¹ Yesoh ma regghye yoehr ami, ijara yi izoh upana aka zomo, almajirai ayi an ruva nang yi. ² I wono noeh kayi a misseh yoehn, akuwoh. ³ An zikine ayuwam u amazir yoehn na anka roh tiwomo ti zoh. ⁴ An zikine ya soehh, anka nome yoehn na sugwhu. ⁵ An zikine a yu ventitih anka yelln gadu urikanya. ⁶ An zikine ya ku gbomono a seru se-rr ku rina umpezeh, an ro yoehn risiti. ⁷ An zikine aya ku kana, anka kana yoehn. ⁸ An zikune ya sugwhu ka vur, anka reghhe Siri. ⁹ An zikune ya ku napsa manang, an kangghha yoen awoh nono na Siri. ¹⁰ An ziknie ya seri vurah, agura seri ko arike vereh ayiehni i chotti un yin a war kanang. ¹¹ Indeh aya riki adoehr na ayoeh, asin suri ni asin duksini vurah, agura seri ko aruke vereh ayiehni i chotti un yin a war kanang. ¹² Yelle ni rihoehroeh a rentene, ku lada kuyin ku gbwaki i zoh Siri kenna ayoehr ama rukseh annabawa ama ruvah zon i vurah. ¹³ In deh kutasina ku rikuya. Inna kutasina ko wure urentu ku, ini na anka gura napsa kun? konka Zaka rentuwo an ren kun in ko yen sai an nekere kun a tuksanam a na toektin na na vinah. ¹⁴ Inreh ampegeh ma rikuya. Kuroh kumi na a sugghhaa ma Yakaru koku wukunuwo kun. V 15 Ayoehr una yoehn a ku zaku renu rah a rivak a kpwipkpwiri nang kighhavuh, aku tarkara izo u yoehzu, asa ampeze mu bangara ko wan urarah kumi i regghye. ¹⁶ Joeh nu rah unyin un bangara an peze mu bangara an nyen mo yoehr sa anrek utuma urip uyin a changhha tiu uyin umi ri zoh aroyii tiwmomo. ¹⁷ Su nu zika na sughwu na yin awoh minin ku ruvah in yitiri avah a maleh nang anabawwa. A zang nku ruvah in yirki, inku ruvah sa manang mang kor. ¹⁸ Rivim na nisn misini awoh izoh nang kurikiya anka rarah, kikusu ki chini a navah a mateh masiri an zaku rarah, ko marike manang manku koro. ¹⁹ Kowane gbekbkwe ma chini a miateh a gura miseh rong an yelli ken anka kandeh yi awoh kichunu a tiwomoh te Siri piye dorkoro mateh mami nasang a gura miseh tin anka kandeh yi awoh kigbwaki a tiwomoh te Siri. ²⁰ In sin misini koh, anang ayin arip sai anku voeroeh o yaku nyakara nang a Farisiyawa, ba kenna in naka ninghe tiwomo ti zoh. ²¹ Im ma pokoroh ama vere nan yeohn a dochr ka tit,i,'In kasu ku wuna piyere eh wuna pirong i ri nung a mateh.' ²² Mini in sin misini ko wan isin nazeh sugwhu nang kommina eh ninghhe mateh: piye mighha kommina,'pire piyoehr u wam!' en yezene sereh mateh awoi nang aya cirvui ; piye woh, ' pigghi kubana!' eh ninghhe mateh mu jrah o Siri. ²³ Ma ku gura woh, inna pirama ka roh iramgwa a ripig a yeghheteke woh konau ka sere mima nang puh, ²⁴ Joeh ikusu na pe yendeh a tek ka ripik rimi, a jaravu zongoro ka napsena nang konau, anu guru a roh ikusu na pe yendeh. ²⁶ Rivim na insin misiin, pen zaku chira sai pi beh ikusu ki wuri ki chini in korghhi mina i dorkonivuh. ²⁸ Mini nisin misini awoh piye tirkiri pinyoghho a tirku ku nomo nang yi ima mohsoh nang yi a sughwu kayi. ²⁹ Nna rigghhizi ripu ruroehhm ren renevu pi rupkwuruwoh, virkane rin a marangamia ku piru rip u woh pi viz a gbwakarak keroeh ka ripum ripuh nang ku woh an toehngoehne ripum ripuh na sang a ritoektin du rah o Siri. ³⁰ Nna kachara kuroehm kapu kan rene vu pi rupkwuruwoh, cheske kan anekere marangani. Ku piru rip uwoh pi viz a gbwakarak karoeh ka ripum ripuh, nasang a ritoektin du rah o Siri. ³¹ Ama vere woh,' piye viskine yi.' ³² Mimi makoh piye viskine pinnyowuyi, sai in na reh a warke marik mu ringwoh rumi uyah, ima reneyi i wana piyu ringwoh rumi yah. Piya na ah yira yi ehwana piya isin mosozeh nang annyowu yah. ³³ Imma gura pokoro kanna ama vere chettimi,' su Siri masiri mi chotti, zika ma Siri mapu nang Kasiri. ³⁴ Mimi makoh, sunu ku siri, ko nang izoh Siri areh katek ka zom ka tiwomoh te Siri, ³⁵ boh koh kurikuyah, areh katek ku tarkara navina na yi; boh koh ku urshalima, areh luroh ku piwomu gbwaki. ³⁶ Su Siri nang riti ripu , penka suska vuh u soeskoeh u tih kuvok kun wan Kusiri. ³⁷ Joeh ne vere yin an wan,'yi kuyin kun wan yi, marumem mayin kun wan marumen !. ki kusu ke pirka kini ki wori pisifu. ³⁸ Imma pokoro an woh,' Rigghyizi a warkke rigghyizi, piyini awarke piyini'. ³⁹ Mimi makoh, sunu vonini piyu voh ku pisifu. Piyeh ranggha vuh u wau ku roehn kurve u manzu kumi a royi. ⁴⁰ Piyi rusu ikanu rarah ku mateh nang puh i vor u rigghha kupuh, mana u godoh pupu a royi. ⁴¹ Piye murah vuh Jaru marangazang machini Jaravu nang yi marangazang ma piri ken so tivah. ⁴² Roh piye tanzana vuh, su kurveh tiri nang piyi rusu seri kusu nang pu ika guddu vu. ⁴³ Imma pokoro a woh,' pi suh Jango zontokoh avonovu piyu voh kuyikun.' ⁴⁴ Mimi makoh, enka suni ayu roh ku yikun, yelle ni aya sin ruksini vurah adu'a . ⁴⁵ Asa in wan nohnoh na putu yin umi ri zoh. Yi eh ku rene annyi mun chira a war ka yu tuma o sifu nang a yu tuma urip, a tuma uruh nang a ya rivim nan ya zaku seri manang marivim. ⁴⁶ Inna in suni a ya sunini, yennah enka zuwa? Aya sin seseh gandu kuku zaku yelli ken? ⁴⁷ Inna peku sumaze a konauwi na zik, yennah pi seri ki piri ke manzu? ko aya ma rini kuku zaku yelli ken? ⁴⁸ In ka yoeh, yezeneni na wass, kenna Kasiri kari na wass.