¹ Kenang Yesoh nan a gwekseni ayhi ama paturuwoh Urushalima anreh anku ruvah un Betafaji atek kupanah Kuzaitun, anreh yesoh iku tuma abgekeni ayhi avah, ² Avereh unyhaon, "jarini inung inro kipati, iang kagye pivarka pisisizi atelgemi, nan konch kapin karuini ansisizinasang. In yinzi ayendem ina. ³ Inang pirong evereh ini iramwa ikusu nang inseri in mane yhi awo' Titah ugwaki issuni iriseh utumam. Enka jiginim inruvah nang ini. ⁴ Kikusuki Kimawana awarkuwo an korene unabci ohnsbbi, evereh, ⁵ Migbani azhomtoko Ku Urushalima Reh'ye in! piwomo uyhin irama ruvah! enkah ruvah unvenn uritih . Anre iku tuwih apivarka. ⁶ Anreh a gbekseni ami anjarayhaon aka riseh kenang Yesoh imma tumah yhaon ⁷ Anka yende pivarka pimi na honoh kapin karumi nang Yesoh anreh ku riseh makusu mayhaon izoh apivarka pimi, anreh yesoh iku zohmo izoh ama kusu mami. ⁸ Anreh rifighi reyhaor rinku vasa makusu unrinah anreh arong anku ceze anpagha mon junjugha avasa unrina. ⁹ Rifighi rimi rima zongoni yhi nang rimi rima daorkoniyhi rinsin gbokzoh akoh, "Hosana amajaghirinang pivezeh u Dauda piya ritau ririp yhi irama ruvah iung arizai resirih, hosana amajagari nang kasiri. 10 kadaor kami nang Yesohima neghe inung urushalima, rifighi reyhaor inung unro Kumi rinsin gharhaonoh asin gura vervene awo "Wammi inuruna ?" ¹¹ Anreh ayhaor ami a dorkoni yhi an mane yhaon "areh Yesoh annabi, daga un nazaret amajagarrii unGalili." ¹² Anreh Yesoh iku nigher inung unhaikali azohvoh ayhaor ami asin zizi asin zenzen inung ikkilisiya, anreh iku tanghane ma tebur nang ayhaor ami asin vazze ikurgho nan majera mayhoar ami asin ziki anki nha'an. ¹³ Anreh iku vereh unyhaon awo annabi ima nyakara inung anaveresirih awo Kasirih kavereh unsuni kurara kunang kunwan kateghe Adu'a amajagari nang mini, anreh inkuma vandare kan kanwana kateghe kutughu." ¹⁴ Anreh a rumu nan agun an ruvah nang yhi inung un haikali anreh iku wharghane yhaon. ¹⁵ Anreh ma firist ma gwakazi manreghe ikusu kemina kami nang Yesoh iseri nang kenang nohnoh nasin gbongzoh rizayi riyhi inung unhanikali aku vereh "Hosana pivezene u dauda!" anra pok rikhazah. ¹⁶ Anreh kuvereh unyhi pipok ikusikimi na asi vervene? Yesoh iku mane yhaon,"Yi!,inku rotoh ma dinni inung unnyakarakanu awo inung anho kan ki nohnoh munyiza nan mumi musin wazza pima hamauchaugwu. ¹⁷ Anre Yesoh iku cira ajigi yhaon mim ajarayi Unbetaniya aka riseh. Atuk atar ateghemi ¹⁸ Nakini unmwakpi na fit adhaor kami nang ezaha inung unro apok igbhaom ¹⁹ Anreh iku reghe atih kana rass ama pati urina anreh iku kotokom avizzi iramwa anreh usuu rivak, anreh iku vereh atih kami "kasu pireksene nohnoh amajagari unrhaosi" katih kami kantu rhogo adhaor kami. ²⁰ kadhaor kami nang agbekseni ayi ama reghe, anreh kura seri ammina akuwo ininang katih kami karhogho?" ²¹ Anreh Yesoh ikumaneyhaon akuwo, "Rivin nang insin missini, inang perene asuwhuarhoto ma rise ikusu namarene atihka tuteng inang kaverun panah ku, cuh izoh akana inung umana, mun nan wanna ken. ²² kikusu nang enrivi inung atanzu kasiri rumeni inang ka zuwa." ²³ Kadhaor kami nang Yesoh kana inung ikilisiya anreh ma firist ma gwakazi nan ayhaor a cirvu an ruvah