¹ A makana adaor kami, Hirudus piwomu-gwaki ima pokoro masara a makana nan Yesoh. ² An re i vȩŗeh nan atunzani ayi, " Yuhanah umi eku riseh ayaor u baftisma inuru; ima co daga ayaor ami ama kao. Awar ken nan usizasu a rana a seri utuma inung uyi." ³ A mazongoni adhaor kami, Hirudus ima puru Yuhannah, a siszeh yhi, a rene yi inung a mawuraou a war ku Hirudiya, Pinyowo u kommina ka yhi Filibus. a mazongoni adhaor kami; ⁴ a Yuhannah ima vereh yhi a wo,' Ku za ku rhi un rina piyi pi zomo nan pinyowo umi, uzomu-irunga." ⁵ Hirudus in namah wuna ana ma zang kuwoh imma pok ukau ayaor, a war kuwo ama zika yi awo Anabi. ⁶ A mazakugwranu adaor kami nan katuk kami nan a ma rehyeh Hirudus kama girkinuwoh, pirini'u Hirudiya kama yyiyah a teteh ka jingyi a rene suwuh kai Hirudus kan vokoh. ⁷ Ama nhaoghaori, ima zika a masiri a majaa wo en ka ro kan ko iyemmi nan kan ka rivi. ⁸ Awar ken muna ukan a miseh kan ken nan ken yelli, kan vere woh, "Rom ina kini, lun sep kuna, ritih rhi Yuhannah umi eku yelli u Baftisma. ⁹ Kasuwuh ka piwomo umi ka ma nazuwo awar ki kushi mi na kamah rivi, awar kama masiri mami na ima zika nan awar kuwo ayaor na sang ami na ama konku zuwa upenge kumi nan yhi, i rene an riseh ikusi mi. ¹⁰ Ima tuma an ka kurku riti ri Yuhannah inung a mawuranu. ¹¹ A madorkoro ken a yende a ritih rhi yhi inung usep a roh rinni mi, ka rinni ka mi kan gura zika a ja-a muna ukan. ¹² A Madorkoroni agbwekseni ayi a ma ruva a zika ukiniru kumi aka kaveh kun. An re an ku tu jara yaon a ka miya'a Yesoh. ¹³ A daor kana nan Yesoh ima pokoro ikusi mi, itu kokone ripum riyi a zomo inung kuwasa a kana iteye mi ka za kan riyowo. A dhuorka mi nan rifigyhi reh yhaor reh pokoro ikusu kimi, rima dorkoro yi a na vina daga maro ma mi. ¹⁴ A madorkoro Yesoh ima ruva nan yaon a reye a rifigyhi rah yhaor ami. Ima pokoro rilillipovo ri yaon a warghane yaon uwonu. ¹⁵ A dar ka mi nan marong ma wana, agbwekseni ami ama ruva nan yi a vere wo, " Kate'e kana kare kate'e nan ayar a za ku rim, kayira ka ma vaoraohg. Rene a rifigyhi deh yaor ami an za'a yaon, a war kuwo an ka kana an-rorro a zemene a marinunu mayaon. ¹⁶ A mazakuguranu Yesoh ima vere nan yaon awo, "A za ku ri ikusu mi ken ka yelle yaon an jara yaon. A yini roni yaon iranmwa anrhi" ¹⁷ Amma guddu yi a vereh awo," Ina kini tiri a mafaowaori ishi nan isani ivah!' ¹⁸ Yesoh ima mane wo, " Yendeni man nang mini" ¹⁹ A madorkoni, Yesoh ima rene a rifigyhi reh yaor a mi an zonzozno a tigi. Ima zika a mafaowaori ishi nan isani iva imi. A woto tirkini izo, a zikkine mahn ann gura gbwevereh a mafawahri mami a ro agwekseni ami, agwekseni ami an gura roh a rivigyhi reh a yaor ami. ²⁰ Nasang ku yaon a ma raoh a wana a siti. A madorkoro, a ma zika ikusi ki mi ke taka a mariniru mami ina a ma gbwevere- mawavu di kiri a tiva makoronim. ²¹ Ayaor a mi ama rhao ama rava a rumi maduvu-shi, a roto mane nan anyowo nan nono. ²² Ima roto nazeh daor a tu rene agbwekseni ami an ninghe inun kuwasa a majara yaon a zon- gononi yhi a ma kana un rakwu un pette ku rii yi wotu rim a sin rene a rifigyhi reh yaor ami rin zayha rin. ²³ A madorkoro a dhaor klami na ima rene a rifighyi a yhaor ami an jara yaon, ima tuwa upana kumi yi uteyih a war kuwo i yelli a tanzu. A dhaor kami nang marong ma wana, itu roti rim a teye kami uteyih. ²⁴ A mazakuguranu kuwasa kumi ku ma ri a marangani nan mayenzi, manimasir mu nyaki mu mi mu sin wongdoze nan mangdaze kun, a war kuwo rijimana ru vunu di seri ukuwa nan yaon. ²⁵ Yesho ima sin jara un mana kngwaki ikorwi nas a tuk, ²⁶ Adhaor kami nang agbkweseni ami a ma rehyeh yi isin jara umana kugwaki, ukaow uma puru yaon, an rehan ku vereh wo," Are kutongdong ku kinuru." an de an ku reni iwum a war kuwo ama pokoro ukaow. ²⁷ A mazakugruanu Yesoh ima vereh nan yaon a zaku nazeh dhaor awo, "Renni a tirumi! Are mini! In ka su ka pokoro ukaow." ²⁸ Bitrus ima maneh yhi a wo, " Piyurarah, inna are piyi, miyam awo in ruv nan pu izo a mani masir mami." ²⁹ Yesoh ima mane yi a vereh-o, "Ruva!" Awar a vereh ra Bitrus i cho daga a cirah hwasa kumi a jara izo a manimasir mami a makana nan yhi Yesoh. ³⁰ A dhaor kami nang Bitrus ima rehyeh rijimana ru vunu, ukaow umu puru yhi. A dhaor kami na ima semu riva, irene iwum a vere woh,"piyu-rara, waskam!" ³¹ Yesoh ima rotoh nazeh a-dhaor a tu raska a cara ka yi a puru Bitrus, a vereh yhu-wo, "piyi piyeh rene suwhu a zaku gwakane, yemmi e reneh pi riseh-asasa?" ³³ An re agwekseni ami ari inung uwasa ku mi an ku tutu Yesoh a Vereh-wo,"Rivin piire Pivezene oh Sirih!" ³⁴ A dhaor kami nang ama rakkuwa, ama ruvah a mayenzi mami na aku kagh a-wo Geneseret. ³⁵ A dhaor kami nang ayaor a rumi a mayenzi mami ama yaoghaotaoke awo are Yesoh, an tunza masara a na tekteyheh nami na pitizi nan yaon, anre an ku yende a yhaor a za ku wara na sang. ³⁶ An tanzana Yesoh a wo i rume yaon an rike upette ku makusu mami nang iri, aya rike kun an warghazana.