¹ Ana tuk ami Yuhana piyu baptisma ima ruva sin waghha a rimi ku Yahudaya akoh, ² " in tub, tiwomoh ti zo tire piti" ³ Kini na annabi Ishaya ima vere, awoh " Rinnyii ri piya isin kanghha a rimi, naosa nie rinah o Siri, yezeneni tirindina yikan na wass." ⁴ Yuhona imari makusiu ma ti gburr tu rokomi nang ti varvi tu kproa a ma reghhye mayi. Mariniru mayi mandoh mamarung nang matu ma rimi.ayu urshatima, nang u Yahudiya, na aya zongi a maroh manui ma tengeni u mana ku urdun an chira aka zuwa yi. ⁶ I yelli yoehn u baptisma umane ku urdun, an sin missi vang i yoehn. ⁷ Ima reghhye a Fazisiyawa nang a sadukiyawa adun an sin rupsa nan yi i yelli yeohn u baptima, i migghha yeohn awoh, " A yini nonom yogghho iti mum ti yitin, wane migghi ni in sum uvoh kuykun kumi kon ruvah? ⁸ Yelle ni manang mani man sa uwoh imma sereh sin. ⁹ Sunu zika ana sugwhu na yin akoh, " Tiri Ibrahim tita kwuri." Minin sin misini swoh Kasiri kan susku chone nono ana kbwang ara, aro, Ibrahim! ¹¹ "In sainu baptisma nang manimasir u sere ko Siri. Piyehn ruvah tini kanang i pirim u surah, in roto ma hama zika raka yi. Yi anka rissem u baptisma nang mazirma Siri nang uroh. ¹² Kuchimbu kun reh na chan nayi, kumi na enka napsa vahn kan vurka amu konsozu seh ama ming. Enka pokso mafonkorongnan urah umi o ku rimunuwu ni." ¹³ Yesoh i ruvun Galili u mana ju urdun asa Yuhana i yu baptisma. ¹⁴ Yuhana i woh i vono yi, a woh," in sunu woh pigghyi pi yellim u baptisma, na pi ruvah nang mimi? ¹⁵ Yesoh i maneh, awoh " Rume nakini, kurin u woh ti korene ko yen itip." Yuhana inu rume yi. ¹⁶ Ama yelli u baptisma, Yesi ma chira amanimasir, Izoh Siri in wontoh. I reghhe u mazirma man sin tozzonoh ne kapuktu a nang zomun yi. ¹⁷ Ring yii din chira wori zo Siri awoh, "Kono kanang kami na in suni kan ka, in pok u rentu kan."