nang yhi adhaor kami nang isin misse anvereh, unsizazu uwammi napiserih anang arah, wammi erovuh usizasu?" ²⁴ Yesoh imane agura verun yhaon, minima man rivini ikusu kirhao. inang enmigham manmighini usizazu uwan nang unseri anang arah. ²⁵ Ubaftisma uyuhana unkucira iki? izoh boh nang ayhaor?" anreh kura vervene anati ayhaon, akuwo" inang teh vereh amaruvah izoh enka awo yemmi arene tirotoma rume nang yhi? ²⁶ Inang tevereh amaruvah nang a yhaor, tisin khawha arifighi awarkuwo atirkini yuhane awu annabi. ²⁷ anreh kumane Yesoh akuwo" ti yhao irih." Anreh ikumane yhaon," minima manzaku mighini usizazu umi nang inseri anang ara. ²⁸ "Yemmi nang isin dinni piyu rara iri avezene avah. anreh iku kana nang pivezne ozohn. avereh, pivezene, jaravuh aka rise utuma arimi ukeru. ²⁹ Pivezene umi imane awo 'manzaku kanam'. anreh iku maneze a vandare a sugwuh kayi akanam. ³⁰ Anreh piyuraraikana nang pivezene uyhi ivak avereh ikusu ki rhao, Anreh iku maneyhi, 'man kanam' anreh iku rotoh jarayhi. ³¹ Wammi inung unohonoh na ima riseh ikusu kimi nang putuh isun? An manne piyi zohn. " Yesoh iverun yhaon, Rivin nang insin missini, asesenu gandu nang macallevharhao anka zohnghorini ukaninghe unrara ko Sirih. ³² Awar kuwo Yuhana ima ruvah nang ayhini inung unrinah urip, inrotoh rume nangyhi. A sesenni agandu nan macallevharha an rume nang yhi. Ayhini nang kikusu nang enreghe inrotohma tukuruwo nang urume nang yhi." ³³ "In kapok tirong tiska. Amari pirong ukavih ima vizza inung arimi anreh iku rene utura arimikami, anre iku khogwu a whaok ku gballaze inabi inung arimi kami anreh iku gura suwa ateghe kucigha, anre ikuroh arimi kami nang akavih. Anreh iku jarayhi amarong mayhinzi. ³⁴ Kadhaor kati buvah kan ruvah, Anreh iku tumah arere ayhi nang a kavih ami akazara irhao. ³⁵ Anreh akavih ami anzika arere ayhi, avavah urhao, awuna pimanzu, anre ku taza umanzu. ³⁶ Anreh piya kap iku gura tuma arong arere, apiri ayhaor izhon, Anreh akavih ami anriseh yhaon ne ayhaor izohn. ³⁷ Zah nang ken piyakap itumah pivezene uyhi nang yhaon, akuwo, ' Anka tukuruwo pivezene unnang.' ³⁸ Anreh akavih ami anrehhi pivezene, anreh kuvereh anatiayhaon, ' Magaji manma. Ruvahni, ti wunyhi agura zika ankusu mu gao.' ³⁹ Anreh ku zikayhi, anekeryhi inung arimi anreh ku wunayhi. ⁴⁰ Nankini, inang piya rimi kami eruvah yemmi nang enka riseh akavih ara?" ⁴¹ Anreh kumanneyhi awo enka wuna akavih ami unrina uzhakurivah anre iku rhao arong akavih arimikami," ayhaor ami ankarohyhi irhao adhaor kati buvah" ⁴² Yesoh ivereh uyhaon akuwo," Inku rotoh ma karanya inung anavereh, ' Rikwang rimi nang pisuwi evunoyhi rima wana riwnang rilang Ring kuruvah nang titah ugwaki, manang mami manri amina ana yizi awuri.' ⁴³ Kikusu kerene unku verun yhin, anka sere urara Kosiri nang ayhini anreh kuroh ama yinzi mami maku reksene. ⁴⁴ Piya erighi arikkwang enka gbeptezene, anre rikkwang rimi renka mokoro apiya nang rerighi unyhi." ⁴⁵ Adhaor kami nang mafirist magwakazi nan Afarisiyawa ama pokoro tisika tih, anreh ku yhaogateke awo ikusin vervene unyhyaon. ⁴⁶ Ansin righi kuwo anpur yhi, anreh ku pok ukau, urifighi, awarkuwo ayhaor asin kagha yhi awo annabi.