¹ Kadaor kami nang atuk utasi a vaorhaor, Yesoh izika a Biturus nan Yakuvu nang kommina Yuhana an tuksa izoh upana. ² Anreh rebun diyhimun vaktuwoh. Annghen mu yhi mun rah terere makusu man voko ara terere. ³ Anre Musa nan Iliya, anku cira are vervene nang yhi. ⁴ imane awoh u Yesoh, piyha gwaki, monka rikpwa uwoh tikari ri na, inna pe rume ti napsa anki gari mutar, kirao ki pu, kirao ki Musa, kirao ki Iliya. ⁵ Ken nang ima rotusi vervene anreh ayiryi avur anku turu yhaon, an pokoro arinhyi rinkuwoh, pivezene umi nanh unsuni a puk urentuyhi inuru pokoroni yhi. ⁶ Kadaor kami nan agwekseneni a pokoro ken, anre ukhaou uku wana yhaon an riksi. ⁷ Anreh Yesoh iku ruvah a rike yhaon, awoh sunu pokoro ukhaou. ⁸ Anre anku zakpwo annyhen, a roto reyhe pirong sai Yesus ute yhi. ⁹ Kadaor na ama sin duzzonowo a worun pana anreh Yesoh iku woh'u yhaon an kasu miya pirong, ikusumi nang a rheyhe sai kadaor kami na ma cho usek. ¹⁰ Anreh agwekseneni anku rivi Yesoh awoh anyhakarani attura aku misiri awoh Iliya enka zonkoro ruvah? ¹¹ Yesoh imane awoh, iliya enka zongoro ruvah, rivin, asa aguddu a nang apass. ¹² Insin misini awoh, Iliya ima vuvah an rotoh yha'akhtek ni, maimako ken ama vise in ikusu nan nasuwu na zika kan nang kono piyayhar seze urere aana cara na yhaon ¹³ Anre agweksene an yha'ahtekeh awoh iku si vervene ama ja'agha nang Yuhana piyu Basftisma. ¹⁴ Ken nang anan nighe ana ri'ighi, pirong yhar iruvah aturkurwoh, awoh, ¹⁵ Titugwaki, pokoro aririlipovo di nang, kono ka na kari ati tiksiri. Teku tanghane kan inun unrah, nan mani masir. ¹⁶ Na unkuma yende kan nan agwekseneni a piyhi an raotao suska ku gharwahne kan. ¹⁷ Yesoh imane awoh, kuzayhao ku rivin nan uza na suwuhna vur kawampa nan man zomo nang ayhini. Kawampa na man ka kizini ini, yendeni kan. ¹⁸ Yesoh inyhakazana usifu, kono kami kantu war'ah. ¹⁹ Anreh agweksene ami anku ruva nang Yesoh,ute yhen arivi yhi awo, 'yen erene awuri ti zaku war'ane kan?" ²⁰ Yesoh imane awoh, "ku za riving ku yhaon ku rivin, insi misini rivin awoh inna biri nan riving bin tundun nan pitira pi gbhaon (matsad) pen kawoh upana kun kotokokun inohri kun nan cho, ba kusu nan ken messe ni. ²¹ (imus esifu cira aku zaku cira uwami sai anku mane nan ka tanzo Kasiri) ²² Ken nan amari un Galili iwo, ana gwekeseni ayhi Yesoh ira mese agwekesene awoh "anroh akono ka piyhar ana cara na yaor anka ²³ wuna hyhi, atuk ka tar enka cho. Nasuwuh na gwekseneni nan wantaza yhan. ²⁴ Kadaor kami nana rava Kafarmahum, anre aya gandu ani rivi Bituru awoh pimiseni uyhin iku za kubeh a gandu?, inan mane awoh 'yi'. ²⁵ Biturus inan nghe urarah, Yesoh ivere nang yhi awoh ini nang pe regyhesima? awumu rikugha anku sese ana gandu nan a wanani? Nan ayhar ayhaon boko nang ayuyha. ²⁶ Biturus imane awoh nang ayuyan ande Yesoh ikuwoh, 'anku vaonsaori ayhar ayhaon ²⁷ Asa tisu naze yhan nasuwuh, asa asu rene ayhu sese agandu an rene ivang, jaravu ajing aka vik-kwize riyita, pisani pimi na pe zongoro a puru, na pe wono pin a nhao pen zuwa ikhoarwom, pi zika a yende yhaon, agandu awarka nanga nan ayhin