¹ Alinikami nang ama regghye Yesoh un Baitalami ku Yahudiya a adhaor ka Hiridus piwomoh, arong aa yu yao kon rerung an ruvah urshama akuwoh. ² "Inusi piya na'a reghye powomuh Yahudawa? Te reyhe irerung kiyi un gabas na ti ruvah a rise yhi u siyada. ³ Adhaor piwomoh Hiridus ima pokoro, ken kasuwuh kana wantayhi yi nang a yaor Urshalima na sang. ⁴ Hiridus i konsozoh areveh ugwakazi nanag a nyakarani ayaor a rivih yaon iki nang ankareghye piyuwaska? ⁵ "An mighha yi awoh, " un ?Baitalami ku Yahudiya, kenna annabi eh nyakara, ⁶ "Pighhi Baitalami, ku roh ku Yahudiya, a zang pighhyi piprun dun-dun a tiwomoh tu Yahudiya, nang piyhi na piwomoh en chira, pivi'ahni a yaor a nang Israila". ⁷ Hiridus i kangdeh ayhu yao kumi utuwu arivi yaon adhaor kami na kirerung kimi kima chira. ⁸ I tuma yhaon un Baitalami, awoh, "Janini aka kitara a rigyi kono kami, na en zuwa kan, in gurum nang masara mami, sa minina kanam, aka rise kan usujada" ⁹ Ama ruruh poskeh vereh powomoh, an yellu jara- yoeh, kirerung kimi ne ama reghhye un gabas kin zongoro yoehn maka ravah tek na kima yezene a zunuri a teghye me na konoh kami karim. ¹⁰ Ama reyhe rerung kimi, a reneh suwovok nagbing ¹¹ An nighe urarah kumi a reyhe kono kami nang ki Maryamu, muna. An tutu a rise kan u sujada. An wono na voehkit a rukse yhi u zinariya, lubban nang mur. ¹² Kasiri kama nakane yaon a ma motozono an su guru yaon nang Hiridus, an guru yaon unrho ku yaon tu rong urina. ¹³ Ama chira jara yoehn, malaika matitugwaki man ruva nang Isuvu a ma motogono a woh, "Cho, zika kono kami nang muna asumini un masar. Araka zomi noehri maka ravh doehr kami na mang migghha vu awarkuwoh Hiridus enka rigyi konoh ka i i wun kan". ¹⁴ A tuk kami tsivu cho a zika kono kami nang muna a jara yi un masar. ¹⁵ I raka zomi inhori maka rava doehr kami na hiridus ima koeh. Manang mami mama korone i kusu na Titugwaki imah vereh teh nao ka annabi "aun Masar nama kangdeh kono kanang". ¹⁶ Anre Hiridus, ima reghhye woh ayu yoeh kuma ama choengoeh yi, i na zeh sugwhu na gbwing. i tuma anka wunza nono na rumi na sang un Baitalami nang maro mahi ma pitizim nami na ravi tiwa tivah nang nami na- zaku rayi aseme adhaor kami na ima pokoro nang a yu yao kumi. ¹⁷ Ama korone ikusu nang annabi Irimiya eh vereh ¹⁸ "Ama pokoro rigyhi un Rama, kasao nang kasuwuh kasir na gbwing, ki rahila kin seri mayizi a war ka nonoha kin, kin vono kin uwoh nome kin a sugwhu, a war ku woh na roti nan. ¹⁹ Adhaor na Hiridus imah khao, malaika matitugwaki cirah nan Isuvu a ma motozono un masar awoh, ²⁰ "Cho zika kono kami nang manu, a Jaravu a mayinji muh Israila, ava asin rigyi uvoh ku konoh kami ama kizi". ²¹ Isuvu cho, a jika kono kami nang muna, a ruva mayinzi mi Isra'ila. ²² Imma pokoro woh, Arkaliyus i seri tiwomoh un Yahudiya u tami ku putu Haridus, i pkom ukaou ukana a tek kami. Kasiri kama mi'ahyhi i jarayhi a mayinzi mu Galili, ²³ a raka zomi urho kumi nang aku kagha awoh unazarat Manag mami mama korone ikusu na ama vereh te nao ke annabawa, awoh anka kangdeh yi awoh Banazarat.