¹ Anre Yesoh ikuphi gura vervene ughen un misali, awoh , ² " Tiwomo tizoh tisiyi ne pirong "womo eh nafsana utanda ki runga ikonoh kayhi. ³ Anre iku tunza arere ayhi asa anka kang'ah ayha na ama kunze yaon , asa aruv utanda ki runga imih, an vaonzaonaon yaon uruva. ⁴ Anre ikuphi tumah arong arere, awoh umma suksa mariniru mama rang, umma ceze ina'ah nang magam, ama nafsa ankusu nasang, ruvani utanda ki runga. ⁵ Ayha na akunu yaon a vaonaoyaon utara, pirong ijarayi akaf, pirong amatumzana mayhi ⁶ Arong amih an puru arare apiwomo umih arise yaon anang ancin, a wunza arong. ⁷ Piwomo umih utuma an soja munka wanza a wunzani arana, agura pokso yaon urha kuyaon. ⁸ Piwomo umih iwoh ana rereyhi, "irunga imah nang coangkuruwoh, ayha na ama kunze yaon araotao cancanta. ⁹ Awarku ken jaranini atirindina aka kunze ayar adun amih nang in nangka suska asa a wan utanda kirunga umih. ¹⁰ Awarku woh irunga imih inka koro nang ayhar arere amih ama ringhze ati rindina aka kongsaozao ayhar amih nang susku zuwa yaon, ayah aripsi nang ahya azaku ripsi ¹¹ Kadhaor kami piwomo umih eruvah asa irengze ajhaon amih aure ikuka reyhe pirong izaku rih makusu muh tanda ki runga imih ¹² "Ino nang arene phi ruvah ina, azaku rih makusu mih runga imih" piwomo umih ivere uyhi ken. Piyhar umih itu zaku vere arong. ¹³ Sisini pihar uruna na cara nang na vina, ataongaone yhi inung amarini mang marina minggit atek nang en ma'ah akan kaza iyini? Piwomo umih ivereh nang ah ere ayhi ken. ¹⁴ Ayha nan a kangde adun ayha na a teske adundun. ¹⁵ Anreh a farisiyawaku jara yaon aka napsana ken nang an puru Yesoh ana vereh ayhi. ¹⁶ Afarisiyawa amih an tumah agweksene ni ayaon nang arong ayhar a Hiridus, anka woh ughi, "pimiseni, ti yao awoh pire piyha rivin, ki kususke rene na pisin mise urina oh Siri u rivin, piraotao teskie pirong [ima zika ayhar, ayhar arao. ¹⁷ Ini na pe reyhe? Mi'ih rih, kurip uwoh ih bii a Kaisar a gandu vah ih su bee? ¹⁸ Yesohimah yao'ohte ucaok (mugunta) ku yaon awoh, "Yemmi eh reneh nang insin gwekem, ayhini (ayu tuma oh yizi) (masu riya) ¹⁹ Sanim ukwaoktaoraok (coin) kumi gandu kami anre ku yende yhi kurao. ²⁰ Yesoh iwoh uyaon kutunrung ku wan nang nang rizayhi riwon a nara? ²¹ "Ku Kaisar" an mane yhi ken. Anre Yesoh ikuwoh ayaon, "kisusu kimi kire ki Kaisar inraoyhi, kimi kire ke Siri i rao kang." ²² Ama rise amina adhar kami nang a pokoro ken, anre ku jhayhimim ajarayaon. ²³ Atuk kami asadukiya ayha awoh kucaoksaonao kuma sek kuzakurih, arong katuk an ruvah nang Yesoh a rivi yhi, ²⁴ "Pimiseni, Musa eh woh, "inna pirumi eh khao a raotao zuwa nono kommina kan zika ukumbu ku piyhowo umih, azuwa kommina kami ka khao nonoh. ²⁵ Arong amareh rikommina ayhon pivi'ah pizon kommina kazoni kang rise irunga akhao, araotao zuwa konoh piyhowo umi itaka wana kusep nan kommina. ²⁶ kommina kavak kami kang rise ken, nang katar, nasang kuyaon ankizi. ²⁷ Pihyowo umih itaka khao unayhi. ²⁸ Ne kini atuk ku caoksaonao amasek, piyhowo umih ika wana uwami inung ana kommini api vi'ah pizoni pina awarku woh imah rungzeh yaon na sang? ²⁹ Anre Yesoh iku mane awoh ayaon, "Imma wuru awar kuwoh nh zaku yao avah, vah usiru oh Siri. ³⁰ Anka reh a caoksaonao a masek inunga en kapi zaku rih, anka wana ne maleku mih zoh ³¹ Avereh ucaoksaonao amasek nku raotao teze ikusu na Kasiri ka vereh awoh, ³² Mini Kasiri ki Birahim, Kasiri ki Shaku, nan Kasiri ka Yakuvu?" Kasiri ka zaku reh ka yha akini, kare ka yha asin vao." ³³ Kadhar kami nan rifi'igh reh yhar rima pokoro ken, rinra sesezi na mina un misenu uyhi ³⁴ Kadhar kami nan a farisiyawa a pokoro ken nang Yesoh en turu na nao na sudukiyawa anka kaongsaozao atek ayaon. ³⁵ Piron uyaon ireh kulauya irivi Yesoh asa igweke yhi ³⁶ "Pimiseni, uriki udoka u piri u sisazu inung ana taurat." ³⁷ Anre Yesoh iku mane yhi awoh, "so Titugwaki Kasiri kapu asuwuh kapu nasang, na ku vao (ranka) nasang nang ka suwuh ku pu nasang." ³⁸ Udoka umih ureh ugwaki a reh uzoni. ³⁹ Avok umih isiyi umih uruna, "so jhangu ozontoko ne riti ri pu, ⁴⁰ Un doka uvah umih uruna u maonkaori inung ana taurat nang annabawa. ⁴¹ Kadhar kami nan a Farisiyawa an rotu kaongsaosaoni anre Yesoh iku rene yaon arip. ⁴² Iku woh, "Ini nan ayhini inyhen makana nang Yesoh? Iku reh pivizene uwan?" Anwoh uyhi, "Pivizene u Dauda? ⁴³ Anre Yesoh ikuwoh uyaon, "Ini na Dauda inung a Mazir imah kangde yhi Titugwaki, akuwoh, ⁴⁴ Titugwaki ehwoh uTitugwaki unang, "zomo a cara kanang kuraohm amakana adhaor kami na man woh rene makiya mapu anavina napu?" ⁴⁵ In nang Yesoh en kangde Kristoh, "Titugwaki," Ti ni na ireh konoh ka Dauda?" ⁴⁶ Ama raotao zuwa piyha emane yhi arong pirong imah pi raotao zuwa usiru u riviyhi ana rong narip daga atuk kami.