¹ Anre Yesoh iku vere arifighi nang agweksene ayhi akuwo. ² I vereh, anyakarani nan afarisiyawa azoni atek ka zohn ka Musa. ³ Ankusu nang amighini inrise, riseni mun nan matini. In kasu ka rise a nang ayhaon, awarkuwo aku vereh ana nang azha ku riseni. ⁴ Yi aku zika makusu mazip mami nang anka zuku susku zhapwa anren ku rene ana peme ayhaor yhaon anatih ayhaon anka zaku zhakwa. ⁵ Aku rise ankusu mu asa ayhaor an rekyhaon anku tuzzaze ajuhu apandare asingura pandhaze ariwuri rima kusu mayhaon. ⁶ Arusu atek kayhaor agwakazi inrunga nan katek kayhaor a gwakazi ikkilisiya, ⁷ Nan ku sumazu kurip inung a tek kapize nan kuwoh ayhaor ankaku kagho yahonawo ku mallami. ⁸ An zaku kagha ini awoh 'mallami' awarkuwo inru mallami kurhao na kini inkureh akommini. ⁹ Sunu kangde pirong inung urikuyha awo titah, awar kuwoh inri titah urhao na zik, ummi iri izoh. ¹⁰ Ansu kaghini 'mallami' awarkuwo inru mallami ku rhao na zik, Kristoh. ¹¹ Piya ire piya gwaki inung unyhin yhi enka wana pirere uyhin. ¹² Piya ezhapwa ritih riyhi an venenerin piya evenene ritih riyhin an zhapwa yhi ¹³ Tir kuyhin anyakarani nan Afarisiyawa, ayhi cottih! Ima wura ayhaor urina umakana izoh ayhini inrotoh ma nighe, arotohma jigi ayhaor ami asunu nighe. ¹⁴ Tir kuyhin, anyakarani nan afarisiyawa, ayhi cottih! Imma yitiri akumbuh arara inku seri atanzu Kasiri akpanghare innang ka sere urere ugwaki ¹⁵ Tir ku yhin, anyakarani nan afarisiyawa, ayhi cottih! enku kana umana kugwaki aka rene pirong ituba, inang etuba inrene yhi iwana kono kura ne ayhini. ¹⁶ Tir kuyhin, inna rumuh ayaku vereh, piya eku esiri ikkilisiya, ku zan kiramwa. Amma piya esiri nang azurfa ikkilisiya ama sisiyhi ati siri tiyhi. ¹⁷ Mabana marumu! yemmi ipiri, azurfa boh ikkilisiya imi erene azurfa an vurka. ¹⁸ Nangi, piya ere esiri a ripiki, kuzang kiramwa. Ama piya esiri nang kaperuh kami karong ka ripik ama sisiyi ati siritiyhi. ¹⁹ Arumuh ara! Yemm epiri, kaperu kami boh ripik kumi ko rene aperu kami kan vurka? ²⁰ Awartuken piya esirun ripuk esirun kun nang kikusukimi kirim ²¹ Piya esirin ikkilisiya, esiri inni nang piya izohmim. ²² Nang piya esirin izoh, esiri ateghi kazohm Kasiri nan piya izohmim. ²³ Tir kuyhin, anyakarani nan afarisiyawa, ayhi cottih! Koh kenang enkuroh Sirih uzakka kun kusu nang enkavah, ankusu musighi, ikorgho igwaki enku zhaku dorkoro a vereh asiri anre rivin nan ririllipovoh nan kasughwu karip, ankusumu nasang mumaruwu inrisen mun kap. ²⁴ Ayhini aya gwakazi insighi arumu ami asumi anzohgoro ayhaor. Inzwa inusu inren Asiri ivang asin sakhaze anki kohkoh mucunu adhaor kasu ka manimasir, ama inseri anang ayheni kinne inkusin sakhaze urohkohmi! ²⁵ Tir kuyhin, anyakarani nan afarisiyawa, ayhi cottih, enku guzu uya iririh nan kisep, anreh inung inku rumarini nan marik. ²⁶ Ayhini arumu ufarisiyawa, guzuni inung iriri nan kisep kimi, asa uyha umi unka vurah na pezz. ²⁷ Tir kuyhin, anyakarani nan afarisiyawa, ayhi cottih! Insighi masek mami manguzi na ross, katini kaman kan rivah nateng anreh inung imi inkori nang akuvuh amakiniru koh yemmi inzhaku rivah. ²⁸ Naken, inkucira unyha asuwa neayhaor a rivin, inung unhyin inkozi kuttih. ²⁹ Tir kuyhin, anyakarani nan afarisiyawa, ayhi cottih! enku suwa masek ma annabawa anre inku riseman maverene mayhaor a rivin. ³⁰ Inku vereh 'anare timari arizohni nang atitih, tinama zakuri inung anayhaor ami a hunza anabawa. ³¹ Ayhini insin misseh anatihayhin awo inreh nonoh nayha ama wunza annabawa. ³² Imma korone a vhasi katiwi ³³ Ayhini ihyoghwu nan nonoh mama gbopinagha ini nang innaka meske mateh murha? ³⁴ Awar tuken, regheni, insin tumzini annabawa nan ayaripamvah nan anyakarani, arong anka wunzini agura dhankarini; arong kuma anka mwillazini inung ikkilisiya agura zovonyhan unya ama roh nan maron ³⁵ Usakamako umanyon mami nang inma wunza ayhaor a rivin man nhayha anatih ayhin tun daga amanyoh ma Habila piya riving amaka jagha nang Zakariya pivezene u Barakiya piya nang inma wunayhi amapatin Ikkilisiya nan iripik. ³⁶ Rivin nang insin misini, anang ara anwanaken ana sana arah. ³⁷ Urshalima, Urshalima, ayhini aya ama wunza annabawa angura taza anakwang aya nang atuma yaon nang ayhini cettimih insuni unkaonsaozaon nonoh nayhin ateghe karhao, ken nang kukuruk koh ku kunsozo nakun inung amapan makun ama inzhainusu! ³⁸ Regheni, kurarah kuyhin kuma wana ku vantuh. ³⁹ Maku verunyhin, innan zaku pireghem nakini amakaravah adhaor kami nang envereh, Ritau ririp rireh ripiya eruvah arizaiyi ritita ugwaki."