¹ Mafarisyawa nan Masadukiyawa ama ruva a gbweke yi a wo Isa yhano alama daga izoh. ² A mazakuguranu ima guddu yhaon a vereh a woh, " Inna marong ma wna, en ku vereh wo, ' ka tek kan rikwa, awar ku woh izoh imi i sen.' ³ Adaor ka mi nang ku mokpwi ko wana in vereh wo, ' katek kan zaku rikkwa, awar kuwoh izoh-imi isehn a gura zaku rentu! In yhao ken nan in ka miya ken nan izoh iri, a zakugura yhao ken na en miya ken nan adhaor kari. ⁴ Ku sana kumo kuri mayiman a gura vandaorhi ko ku ringhi alama, a mazakuguranu an za ku rho rin irong alama a mazakuguranu alama u. Yunana." An re Yesoh i ji yaon mi a tu jarayi. ⁵ Adhaor kami nang agbwekseni ami ama rava un pette ku rii̧ ama wunnuzika a mafaowaorhi. ⁶ Yesoh i vereh nan yhao a woh, " Varahni nan u yisti ko Farisiyawa nang a Sadukiyawa" ⁷ Agbwekseni ami an dinni inung a ti a yaon a vereh wo, "Awar kuwo ti rotoh zika a mafaowaorhi nan e vereh ken." ⁸ Yesoh ima yhao ikusi mi nan a sing dinni, an reh iku vereh wo," A yhini a yhaor ami aku rene a suwuh a za ku gwakane, yemmi e rene in sin dinne ana ti a yin a ku vereh wo awar kuwoh in ku rotoh zika mafaowaorhi? ⁹ In ku yaoh vah tuna nang a mafaoworhi ishimi na ama roh a yhaor a maduvu shi, nan mawavu mami mama taka nang inmah konkoro? ¹⁰ Boko a mafaowaorhi ma pivigha pezohn mamai na ama roh yhaoh a maduvu ma nas, nan mawavu mami nang ima konssozo? ¹¹ Ini nang in za yhaowo in za ku seri a vereh nang a yini a makana nang mafaowaorhi? Varahni nan u yisti ko Farisyawa nang Sadukiyawa". ¹² An reh an ku yaoghaotaoke awo a zang iku seri a vereh nang yhaon a makana u yisti mo Farisiyawa nan Sadukiyawa, a mazaguranu woh an yaoghaotaoke U misanu o Farisiyiwa nan Sadukiyawa. Kinkin a dhaor kami nang ma piti nang Kaisariya Filibbi,ima rivi agkwekseni a ku vere woh," Wammi nang a yhaor a ku vere wo Pivezene u piyhaor iri?" ¹⁴ An re an ku vereh nang yhi awo, " A rong a ku vereh wo Yuhannah umi iseri u Baftisma; arong aku wo Iliya; arong a ku gura wo Irimiya, vah pirong inung Anabiami." ¹⁵ An re iku vereh nan yaon, "Nang a yhini, in ku ku vereh wo mini wammi?" ¹⁶ Siman Bitrus i guddu yi a vereh wo. "Piyi piireh Kristo, pivezere oh-Siri kami kari-voh." Yesoh i mane yaon a vereh nang yhi awo, "Pire pizikenu, Siman pivezene pi Yunana, awar kuwo azang riphum nang manyo nama sa vu i kusu kina, a mazakuguranu are Titu- nang iri izoh e sā vu." ¹⁸ Makugura vereh nang pu awo pireh Bitrus , izo u pui nang mang suwa un churih ku nang. Na tungwuru na hades nang za ku zuwa a nasara ki zoh nan kun." ¹⁹ Man rovu a mawononu ma riwomu ri zoh. Ki kushi ki mi na sang nang pe sisi un rih ku yah ken ka zomi a sisi izo, ku kusi ki mi nang ima vinzi un rih ku ya ken ka zomi a vinzi izo." ²⁰ An reh Yesoh i miyah agbwekseni ami awo an ka su ka miya piirong awo yi ire Kristo kumi. ²¹ A mazika a dhaor kami Yesoh ima seme miya agbwekseni ami awo mu ma muura yhi i jar yi un Urshalima, a sere tigaosum ana cara na ya cirvu nang a yha gwakazi mu fiiristoci nang a nyakarani, an gura wuna yi, a gura cone yhi i guru nan kuvoh a tuk ka tar. ²² Anreh woh Bitrus i kokone yi unpette, a nyakana uyhi asin vereh woh, " Ki kushi kima ranguruwo nang piyi, Titu gwaki ki kushi kina ken zaku nana wana nang pu." ²³ A mazakuguranu, Yesoh ima vanduruwoh a vereh nang Bitrus, "Nanghao a tiri ka nang, Pisifu ! Pireh piyami pi sin renem in rukkwuruwo, awar kuwo ba mani mapu nang maksusu ma Siri, a makuguranu mani mapu man ku rih nang makusuh ma yhaor." ²⁴ An reh Yesoh i vereh nang agbwekseni a yhi awo, "Nh pirong iru suh i dorkorom, kuma murana nang yhi i vono yhi riti riyhi, a zihka u giciye uyhi, a donkorom. ²⁵ Awar kuwo piyaor umi iru suh i waskane uvoh ku yi en vizza kun, piyaor umi iyu suh e vizza uvoh ku yi awar kanang,enka zuwa kun. ²⁶ U riba u yemmi iri in nang piyhaor e zuwa u rih ku yah na sang a gura viza uvoh ku yi? Yemmi nang piyhaor en ka roh a war kuvoh ku yhi? ²⁷ Awar kuwo Pivezene u piyhaor en ka ruva a mazir ma putu yhi nan malaiku mayhi. an reh en ka roh ama rehze nang ayhaor, ama mani nang ki kushi mi nang piyhaor e rehne. ²⁸ Rivin nang i sing misi ni, arong ami a yezeni ina kini, an za ku kaoh in nang a rotoh rehyeh u ruvanu ri yhi!"