¹ Ama ruruh a nang ara, piyurara i zika ayhaor akiri api-vigha pe zohn anreh iku tuma yhaon ama bam-ba an zongoroyhi ama roh nang nateghe nami nangyhi aritiriyhi enkanam. ² Ivereh unyhaon,"Tibuvah ti gwaki, a maza kuguranu a tumi an zaku gwaki; atumi, atuteng rivini a piyurara abuvih asa itumini atumzani inung atibuvah. ³ Jarini unrina uyhin. Regyheni, ma tumini kinne ma gam inung ama nyomayom. ⁴ Inkasu zira a vhaktih i ikorgho, zah kavhaktih ku jaruh, zah araka, a gura zaku sumaze pirong unrinah. ⁵ Kurarah kumi nang an nighem, zongoroni avereh,'mavaok man wan unrarah kuna!' ⁶ Inang piyhaor uma vaok ire ategyhemi, mavaok mayhin mannan zohmo uyhi, inang azanken, man nhaghao nan a yhini. ⁷ Zonzoni unrara kumi asin rhao, akan seze ikusu nang areh ini, awar kuwoh pitumi ima wana awoh rho yhi ukurezu kutuma ku yi, an inkasu ninghe marah nan mararah. ⁸ Kho kuriki uroh nang en nighem, anreh an ku sere-ni rhaoni ikusu kimi nang atara ini, ⁹ wgharghani a gwana ami ari atek kami. Venni unyhaon. 'Tiwomoh teh Siri tirah patih uruvah nang a yhini. ¹⁰ Inang enreh en nighe unroh an rotohma seri-ni, jarani un kinah avereh awo, ¹¹ 'Nang mavutuh ku roh kuyhin kumi koh puriri ana vinah timah veskene amaja'ari nang ayhini! A maza kuguranu, inka yhao kini: Tiwomoh teh Siri tima paturuwoh.' ¹² I vere uyhaon awoh katuk ka mateh kenka pirka u Sodom a mazaku seze-urere amaja'ari nang kuroh kiri. ¹³ Tighaosum nang puh, korasinu! Tighaosum nang pu, Baisaidal in nang ama rene annang a gwaki nang ama risse inung uyhin, inung un Taya nan un Sidon, an nama kuvuruwo cetti ranga, a zonzi ari amakusu mu wono suwhunan an tohh. ¹⁴ A maza kuguranu mmonka mani untaya nan unsidon amateh amaja'ari nang ayhini. ¹⁵ Piyhi, kafarnahum, piku nyen ne woh anka zavhaovu izoh? A zanken, anka todoh vuh un Hades." ¹⁶ Aya aku pok avereh yhin a pok mim; aya a vanoyhaon nang a yhini ama vonoyhaon mim; piya etumam. ¹⁷ Anreh ayhaor akiri apivigha pezohn pima anguru aseri ari ghaorhao, akuwoh, "Piyurara, aviku ama ku rene ikusu mi nang te vereh a rizayhi ripuh." ¹⁸ Yesoh ivereh unyhaon," Umma tirkini a pisifuh i riyhi a wori i zoh kinne ti nyaghare. ¹⁹ Reyheni, imma roh ini avhaon utuksana in yogwho, nan ma nah, nan izoh usizazu piya suwhu ka yhi khan a makana nan a yhini, zha ki kusu kimi kenka rene ini ukhao. ²⁰ In kasu ka ghaorhaonaoh ana nang arah, awar kuwoh mazir mayiman mama pokoroh a verevh a yhin, a mazakuguranu ghaorhaoni awar kuwoh ama nyakara a zagyhi ayhin izoh. ²¹ Adhaor karao kami iristh righaorhao a gwakane inungh a mazir- mavur, akuwoh, " insin cagha vuh, Titugwaki, pikarma picoh nan ka jaos, awar kuwoh pima nisaze anang arah nan ayu yhao nan aya ama yaotaokeh, agura sā'ā ayami nang arotoh ma misse yhaon, kinne nohnoh na cuncuzunu yi, Putuh, awar kuwoh muma