¹ Tiwomo ten ka sughhyi narinni rikiri nami nama ika I till iyhaon a jara yhaon anka mansana nang ku ango. ² Kishi un ciku yhaon anre mabana, kishi anre ipamba ³ Ama ri ken mabana ma rinne mi man zika itilla iyhaon, a roto ma zika mamai nang yhaon. ⁴ Ipamba imi in zika ankuturu mu mamai nang itilla imi. ⁵ Na kini, ama roetoeroeh u ango kumi, nasang anmara mun zuwa yhaon an nomo. ⁶ Ama raghhyi kateti katuk an waghha, "tirkirini, ku ango! cinne ka mana nang kun. ⁷ Narinni nami nasang nan co a napsi tilla inan. ⁸ Mabana man woh nang ipamba imi "Roniri nacini awore mamai mayin itilla iwuri ira kizi. ⁹ "Ipamba imi in woh "awor kuwoh mamai ma wuri manka zaku hamiri nang ayini, janini utami nang aya ku zizi a zemene a warka teh yin." ¹⁰ Ama rotu jariyhaon anka zemene, ku ango ku ruva, ayama ma kupsana an jara yhaon nang yi a tak ku penge ki runga, an wura toworong. ¹¹ Kadaor kama vaoraoh na mamanzu narini nami nang guru na nang ahwo, piyu rara, piyu rara, woni ri, ¹² Ima mane yhaon awoh, "Rivin na nsin misini, izaku yhao ini." ¹³ Nyentani , in yhao ini atuk vah kadaor. ¹⁴ An gura reh kinne kadaor na piyaor irama ninghe maron mayinzu, ikangre rereh yi a roh yhaon tikarma ti yhi. ¹⁵ Nang piyaor uzoni iroh ma talenti ishii, pimanzu irohyi ivah, nang pimanzu iroh kuraor. Ko wan u ciku yhaon isere a runtni nang usuru yhi, piyami nu jarayi ujaruyi. ¹⁶ Piyi ima sere matalenti ishi ijarayi a daor kami a ka ra seri pizem a zuwa ma manzu matalent ishi ¹⁷ Ken na urao umi eh sere natalent mavah izughha ma manzu mavah. ¹⁸ Pirere umi ima sere utalent kurao ijarayi, a kogwhho wok a nisazi korgwhoo ipiyu rara. ¹⁹ Na kini kadaor kagbwaki kama vaorao piyu rara ko rere ni iguru a yellu varu ikusu ki ri nang yhaon. ²⁰ Pirere "mi ima sere ma talent ishi iruwa a gura yene mamanzu matalent ishi, I woh, "piyu rara, pi ma rohm matalent ishi, tirkiri, imma zuwa mamanzu ma talent ishi a pirem." ²¹ Piyu rara kuyi iwoh nang yhi, Perene nariva, pirere urip ma matini! Piri matini a manang ma cini. Man renevu pi yaoptoah manang ma gbwaki. Ninghe inung a rigoeroeh ri piyu rara. ²² Pireru mi ma sere matalent mavah iruva woh, "piru rara pimah rom matalent mavah. Rehye, imma zuwa ma manzu matalent mavah a pirem. ²³ Piyu rara kuyi iwoh nang yhi "pirere na riva, pireru rip umatini. Piri matini a manang macini. Man revenu pi yaoptaoh manang ma gbwaki. Ninghe inung a arighaorhaor rhi piyu rara." ²⁴ An menze pireru mi ima seru talent koraoh iruva woh, "piyu rara, inyaor woh pire piya won. Peku buvah atek na pi roto vizza a konsozoh ateknapi roto ma muzu. ²⁵ Immah pokoro kau, njaram aka wukune utalent kupuh a mayinzi. Rehye, piri ina ikusu kireh kipu. ²⁶ Piyu rara kuyi ima mane awoh nang yi "Pighhyi piyu vola kuyikun nang pipkweu upirere, pi yhao woh maku buvah atek na inroto vizza, a kongsozo atek na in roto muzu. ²⁷ Nan ken pen na ma roh ikorghhyi nang na ayu banki, a ma guru manang, manang seri nang kureze. ²⁸ Sere ni utalent kumi nang yhi aroh kun nang piyi ri matalen rikiri. ²⁹ En wana kowammi iri, anka pire yhi mim agura gbwakane yhi. Nang piyi zayi irangnwa, ko ki kusu na iri anka sere kin. ³⁰ Toengaohneni pireru wahm uyah inung a marini, atek na anka yelle soeh ki pivi nan ku tuvu ki yini. ³¹ Kadaor na pivezene upiyaor enka ruva inung a tiwomo ti yhi nang malaitu nasang man ri nang kan, a daor kami kanka zomo a zom kati womo ti kan. ³² An nyen mu kan an kongsozo a ya ko mariki mayinzi, enka ghhattaze yaor nang manzu kenna pivighhani eku ghhattaze magam nang iwhaon. ³³ Enka rene magam a cara ku raom, iwhaon imi a cara ku giri. ³⁴ Adaor kami piwomo enka woh nang aya re cara ku raom, "ruvani, a yini na ama zikini ni uwori nan tita unang, nighe nu gadu tiwomo na ama napsi ni cetti ma kapkwara mu rikuya. ³⁵ Nmah pok igbwon in rom mariniru, imma pok user in rom ikusu ku soh, imma re pijaon in zikan a nigharam; ³⁶ Nma ru pkwatturok in revem makusu imma zaku ghhara in yaoptaom mariva; imma ri u rara ko rereh in ruva nang mini." ³⁷ Adaor kami aya vur an mane woh, "Titu gbwaki, kawampa na tima reghhye vu in gbwom arovu ikusu kerii? ³⁸ Kawampa na te reghhye vu pijaon a jaghhavu inung? Boko upkwatkurok a reve vu makusu? ³⁹ Kawampa na tima reghhye vu pigbwana boko urara ko rereh a ruva nang puh? ⁴⁰ Piwomo mi inu mane woh nang yaon, "Rivim na maku woh nang ayhini, kikusu na en rise uroeh ana ya cincizine kone nang mini na en yellim! ⁴¹ Enka nu woh nang a ya ri a cara ku giri kayi, "jaor ni a tek kanang, ayhini na ama la'anti ni, inung urah mazah marara umi na ama napsa awarka pisifu nang malaiku mayi. ⁴² Awarku woh imma pok igbwom. In rotoh rom marininu; in pok user, in roto ma rom ikusu ku soh. ⁴³ imma reh pijaon, in roto ma ninghharam inung, in ru pkwatkurok, in rotoh ma renem makusu; In zaku ghhara ari inung u rarah ku rere in roto roh man nyen mu yin? ⁴⁴ Anka nu mane woh, "Titu gbwaki, kawampa na tima reghe vu in gbwom, boko inung user, boko pijaon, boko upkwatkurok, boko ati gbwana, boko urara ku rereh, a voni ri u kana vu? ⁴⁵ Enka nu mane yaon awoh, "Rivim na ma woh uyhin, ki kusu na imme roto rise uraoh inung ana yacini ara, mini na imma roto yellim. ⁴⁶ Yaon an jara makani nung u rere maza rara, ayu voh ku vur inung uvoh maza rara."