Ima kangdeh akire-vah ami nasang a roh yhoan usuru nang tiwontonoh nasang. ² Ituma yhoan anka wagghha tiwomoh teh Sirih agura ghharghhane a yah tiwontonoh te jazz. ³ I vereh nang yhoan awoh," Sunu zika ko yen unjaru yin-zah katih, zah kavoehktih, zah kavoehkih, zah kufoewoerih, zah ikorgwoh, zah makusu. ⁴ Ko kuriku rarah na en ninghhye, in zomo makaravah adhaor kami na innan joeh teghhyemi. ⁵ Kategghye na a vovo yhaon userini, kadhaor na en joeh uroh kumi, pkwakreni a vullu kana vinah nayin in wana kikusu ken puru yhaon." ⁶ Annu joeh tegghhyemi a jara ningzeh maroh, asin wagghha masara marentu akan ghharghhaze ka iki. ⁷ Nakini Hiridus, piya tiwomoh i pokoroh masarah ma koyen masin wanza, i yelli aminah, awar kuwoh ama vereh woh Yuhanna piyu baptisma cho awor aya kizih. ⁸ An gura vereh woh Iliya ima gura chirah, amanzu an gura kuwoh uroeh inung annabawa a ya zoni ima cho. ⁹ Hiridus iwoh," Nma chepkwe Yuhanni riti, na wammi na nisn gura pokseh imuzu anang arah? ¹⁰ Kadhoar na napkweng nami nama guru, nang misseh yi ko ariki na ama riseh. Inu zija yhoan uroh nanku kangdeh woh Baitsaida. ¹¹ Kadhoar na rifighyi reh yhoar ami ama pokoroh anang arah, an dorkoro yih. I sere yhoan a vere nang yhoan a vereh atiwomoh teh Siri, a ghharghhane aya rusu woh an ghharghane yhoan. ¹³ Yih inu woh nang yhoan," Rohin yhoan irangmwa an rhi." An woh, " Ti zaku rih ikusu ki piri akpwatara kishi mu mafoewoeri nang isani ivah-kunnang wanuwoh tijariri aka zemene mariniru ma yhoar ara." ¹⁴ (Ama ravi arumi maduvu, ishi.) I woh nang a gbwekseni ayhi, " Rene ni yhaon an zonzonoh anakuhwuh na yhoar akiri shi-shi." ¹⁵ An rene ken, a rene yhoar an zonzonoh. ¹⁶ I zika mafoewoeri akpwatara kishi nang isaani ivah, i tirikiri zoh Siri, i zikine man a gbwevereh ama patta, anu roh a gbwekseni ami an tazzah rifighiyi re yhaor rimi. ¹⁷ Nasang kuyhoan an roeh awana risitih, kukusu krima wana kuvirkaru an tezeh makutturu, kin ravah ankihwavuh rikiri nang tivah. ¹⁸ Imah wana Yesoh imah seri atanzu Kasiri, agbwekseni anri nang yhi. Irivih yhoan, akuwoh," Rifighyi reh yhoar ku koh mini wammi?" ¹⁹ An mane woh,"Yuhanna piyu baptisma. Amanzu an woh annabawa azoni eh cho." ²⁰ Inu woh nang yhoan,"Ayini inku koh mini wammi?" Bitrus imaneh, " Kristoh o Siri." ²¹ I gura roh yhoan a vere a nirghhani ansu migghha pirong. ²² akuwoh,"Pvezeneh upiyhoar en sezeh ivurah amanang magbwaki aya chirvu, kufirist kugbwaku nang a nyakarani anka vonoyhoan yhi, anka wuna yhi, atuk ki tar enka cho." ²³ Inu woh nang yhoan nassang,"Inna kowammi irusu udorkorom, en nu sahrah ritih riyi a zika ugiaye kokariketuk a dorkorom. ²⁴ Piyi rusu i ghaska uvoh kuyi awar kanang en ghaska kun. ²⁵ Yenire irip imi na piyhoar en zuwa na eh zuwa urikuya nasang, awure boko anekere ritih ri yhi? ²⁶ Piyami eh pokoro ugborr unang nang avere anang, yhi nang pivezene uoiyhoar enka pokoro ugborr adhaor na eh ruva a towomoh tiyhi, nang atiwomo' ti Tita nang ti malaiku. ²⁷ Nsin gura misini riving, arong a rim a yoezoezi ina kini an zaku rehye ukoeh anu rehye atiwomo teh Siri." ²⁸ Nakini ama raghyi atuk manasiva kenna Yesoh ima yelli avere rans, I zika nang yhi Bitrus, Yhanna nang Ykauvu an jara yhoan izoh upana anka rise tanzu-Kasiri. ²⁹ Ima seri atanzu kami, aayen muyi mun vaktuwoh, makusu man voko ara terere. ³⁰ An rehye, a yhoar a vah an sin vervene nang yhi, Musa nang Iliya, ³¹ ama chira a u chinnu tiwomo. Anseri avere ujoenuyhi, umi na imah rama yende un kor un Urshalima. ³² Nakini Bitrus nang aya ama rhi nang yhi an non ammara muzip, kadhoar na ama cho nasang, an rehye tiwomo ti