¹ Mazir ma Siri man kokoza Yesoh ma kana rimi, pisifu ike gbweke yi. ² Ima iisse yira kan akata kure nass nang atuk akre nass, Igbwom imma zuna yi. ³ Pi gbwekeni iruva awoh nang yi," Inna pire kono ka Siri, vereh na kpwan ara an wan mafoeworiii" ⁴ Yesoh mane yi awoh," ama nyakara,' Piyoehr enka zaku voh nang kikusu ke ri na zik, nang ko arike vereh mi achira noeh ka Siri na enka vuh." ⁵ Pisifu i zikayi in ung uroh a Jaggha a tek ka piru takaru a masughha m,u haikahi, ⁶ awoh nang yi, "Inne pire kono ka siri, toehngoene riti ripu a Joejss, ama nyatara "kanka rene malaiku makau man chaure vu" man gura zoepkwoeh vu a na chen na yoehn, asa pi kasu gbohkoh vina rikpwang." ⁷ Yesoh woh nang yi, " Ama gura nyakara, 'p-en zaku gbweke pikarma Kasiri" ⁸ Pisifu i gura zika yi a tek ka takari a sah yi tiwomo tu rikuya nang marentu ma tin. ⁹ Iwoh nang yi,"Ko yen man rovuh, inna pe tutu a yelli mu sujada." ¹⁰ Yesoh imigghayi awoh,"chovi nakini, shaitan! ama nyakara,'pen yelhi pikarma Kasiri u sujada, kan na penyelhe kanm urereh na zik. ¹¹ Pisifu inu Jareyi a Jooel yin mim, malaiku ma Siri man ruvah yelli yu sujada. ¹² Yesoh mo pokoro woh ama puru Yuhana, i tille a nanghwu Galili. ¹³ I Joeh u Nazorath a kara zomi un kafar Nahum, ku piti nang kuteku ku Galili, a piti mayinze ma Zebulun nang Naphtali. ¹⁴ Ivizi ima wana ken asa an karone vere na annabi Ishaya ima vere, ¹⁵ Mayriji mu Zebulun nang mayinji mu Naphtali, a pitun teku urapku urdua, Galili kuroh ko ya panah! ¹⁶ Ayoehr a jomi a marini, ama reghhyen pezeh mu gbwaki, nang ayu zonzi a teghhye, utongdong ku koeh, ampezeh muma ruva yoeh. ¹⁷ Aseme doehr kami, Yesoh semu waghha a kuwoh, "tubani tiwomoh te Siri tira pitu." ¹⁸ Ima sin Jara ma pitun teku ku Galili, i reghye a kommine vah, siman na ku kandeh woh Bitrus, nang Andrawus kommina, an sin toehngozeh ti taru, amare a pusuni sani. ¹⁹ Yesoh woh nang yoehn, "Ruvani, a dorkorom, man renini in wan a pisune yoehr." ²⁰ Adoehr kami an jhoeh u ti tarutimi a dorkoro yi. ²¹ Yesoh ma jao iteghhyemi asin Jara, i reghhye Yakuvu kono ka Zabadi, nang Yuhana kommina. ama ri nung u wassah ku manimasir. Ama ru wassah nang putu Zabdi asing napsa ti taru ti yoehn. I kangdeh yoehn. ²² Adoehr kami an Joeh u wassah kumi nang putu yoehn a dorkoro yii. ²³ Yesoh jara nang yaor nas ko iki un Galili, asin misseh inung tiwono te Siri, asin ghharhaze ke tiriku wonuh nang ti wontonoh ama yoehr ami. ²⁴ Masara mayi mang Jara ka ravun syria nasang, a yoehr ami an yendejel ayah sin gbwanana, ko ti riki tiwontonoh nang i pivih, aya reh sifu, ayi tikziri nang a gun. Yesi ghharhane yoehn. ²⁵ Ayoehr adun an dorkoro yi a worun Galili, nang Dikafohs, nang urshalima, nang mayinzi mu Yahudiya, maka rava u rapku urdun.