mu rukuya, aya tibuva areh malaiku. ⁴⁰ An kongsozoh mamasen a poksoh nang urah, kenna mon wana a marara mu rikuya. ⁴¹ Pivezene upiyaor enka tma malaiku makan, manka konsozoh a wori tiwomoh tikan an kusu nasang mumi moku yende ivang, nang aya imah risi ivang ⁴² . Anka taongaon yaon inung urah using gauzaoh, a tek na anka maghhyu ipivi nang ku tuvu ki yini. ⁴³ A yaor a vur anka bangara ne anyi atiwomoh ti putu um. Piya ire atoh, inangwhhu toh a pokoro. ⁴⁴ Tiwomoh ti zoh ti sugghhyi a taraka ka wukune arimi. Piyaor immah zuwa a wukune. Asin gaoraonao, a jarayi, a zizi koyen na imari, aka zemene arimi kami. ⁴⁵ Agura vere woh, tiwomoh ti zoh ti sugghyi piyaor umi ire pi zize neng an kusu asin ringhhyi makusu na rip. ⁴⁶ Imah zuwah makusu marao marip na gbing ijarayi aka zizi koyen na imah rih aka zemene. ⁴⁷ Agura woh, Tiwomo ti zoh ti sugghhyi titaru na aku nyangmwe inung uteku, a kongsozo ko iriki imus en mara . ⁴⁸ Kadaor na teh koro, a pusuni isani a kokoze a cidda untengu. An zomo a kongsozo an kusu murip a masep, an kusu muyimun an nekere ⁴⁹ Kenna monka wana ama rara mu rikuya. Malaiku manka ruva a ghhattane ayu voh kuyikun nang aya avur. ⁵⁰ Anka taongaone yaon inung ura umi usin gauzao, atek na anka maghhya ipivi nang ku tuvu ki yini. ⁵¹ Immah yeghheteke rame ra nasang?" "Agweksenemi an woh nang yi, "Yi." ⁵² Yesoh inu woh nang yaon, "ko pirike pinyakarani ima wana pigweksene a tiwomoh ti zoh isughhyi piyaor umi iri urara, acizaza ankusu mu wuss nang mupass a taraka kayi." ⁵³ An gura ruva adaor kani na Yesoh imah ruru masara mana, ijao a teghhye mi ⁵⁴ Yesoh inu ninghe amayinzi mayi, a mise yaon un haikali. Kikusu kimah wana kireh, amah yelle aminah awoh, "iki na piyaor uru eh zuggha uyao kuna, nang anang agwekaze ra? ⁵⁵ Piyaor uru ku zakure pivezene uh kafinta kun? Ku zang muna ireh ki Maryamu, ku zang a kommi ne arumi are Yakuvu, Isuvu, Siman nang Yahuda? ⁵⁶ Ku zang a kommini ayaon ni natiri nasang? Iku na eh zughha manang ma nasang?" ⁵⁷ Imah nazeh yaon nasugwhhu. Yesoh igura vere uyaon, Annabi izayi uchanghhu a mayinzi mayi nang kurara kuyi. ⁵⁸ Ima aroto rish anang a gwakazi a te ye mi a warku zaku rene suwhu ka yaon