yhi nang a yhoar avah ami ama yoezoezi nang yhi. ³³ Ama Jariyhoan a joeh Yesoh, Bitrus iwoh uyhi,"Piyu rara, koh ripkwa uwoh ti rih inkini. Joeh irim tih napsa angabzu mutar, kuroeh ku puh, kuroeh ku Musa, kuroeh ku Iliya." ( Ima yoeh yhi ikusu na ima sin verene). ³⁴ Kenna imasin verene anang ami, uriru un ruva a goanguruwoh izzoh uyhoan, ukau un zuwa yhoan a doehr kami na ama ninghye inung urirumi. ³⁵ Ringnyi rin chira unrirumi, aku woh,"Pivezenunang inuru, umi nama teski; pokoro ni yhi." ³⁶ Ringnyi rimi rima ruru avere, an zuwa Yesho uteyhi. An kiza yhoan a zku migghya pirong anatuk ami irangmwa ana nang ami na ama rehye. ³⁷ Amanu sin chira, amma toro awori upana, rifighyi reyhoar rigbwaki rin zuwa yhi. ³⁸ Pirong uyhoar a rifighyi rimi i rorko, ako,"Pimiseni, nsin tanzanavu tirkiri pivezene unang, kang kare kono kanang nazik. ³⁹ Perehye, mazir mayiman mahu rene khan agura ku reni wum; manku rene khan kan sin gbwattazana, kapuku kan sin chizza khan anoeh. Ivizi eh ku zaku joeh khan mim a marentu, a rise khan makoeh mayiman. ⁴⁰ Ma tanzana agbwekseni apuh an chidda man, an zahku suska." ⁴¹ Yesoh ima mane awoh, ayini kusana ku za ubangakiya a gura ma wuru, kadoehr ka kpwangari ka rini na inrusu nakari nan yin agura zomo nang ayini? Yende pivezene upuh ina." ⁴² Kono kami kama sin rupsa, mazir mami man toengoene khan a joess a chaghhataka khan na ti gbwattazana. Yesoh imah nyakana umazir mayiman a ghharaghhane kono kami, anu roh, khan nang putuh. ⁴³ Ama yelli amina nasang awarku tuma ugbwaki o Siri. Amarotu seri amina a manang mami na i seri nasang, i woh nang agbwekseni ayhi, ⁴⁴ "Joeh ni avere arah an ninghhye inung anatoh ayhin: Pivezene upiyhoar amka roh yhi ama charaa na yhoar." ⁴⁵ Ama rotoma yegghete a vere mi. Ama wukune yhoan, asa an kasu yeghhete manang mami, ko nang ken ama pok ukau urivi avere mi. ⁴⁶ Uroewonoeh uma cho inung uyhoan, a manang mu woh wani re piya gbwaki inung uyhoan. ⁴⁷ Yesoh, i yoeh i kusu kisin jara ana sugwhhu na yhoan, i zika kono kacini arene khan un kaotu yhi ⁴⁸ awoh nang yhoan,"piya eh sere kono kha a rizaghhyi rinang, eh serem; piya eh serem, eh sere piya eh tumam. Piyire piya cini inung u yhin, yhi ire piya gbwaki." ⁴⁹ Yuhanna i mane, "piyurara, teh rehye pirong isin cizaza aviku unsuru a rizaghhyi ripuh ti nuku yhi, awarku woh izaku dorkoniri." ⁵⁰ " sunu nuku yhi," Yesoh iwoh," awar ku woh piya izakusin goemoenoeh nang puh ire upuh." ⁵¹ Atuk amanang pituruwoh mu woh an zika yhi, i rene amnyen muyi makanun Urshalima. ⁵² I tuma atumi an zongoro yhi, an jarayhoan a ninghye u roh ku Samariya an napsa yhi koyemmi. ⁵³ Ayhoar itehyemi an roto sere yhi, a warku woh woh ima roto rene annyen muyi i kanung Urshalima. ⁵⁴ Kadhaor na agbwekseni Yakuvu nang Yuhanna a rehye ken, an woh,"piikarma, pirusu tih kang urah un zoro awori zoh naze yhoan?" ⁵⁵ Ima kurvuwoh a nyakanu yhoan, ⁵⁶ an tara yhoan urong kurdi. ⁵⁷ Amaj jari yhoan unrina, pirong iwoh nang yhi," mini man dorkorovu ko ik na pen kanam." ⁵⁸ Yesoh iwoh nang yhi, ansassari murih inung, a noehn mi zoh muruh arara, pivezene upiyhoar i zayhi a tehye ku nome ritih rihhi." ⁵⁹ Inu woh nang pimanzu,"Dorkorom," i woh,"pikarma, zongoro joeh mim nka kaveh putu nang." ⁶⁰ I woh nang yhi,"joeh aya kini anka kapseh makiniru ma yhoan. pighhyi a ritih ripu, jaravu aka wagghha ti womoh teh Siri marangani nang upoendoeri." ⁶¹ Pirong umanzu o gura woh, man dokorovu,"pikarama zongoro joeh mim nka takane aya urara kunang." ⁶² Yesoh i guddu yhi,"zah piya eh rene chara ipoeroeh a jengne a tinih ima hamu woh i ninghhye a tuwomoh teh Siri."