¹ Muma wana ken adaor na Yesoh iruru avere nan agweksene ayi awoh, ² Inyao awoh inung atuk avah anyhi mu faskal munka wana, anka roh pivezene upiyaor ana cara na yhaor anka chaonkhaore yhi. ³ Piyire riti ruma sujada na a nan aya cirvu a yaor ami a konsozoni nasang kuyaon ugho kapiyi re ritiru ma sujada, na aku kangha yhi awoh kayafa. ⁴ an mane na nao nasang ku yaon awoh, anka puruyhi atu wuna yhi amani sana. ⁵ An kuwoh, "An zan kadaor ku penge, a nang ami an kasu chone riwuma inung ana nayhaor ami. ⁶ Kadaor kami na Yesoh imari un Baita'anya urara ku Siman pigwanurah. ⁷ Kan na ima zomo urtabur, pirong unyhowo iku ruva azuwayhi a yhaop ikuturu kima mai mi korwoh, I ghara yhi a ritih. ⁸ Agweksene ayhi ama rehye ken, na suwu nan wanta yhen, an woh, "yene rene an soe mamaima? ⁹ Anne kuzizi in korghyi gwaki aro ayu wam." ¹⁰ Yesoh, ima yhao ken, imane awoh, "yene rene insin dama pinnyoworu kikusu kirip na eh rise. ¹¹ Inrih nang ayuwam ko ka rike adaor, inang zaku kuri nan mini kokarike daor. ¹² Kenna imah rene ma mai mana a ripum rinang, awar ku kavenumi na an kavem. ¹³ Rivim na insi-misini, ko iki na anka wa'agha avere a marentu ma urikuya nasang kikusu na phinyhowumi erise ante vervene ni sa an kasu wunu na anang ayhi. ¹⁴ Piyhar uroarinung ana kiri ana vah ami, piyha na a kuwo, Yahuda Iskariyoti, icira akana nang ma firist ma gwakazi mami, ¹⁵ Awoh, "yen na en rume in nan ka rom, nama rohh yhi nang yin? ande an vazze azurfa akiritar awark yhi. ¹⁶ Kadaor kami irah ringhyi ken na an roh yaon yhi. ¹⁷ Katuk a zon ko rih ku jibi nan kufoewoeri kumi koku zaku vughwu a gweksene ayhi an ruva nan Yesoh awoh, iki na pirusu awoh ti napsapirih marinurum? ¹⁸ Iwo, janini inung uroh nang pirong uyaor a migha yhi awoh, "Pimisene ewoh, "kadaor ka nang kamawana. Nrusu in yelli u faska urara kupuh nang agwekseneni anang," ¹⁹ Agwekseni an yelli ken na eh rene yaon, andeh anku napsa marinuru mu faska kumi ²⁰ Marong man wana, an zonzono ara ma rao marinuru nang agweksene ami. ²¹ A sere rhi, iwoh, "rivim na insi misini awoh, pirong inung uyhin irama zizim ²² Ama roto pokoro rentu o nang ami, kown ira ripsi yhi, "kure mini, piyurara?" ²³ Imane awoh, "piyah eku rene acara isep nang mini yhi ire piya en zizim. ²⁴ Pivezene upiyaor en jara yhi, ken na ama nyhakarah makana nang yhi ipivi upiyaor na anka roh pivizene upiyaor ana cara yhi! Ku manim uwoh an nama roto reghehyi. ²⁵ "Yahuda, piya ima zizi yhi iwo, "kure mini, Pimisene?" Imana wa pen "pevere ariti ripuh ²⁶ Ansi roeh Yesoh izika ufoewoeri a rene kun ritauri rip anyhakarakun, arukse agweksene ni mi awoh, "senni, aroh are ripum rinang. ²⁷ Izi iriri kimani achana'atake putu an de iku rukse yaon awoh, "sezene, nasang kuyhin. ²⁸ Are manyho manang mati karkum na ma gharan awar ku guzu ki vang a yaor adun. ²⁹ Makuwo uyhin, manzaku piseze mani mukuringan anap, ankawureh katuk kami na mang ka seze ma pass nan ayhini atuwomoti tita," ³⁰ An sipsa usiva aruru, a cira ajara yaon upana ku Zaitun. ³¹ Ande Yesoh iku woh uyaon, Nasang ku yhin in nang riksi atuk ku keru awar kanang ken na ama nyakarah man ranghha pivi gha'ani magam ma soto ³² An kare a chonem, manka zogorini aka nung Galili." ³³ Ande Bitirus iku woh uyhi, "Nna ayaor sang anka riksi awar kapu, mini manka zaku nana rigyin. ³⁴ Yesoh iwo uyhi, "rivin na nsin misivuh, katuk kukeru, kuwoni konka woh kun kokone pim saravumin titar," ³⁵ Biturus iwoh uyhi, "ko kure inku nan koah nan pigyi, man zaku saramphi agwekseneni ami nasang an vire ikusu kinke roeh. ³⁶ Yesoh ijarayhi nan yaon atek naku woh Gethsemarie, iwoh nang agweksene ami, "zonzononi ina in jarmim aka rise tanzu inori, ³⁷ Izika Biturus nan avezne ava a Zabadi nang yhi, kasuwu ka kan wanta ³⁸ Ande ikuwu uyaon, "kuvo kusiwanta zanam na gbing, maka rava nan ku koah taka nina a si suksa nan mini. ³⁹ Ijite a ranguruwo na chunu, a rigyi nang an nyen mu yhi ajaos, a yelli atanzu, akuwo, "Tit, mun nari uwo kiriri ki vura iri kin kuvoroam