¹ Anre arong a farisiyawa nang a nyakarani an ruvah nan Yesoh a wuri un urshalima. ² An woh uyhi, "Yemmi eh rene nang agwekseneni apu asin gwevereh u al'adu oyha cirvu? Awarku woh aku rhao marininru mazaguzu na cara!" ³ Imane awoh uyaon, "Yemmi eh rene nang ayhini insin gwevereh u muruni oh siri awarku al'adu uyhin? ⁴ Kasiri kawoh, 'rukse tiwi nan nau ati cirvu' piyha eh vereh ukazari kovereh makana nang putu nang muna enka khao! ⁵ Are ayhini enko, ' ki kusu kimi nang pi manang sere nang mini, umma rho a S̱iri. ⁶ Piyhar uruh iraotao tirikiri putu ati civu. Atek kang immah gwebkwe avereh asiri awarku al'adu uyhui ⁷ Inayhu tumah ohyhizi, ku manam ken nang Ishaya eh rise annabci ann tih ayhin avereh awoh, ⁸ " Ayhar arana asin ruksem ticirvu arikware nhaa, kasauwuh kayhaon kang ranganani kang nang mini. ⁹ Aseri muh yhaon nan udokoki ohyhar." ¹⁰ Anre Yesoh iku kangde rifi'ighị reh uhar makana nang yhi, anre ikuwoh uyhaon, " pokoroni a yhao'ohte ¹¹ Azaku reh kikusu kimi keku nighe anhao kin keku naze piyhan Are ki kusu kimi keku cira awore anhao kin ke ku nase piyhar." ¹² Anre Agweksereni anku ruvah awoh, u Yesoh, " Na pi yao awoh na suwuh na Farisiyawa na mama wantazana yoan, adhaor kami nang ama pokoro avereh arah?" ¹³ Yesoh imaneyaon awoh " Tivizah timi na azang Titu unang izoh eh vizzah an kaozao tin. ¹⁴ Are arumu ukaokaozen yaon naraowao, jhao yaon mim inna pirumu uvah anka riksi a waok." ¹⁵ Biturus imaneh Yesoh awoh, taoskaniri misali mami. ¹⁶ Yesoh iwoh, " Ayhini ma iku raotao yhao'ohteh? ¹⁷ Inku zakuy reyhe kikusu ke nighe anhao aka taorao ariviri anu cirah avizi. ¹⁸ Ankusu mumi mohku cira awore anhao, munku ruvah awore asuwuh, mun mohku naze piyahar. ¹⁹ Inung a suwuh nang an kusu muh yimun cizzam, uwunu, kanaon kami kazakuri unrina, utuwu, ushaida icotti, inazenu. ²⁰ An kusu muna moh ku naze piyhar, karih kazah guzu na cara koku nazekun piyhar." ²¹ Anre Yesoh iku cira ajarayhi a makana un pette kuma yinai muh Taya nan ku S̱idon. ²² Pirong ughowo oh kan'aniyawa amayinzi mami, antu reh iku rene majina awoh, " Titugwaki, pivezenu Dauda pokoro rillulipovoh rih nang, pisifu ekutu nana vapkwa pirinnu unang," ²³ Yesoh itu zaku mane arong, agwekseneni ayhi an ruvah atanzana yhi, akura woh, " Nurkara yhi asa ijar'yhi osin wusziriataoh." ²⁴ Anre Yesoh iku mane awoh," Araotao tumam nang pirong uvakti sai dai amawurunu mamagam muh rarah ki Isra'ila." ²⁵ Anre piyhowo umih iku ruvah a tukuruwo ayhen muh yhi, akura who, " Titu gwaki kanam." ²⁶ Yesoh imane awoh, " Ka zaku rivah uzika mariniru mah nonoh a tangane an kuru-kuru vah." ²⁷ Piyhowo imih iwoh, " Yi, Titugwaki, ankuru-kuru moh ku rhao mariniru mami makusin riksi ajhaos!" ²⁸ Anre Yesoh iku mane yhi awoh, " Piyhowo, riving ripu rigwaki; mun wanvuh ken nang pisuni." Adhaor pirinni iyhi itu wa'ah. ²⁹ Anre yesoh iku caoyhi atek kan , a jarayhi aka paturuwoh u teku ku Galili. Anre iku jarayhi aka tuwa ipana-pana azomo a tek kami. ³⁰ Rifighi rehyhar rin riuvah azuwayhi. An yendeze yhi a gun, nan arumu nan mabebe, nan manakasasu nan a yhar adun amih amazaku warsi. An rwah a tazza yhaon anavina na Yesoh, iwar'ahze yhao. ³¹ Rifighi reh yahar rinra amina, adhaor kami nang ama reyhe amabebe mayhar man ra vervene, manakasasu man war'ahzana, agun anrajase, nan arumu anra tisizini, "anra cangha Asiri ki Isra'ila." ³² Yesoh ikangde agwekseneni ayhi, anre iku who, un pok rillulipovoh ririfighi rehyhar, awarkuwoh ama zomo nang mini ana tuk atar, azang ki rangwa kerih, un zamu su un nurkara yhan ken. ³³ Agwekseneni ayhi awoh uyhi. "Iki nang ten ka zuwa amafhaowaori mami manka hama ayhar adun kini!" ³⁴ Yesoh iwoh uyhaon, "Mafhaowaori mawar nang iri nang man?" an maneyhi awoh! " Mafhaowaori, pivi'ah pezon nan isani na cini." ³⁵ Anre Yesoh ikuwoh arifighi reh yhar, an zonzono a jhas. ³⁶ Anre Yesoh iku zika isani pivi'ah pezon nang isani imih' anre iku rene Asiri u sangjuhi anre iku para arukse agwekseneni, agwekseneni, a rukse rifighi rehyhar. ³⁷ Ayhar nasang an rhao awangza a siti, anki wavu pivi'ahpezon mu koroh ku kureze kumi ko takam. ³⁸ Ayhar amih amah rhao amah ravi ayhar maduvu manas ban nan nonoh nan ayhowo. ³⁹ Anre Yesoh ikunu nurkarayhan an jarayoan anre ikuka nighe ujirgi ku mani masir akana u pette ku magadan.