¹ Adaor kami na rikata rimah vurka, mafiristoci magwakazi nan aya curvu ayhar antanzana a rume awo an nhun Yesoh, ² Ayhaor ami amah puru yhi, azika yhi a jaha nan Bitalus kugwamna. ³ Judas piya imah bashen nan Yesoh imah reghe ken na asi ghaosao Yesoh anre iku tilliwo anhaohao a gudu azurfa akiri-atar nan aya gwakazi amafiristoci nang aya curvu . ⁴ Judas imah vere, "nmahrise ivang. nmah bashen nan piyhaor umi ivur manyo" anre mafiristoci magwakazi mami mahn mane yhi awo "zah mani mawurhi? rehye aritih ripu." ⁵ Anre iku vulle azurfa ami inung a jaraji uya aka dhaonkhaore ritih riyhi. ⁶ Piya gwaki uma firistoci imah zika azurfa ami awo "mhu zaku riva tih nhaonghaoni ikorwo iri inung atek kataraka, awar kuwo irhe ikorwo imanyo." ⁷ Amah tazana amatih a yhaon a rume a zika ikorwo imi a zemene makutu kasuwani mohn ruruk awar kuwo ankaku kafse a jhaon mihm. ⁸ Ki kusu kerene anku kahho awo makutu kami awo kajinghi ka manyo maka rava ukeru. ⁹ Ki kusu na Annabi Irimiya imahvere awo "Amah zika azurfa akiri-ataar ami na ayhaor uh Isra'ila ama tara awar kayi. ¹⁰ Ikorwo imi na amah zika a zemene a makutu maya aku suwa anruruk, amah risen ken nhe ken na Kasirih kama miyahm." ¹¹ Yesoh imah yezene annyen mhu gwamna ku gwamna kumi kun rivi yhi awo, "Piyi pire piwomo oh Yahuduwa?" Yesoh imane yhi awo, "Peh vere mariva" ¹² Adaor kami na aya gwakazi ama firistoci na aya curvu amah zargi yhi ankusu na iseri, imah roto mane nan kirammwa. ¹³ Bitlatus imah vere uyhi awo, "pi zaku pok ankusi na asi vervene ariti ripu?" ¹⁴ Yesoh imah roto mane na avere arhao yhi Bilatus ku gwamna imah koro nan amina nagbing. ¹⁵ Adaor kulanda ku idi ku gwamna kuma ku viskine a pirere urhao umi na ayhaor ami a teske. ¹⁶ Adaor kami amah rhi urere umi na amaku kahha yhi awo Barabbas na amara yhao yhi nagbing ¹⁷ Ayhaor ara a makonkuzuwo atek karhao Bilatus ivere nan yhaon awo "wammi a inrusu nrhu ini inh viskeni in yhi? Barabbas vah Yesoh piya na aku kahha awo Kristoci?" ¹⁸ Bilatus imah yhao awo a yhaor ara amah yende Yesoh nan yhi awar kari khaozhao. ¹⁹ Adaor kami izomi arira ka mateh, pinyowo yhi ituma arere nan yhi awo, "suh zuwah irammawa kurise nan piyhaor uni ivur manyo, awa kuwo nma seze mrere nagbing ama mhaothaozhaonhn ukere ama jaha nan yhi." ²⁰ Piya gwaki uma Firistoci nan aya curvu amah nitaze a rifihi rhe yhaor ami an riif Bilatus iviskine a Barabbas, a zika Yesoh aka whuna yhi. ²¹ Bilatus ku gwamna imah rivi yhaon, "wommi ana yhaor ara na inh rusu nviskene ni yhi?" An mane awo "Barabbas." ²² Bilatus ivere yhaon awo, "yenna mahn riseh nang Yesoh umi na aku kahha awo Kristoh," Ayhaor ara an mane nasang awo, "anka dhaonkhaore yhi. ²³ Bilatus ivere uyhaon awo, "yemmi na Yesoh imah rene?" Ayhaor ami an mane inwuhn na gwakana awor" anka dhaonkhaore yhi." ²⁴ Adaor kami Bilatus imah reyhe awo zah ki kusu kmi na ensuska rene awar kuwa ayhaor ami amara ringhe uwo an kuwana, anreh iku zika mani-masir a guzu ana cara na yhi annyen moh rifihi rhe yhaor ami, anre iku vere awo, "mini Bilatus zah mani manang a manyo ma Yesoh piya vur, rehye ni ikusu nan innan rene nan yhi. ²⁵ Ayhaor ami nasang anwoh, "teh rume manyo mayi mari anatih awurhi nang nono na wushi." ²⁶ Anreh Bilatus iku viskine yhaon Barabbas, imah millaze Yesoh anu roh yhaon yhi sa anka dhaonkhaore ²⁷ Anre an soja mhu gwamna muh zika Yesoh ajaha inung ateti kurara ku gwamna a konkozo a rifihi ren soja nasang ²⁸ Amah yirah yhi makusu, a rene yhi a makusu makhaolhaozi masen aterereni. ²⁹ Amah napsa a rikar rima sapp a rene yhi a ritih riyi, a zika atii atarkara acara kayi ku rhaom. Amah tukuzuwo ajhaos annyen muyi avata yhi, akuwo, "Tisi sumaze vu piya piwomo'u Yahudawa!" ³⁰ Amah cida yhi ritaou, anu zika atih kami arangha yhi aritih agura rangha ³¹ Amah ruru vataze yhi adhaor kami, anu cuwurna yhi makusu makhaolhaozhaoni maen atereni, anu rene yhi a makusu mami mare mayi, anu zika yhi makana atek