azaku re kikusu na mini in suni, kisusu na peregye ke ripkwah." ⁴⁰ I ruva na agweksene ni azuwa yaon an nonzi anmara, ande iku woh uBiturus, inku zaku suska usuksa koku sa'a ku rao? ⁴¹ Suksani asi tanzana a Siri inkasu ninghe ugwekene upisifu. Mazir mayhin marusu, apum ayhin an zaku sisazi. ⁴² Ijara yhi avakika rise tanzu. Iwoh, Tita unang na mo wana uwo kiriri ki ke zaku vorooh, man seze kin, kusu na pisuni kin wana ken. ⁴³ Igura ruva azuwa yaon an nonzi anmara, ayizi ayaon an zivi. ⁴⁴ Igura jao yaon mim, ajara yhi araka seri atanzu atar, aku vere anang arao kinne rizoni. ⁴⁵ Ande Yesoh iku ruva na agwekseni a yhi awo uyaon, "inku rotu non ammara asi vonsono? rehyeni kadaor kama wana pivezene upiyaon asin rukse yhi a na chara na yhi vang. ⁴⁶ Choni sa ti jariri, piyaor en zizim ira piti. ⁴⁷ Ima rotu sin vervene, Yahuda, piyaor urao inung ana yaor rikiri ativa, iruva, rifighyi re yaor rin dhorkonon yhi nang ma firist ma gwakazi nang aya cirvu. An ruva nan natan nana nakukara. ⁴⁸ Piya en zizi Yesoh imah roh yaon alamar, awoh, piyaor na maka kaure yhi, are yhi, punni yhi." ⁴⁹ Zah kunaze kodaor iruva nang Yesoh awoh, "kusumazi, pimiseni" aka kaure yhi. ⁵⁰ Yesoh iwoh yhi, "Bicha, yelli ikusu ke yende vu." Ande an ku ruva, a rene na chara un Yesoh, a puru yhi. ⁵¹ Urao inung ayha a mari nang Yesoh iraska chara a kokone atan a pengye utoh kupirere ku firist ugwaki. ⁵² Yesoh iwoh uyhi, "nighara atan kapu urara kukan, ayah ku zika natan ankara kizi a natan. ⁵³ Pe nnyen awoh immaka zaku vere nan Tita, ituma rifighyiri malaiku arava riki anava? ⁵⁴ Ini nan avah anka koro, akah kenna manang man wana? ⁵⁵ Kadaor kami Yesoh iwo arifighyi re yaor ami, "inku cira nan natan, nan nakukara, inpurmim kinne pituwu? Maku zomi nang ayhini, ko ka rike tuk asi misini haikali, inzaku purum. ⁵⁶ Anang ara ama wana kini asa ara na annabawa ama nyakara an korr." Agwekeseni ayhi anjao yhim a asume yaon. ⁵⁷ Ayah mah puru Yesoh an zika yhi a jarayhin nang kayafa ku firist kugwaki, atek na ayaku nyakara nan ayha cirvu a konsuzuwo nasang. ⁵⁸ Biturus imah dorkononi yhi a maranganani makana ugoh ku firist ku gwaki. Ika aka ninghye azomo nan ayha ku nyhente, sa ika nyhen ikusu ken wana. ⁵⁹ Nakini, ku firist ku gbawaki nang ayha mateh nasang an si ringyi icotti imi nan an puru Yesoh nang ini asa an ka zuwo uwuna yhi ⁶⁰ Ama roto zuwo, ko na ayaor adun amama yeneze icotti iyaon. Ama re ayaor avah a cira'u ⁶¹ Awo, piyaor uru, ima woh, manka suska u yirki uhaikali ko Siri, agura suwa kun ana tuk atar." ⁶² Ku firist ku gwaki kun cho awoh, "pizavuh na asin vervene makan nang puh?" ⁶³ Yesoh ikiziyhi. Ku firist ku gwaki kun woh, "ma renevuh arizaghyi reh Siri ugharah, migyirhi bokoh pighyi pire Kristoh, pivezene o Siri." ⁶⁴ Yesoh imane yhi, pevere a ritih ripuh. Insi misini, asere doehr ka in anka regye pivezene upiyaor. Izomi a chara kurhoam ku tiwomo asi tozzono awori zoh asiri. ⁶⁵ Ku firist ku gwaki kumi kun jiza makusu makun awoh, eh vere mang mayiman! Ti rotu ruwoh pirong igura vere? Reghyemi, imma pokoro nang ayheni. ⁶⁶ Inku wowono? "An mane awo, kowane woh ikhi." ⁶⁷ Ande anku catkazeyhi matau annyen akan vavayhi, a challe yhi ana chara na yaon ⁶⁸ awoh, rene anabci, pighyi Kristo wan eh challevu?" ⁶⁹ Biturus imah zomi uyha ugoh, pirere karinni, kan ruva nang yhi awoh, piri nang Yesoh piyu Galili." ⁷⁰ Ima sarah yhi nang yaon nasang, akoh, "nnyom ikusu na enk vere." ⁷¹ Ima chira makana tek ta to worong ku chira kamanzu karinni kare pirere kan rehye yhi awo ayaor ami awo, piyaor uru imari nang Yesoh piyu nazarat ⁷² Ipi sarayhi ara siszini, inzaku yha piyaor ummi." ⁷³ An menze, ayaor ami ama yeehzeeziategyemi aduva awoh nan Biturus kenna muri, pi rinan ayhami avere ayhin a suksana." ⁷⁴ Biturus Iseme tisuraru nang masin, "Inzaku yao piyaor umi, ande kuwoni kunku kokore. ⁷⁵ Biturus inu yhaghatake ken na Yesoh imawoh penka sara uyao kunan titar kuwoni kunnu kokore," Inu chira uya aka maghha na gbing.