¹ Yesoh i jhao u haikali kumi apuru-rina ara jariyhi, agbekseniyi a ruva ara conkoze yhi masuwa muhaikali kumi. ² Anre iku mane yhen awo, "innyhen ankusu-kusumu Riveen nansi misini Ba rirong-rikwang rimi ritarkane a-rirong nan anka zaku yitiri." ³ Kadhor na imaka zomo unpana ku zaitu, agbekseni amihan ruvah untuwuh a ruva nayhi awo, migyi ri, kawa panan anang ami annka wanaken? Ye alama Uruvanu nan marasa ma dhar?" ⁴ Yesoh imane yhaon awo, "Inkasin vasana pirong Ikasu vatini a renini in jhao urina. ⁵ Ayhar adun anka ruva a ri zagyi rinang akuwoho, 'mini inre Kristoh' a wusze ayhar adun. ⁶ In nang ka pokoro riwuma nan masara mariwuma, sunu naze na suwunayhin, warku wo anang arana an wana ken, marasa ma roti! ⁷ Mayinzi manka conze riwuma nan mayinzi, Tiwomo nan tiwomo, Anka- rise igdoam nan kuyigha kumayinzi an tekte'eh. ⁸ Anang ara nasang anka reh ku nighe kivurah. ⁹ Kadhar kami anka renini in sese ivurah agura wunzini, ayhamarini aka zaku so ayhini. ¹⁰ Ayhar adun anka rukpwuzuwo azizi arong a vonoyhen manyhoma rong. ¹¹ Anabawa icotti anak choksono a wusze yhar adun. ¹² Ivang enka gwakana usunu onka zuwuh. ¹³ Monka wan uwa piyha enka kpakturu wo a karava marasa yhi enka waskunuwo. ¹⁴ Masara marentu mate tiwomotizo-Siri anka miseni na sang urikuyha ankawana ushaida makana nang ayhar na sang, marasa mami man nu ruvah." ¹⁵ " kadhar kami nan en regye anang izizi, ami nan Daniel annabi annnabi ima vere anra yhaozi atek ka vur , pi tesi avah ǐyhagyatake. ¹⁶ Ayha ari un yYahudiya an sumzayhen ana pana. ¹⁷ Piyha iri izo urara isuwo iramatoro piyha iri izika iranka irangwa inugu raa ku yhi. ¹⁸ Piyha ire arimi isu guruyhi ika zika makusu. ¹⁹ Urere o yha asin waskaze nan ayha anka yabsi nonoh ana tuk amih. ²⁰ Tazanini asa usaom uyhin unsu wana adhaor kasisamma vahkatuk ka sabar Sabbar; ²¹ Ankari ivura idun, umuzi umi uroto ma nana wang urikuya makana ukeru umih unka pi wanu nih. ²² Un vah ken nang a kupkwune a tuk amin vah piyha enka waskunuwo, nwarka ayha na kama, teze, anka kupkwune atuk amih." ²³ "Na pirong a migyhavu awo,' Kristo inuru va Kristi!' inrui kasu rume nang ani! ²⁴ Ma Kristo micotti nan annabawa icotti anka rufsa, nan-nang amina anka wuzze yar. Amane nan ayhanateze kumi. ²⁵ Insi misini kadhor ka roto wana. ²⁶ Monkare muwo kuwo uyhin awo iri rambu, kasu cira uyha makana rambu, va isukunug u maraghoe, kasu rume. ²⁷ Monka wana ken na Tinyana'azete Siri suku gabas makanu 'west', - ken na uruvanu u kono ka piyhar. ²⁸ Kategye na ku kiuru ku viaha kurim kategye na aruwuhu anka konsuzuwo." ²⁹ " Ivura imi enkare evoro antukami angyhi monka Sirigyhi, uppi un zaku roh anpeze, anrerum monka riksi usiru-uzo a Siri onka chawutuwo. ³⁰ Are alama akono kapiyhar a suku cira izo-anayiri, Tivevene te joes na sangten ka nigyhe na suwu na Siri, anka regye konk ka piyhar kansi tozzono anayiri nan usiru mazir marip na gwing. ³¹ Enkatuma makiku magyi man perve eseriwu na gwing, anka kenkoro amateskeru mayhi ana tettehe nuvakti- unsakunas- akamane." ³² "Gwekseni daga kati ku baure, kadhor na ipagyha imi ira tuphaze riva, piyagha- take awo-Riwus rira piti. ³³ Ken na pe regye a nan ara-pi yaghatake awo, uruvan uyhi ura piti a toworong. ³⁴ Riveen na insi misini, uzamanuru en kawo un vora, anang ara anka wana ken. ³⁵ Izo-siri na ka joes anka voroh- arere nang anka zaku voro." ³⁶ " Katuk kami na kadhor kami, ba- piyihe, malaiku mazakuyhe, kono kan zaku yhe, sai putu uteyhi iyhe. ³⁷ Kinna atuk a Nuhu amari ken na uruvanu ukono Kas'iri unkawana. ³⁸ Ken na atuk ami na kujah kuma roto cira an si ririze akan seze ansi yise a nyhowo akan rungaze arumi, har katukami nan Nuhu ima nigyhe wirgi. ³⁹ Anzaku yhe awo kujah kon ruva a zika yhen na sangku yhen. ⁴⁰ Ayhar ava akari arimi anka zika piyhar uroah a'jigyi uroahm. ⁴¹ Anyhowo ava an seri mazo, azika uroah ajigyi uroam. ⁴² Munkuri inkasi nyente, inzaku yhe adhor na Tita u gwaki enkaguru. ⁴³ Yaghatake awo piyurara enakuyhe adhar na piuwu en ruvayhi a tuk enanku nyhente a zaku jigyi an ruva yelliyhi utuwo. ⁴⁴ Nafsana, konk kapiyhar kan ruva adhar na pizaku yhe." ⁴⁵ " Wan ire piyhati pamba nan pi re-re umatini, nan piu rara ku yhi enka rohyhi utuma ugwanza yhen marinuru adhar karip imugu rarakuyhi. ⁴⁶ Matau-marip - Makana nan pire-re umi nang piyu rara kuyhi enka zuwa yhi iseriken, adhar na e guru. ⁴⁷ riveen nang insi misini awo,piyu rara kuyi en ka rene yhi riti ren kusumuyhi na sang. ⁴⁸ In pirere uyiyi enkawo inug a suwu kayhi awo, 'piya rara kumi isi naze adhari.' ⁴⁹ Ara vava ajami arere, akan roah na kasu nan ayha masaku; ⁵⁰ Piyu rara ku pirere uni enka guru atuk na izaku sisuksa adhar naizaku yhe. ⁵¹ Piyu rara kumi enka cezeyhi iyaka-yaka a gudu yhi iwana ne-kuna kuma vutum, ayhi vang- Ate nan aka tuzozo mayizi nan ku pegyhe ku yhini.