na adhaonkhaore yhi mihm ³² Ucinnu yhaon, amah zuwah a pirong uyhaor pi-Bakurane rizayi riyi saminu, umi na amah rene idorkoro yhaon nsuru avar kuwa enka gita tiyah ugiciye ku Yesoh ³³ Ayhar ami amah ka rava arong katehhe na aku kahha awo Golgota, kan kare "katehhe kukonkoni." ³⁴ Amah roh yhi umur kun riskini nan Karimaka awo isu, imah renge umur ku avana yhi uso. ³⁵ Adaor kami na amah ruru uohaonkhaore yhi, amah hanza (wanza) makusu mayi tu kuriya. ³⁶ Ayhaor amih amah yezene asi nyente gwasa yhi. ³⁷ Ayhar ami amah nyakara ikusu na asi rifsi yhi awo "yhi ireh Yesoh, piwomo'u Yahuduwa." ³⁸ Amah dhaonkhaore yhi na atuwo avah, rhao tupette kurahm urhao nmi upette ku cangiri. ³⁹ Ayhaor ami amsi uhaoszhaonhao akan surah yhi akanjikiti atih ayhaon. ⁴⁰ Akuwo, piyi piya pimah vere awo pen yitiri urara ko Siri a suwa kun anatuk atar, waska riteh ripu! nna pire pivezenu Siri, toro izoh ugiciye kumi!" ⁴¹ Tuh kinina aya gwakazi ama firistoci amasi vatah yhi, nang ayu yhao nan aya curvu, awo, ⁴² "Imah waska arong, agura zaku suskta uwaska ritih riyi. Ireh piwomo'u Isarail, jini yhi mihm itoro ugiciye kumi, awurhi tenka nu rume nan yhi. ⁴³ Imah rume na Kasiri, Kasiri kami kan waska yhi kinkini, nna Kasiri ka rume kan viskine, yhi, awar kuwo imahwo. "Anre pivezenu Siri." ⁴⁴ Tuh kinni otuwu ami na amah dhaonkhaoze yhaon nan yhi amah surah yhi. ⁴⁵ Adaor kami inkorwo utasi, marini mamahtuh toroh inung a mayinzi maniaka rava ikorwo iviha pevak. ⁴⁶ Adaor kikorwo piviha pevak, Yesoh ima mahateke a rinyini rigwaki awo, "Eli, Eli, lama sabatani?" ani areh "Kasiri kanang, Kasiri kanang, yemmi erene pivandarehm atini?" ⁴⁷ Adaor kaminaya amah yhaozi a pitihm an pokoro avere ami, anreh an kuwo, "isih kahha Iliya." ⁴⁸ Inung adaor kami piyhaor urhao uyhaon isunge a zika usosoh a joppworo kun inung umur kumi kunyaki, a soppworo kun atih, aroh yhi sah isu. ⁴⁹ Ayaor ami ataka an vere awo, "ji yhi mihm, awar kuwo tika nyen vah Iliya entoroh a waska yhi." ⁵⁰ Adaor ka Yesoh isura mahateke a rinyii rigwaki anu viskine mazir mayi. ⁵¹ Adaor ka ku labele totek ka makonkukuzuwo muh rhaohao ko Siri kumah jita tiva izo ikun maka toro ajhaos, kurikuya kuma ririruwo, akwang an pattazana tiva. ⁵² Masek mamah wontozonho, apuhm ayhar adung ami amah nonzono anmara amah coksonho. ⁵³ Amah coksonha acirah inung amasek, aninghe inung urho kuvur, ayhaor adung amah renze yhaon. ⁵⁴ Adaor ka piwumani ugwaki nan aya asi nyente Yesoh amah rehye uzunduwonu umayinzi nan ankusu mumi muna wana amah pokoro ukhaon nagbing, awoh, "Anre rivin ireh pivezene'u Siri." ⁵⁵ Madung manyowo ami amah dorkoroni Yesoh cellung Galili awar kuwo ankasu nizazed yhi a suwu ⁵⁶ amah rihm atirkini amarangazang. Inung uyhaon, ki Maryamu Magudaliya, ki Maryamu munah'u avezeni a Zebedi. ⁵⁷ Marong mamah wana, pirong uyhaor utikarma umi ecirah'u Aramatiya nah amah ku kahha awo Yusuvu, umi imah gura areh pigwekseni'u Yesoh. ⁵⁸ Imah kanahnan Bilatus imah vere an ruyi. ⁵⁹ Yusuvu imahzika ripuhm rimi avusu ufuh kuvur (kuvoworu/kufari). ⁶⁰ Aka pehe ripuhm rimi rusak kupas kumi na imah seneh inung arikwang, anre iku nurkara a rikwang rizig na kiding anhao kusek kumi a jara yhi. ⁶¹ Ki Maryamu Magadaliya nang ki manzu ki Maryamu amah rhi a tehe mi, a zonzi tuh rakpwu usek kumi. ⁶² Arhi Manzu rikata, Rimi rhi eh katuk kama napsana, piya gwaki uma Firistoci nang a Farisawa amah konkuzuwo nang Bilatus. ⁶³ An vere, piya rara, teh dinni adaor kami na pivati uni imah war, imah vere, "mini manka gura coh atini katuk atar. ⁶⁴ Awar tuken renni an gwasa usekkumi mariva maka rava atuk katar, sah agweksene ayi ansu zuwah awara ku ruva aka tuksu yhi anu vere na yhaor. imah coh inung a makiniru mami, marara mu vatanu mi manka wanta a pirka a zohn." ⁶⁵ Bilatu vere nan yhaon, "ka gwasani, jari ni aka gwasa kenna inna ka suska." ⁶⁶ Amah jara yhaon aka gwasa usek kumi, a wuzza rikwang rimi anu rene a gwasani an gwasa.