ripkwa unyen kupuh." ²² "Anang arah nasang putuh unang ima r om, zah piya iyhao pivezene vah putu, zah piyao iyhao putuh vah pivezene nang ayhaor ami nang pivezene e zika uwoh sā'ā yi." ²³ Anreh iku vanduruwoh nang agbwekseni ayhi avereh unyhaon un pette awo " Aya zikinu areh ayhaor ami asin tirkini ankusu mumi nang insin rezeoh. ²⁴ Maku vereh uyhin, annabawa nang awomo a dung ama ringyhi woh anrek ankusu mumi nang insin renzeh, anreh anku rotoh ma reyhe, a gura pokoroh ankusu mumi nang insin pokseh, anreh anku rotoh ma pokoroh mun. ²⁵ Anreh pirong umisseni umateh ma Yahudawa, iruvah asa igbwekeyhi akuwoh."Pi misseni, yemmi nang man risseh asa inka zuwa u voh kuzaku rarah?" ²⁶ Yesoh ivereh unyhi awo yemmi nang ama nyakara inung amateh? Ini nang enku dorkori-nyara? ²⁷ Anreh iku mane yhi a vereh wo pen ka rho-a a suwhu Titugwaki nang ka suwhu kapuh, nan ripum ripuh, nan usizazu upu, nan rijarum ripuh; nang jangu oh zohmtokoh kinne ritih ri puh. ²⁸ Yesoh ivereh uyhi,"pima manem marivah. Risse ken pinan voh." ²⁹ A makugurani, pi misseni umi isuni ritih riyhi. Ivereh un Yesoh,"Wammi ire bicha oh zohmtokoh?" ³⁰ Yesoh imane yhi avereh,"pirong ima cira un urushalima ama kana un Yerico. Anreh iku riyhi ana can na tuigwhu, an sesse an kusu muyhi agura vavah anreh ku yhi ira patuh khao. ³¹ Anreh an ku gita kurong Firist kusin vhaozhaonao unrinah umi, kadhaor kami nang koh reyhe yhi, anreh iku vharhao unron ku petteh. ³² Ken piron u Balawi i vharhao, anreh iku nang ravah atek kami areyhe yhi, anreh iku vharhao un manzu ku petteh. ³³ Anreh piron u Basamariye, isin jara aka ravah atek na piyhaor umi irim kadhaor kami nang ima reyhe yhi anreh iku pokoroh rirllipovoh. ³⁴ I kotokoh nang yhi, anreh iku sisize yhi manohr, a wazzana manuk nang maninasir mi inabi. Anreh iku tarkarayhi izoh a pivigha piyhi, aja'ayhi atek ka-mosi, anreh iku zuntu yhi. ³⁵ Asin cira amanzu ka tuk i cidda an dinari mu vah, aroh piyo a masoni kami avereh 'zuntu yhi kiksus nang pe wuna ki piri i korwho imi na ma rovu, manka ma guru a guddu vuh.' ³⁶ Wammi inung ana yhaor atar arah, pisin dinni, ire piya a zohmthokoh ka piya e riyhi ana cara na tuwhu? ³⁷ pi misseni umi ivereh," piya a sa yi rirllipovoh." Yesoh ivereh u yhi, awo "jaravuh aka risse ken." ³⁸ Na kini ammasin jara anreh iku ninghe unrong kiroh, pirong unnyowo nang aku kangha yhi awoh ki Marta kin rene yhi kusan inung unrara ku kin. ³⁹ Kinrih akummina nang aku kanghakin awo ki Maryamu, kimi zomi kin ana vinah na piyurara a sin pokse avereh-yhi . ⁴⁰ Amazakuguranu Marta i tu seri utumah asin ringyhi marinuruh. Anreh kinku ruvah nan Yesoh avereh,"Piyurara kammina kanang ki Maryamu kima ji'im utenang in seri u tuma? Miya kin kin kanam" ⁴¹ Anreh piyurara imane kin avereh awoh, "Marta,Marta, pi ma ja'a a suwhu ka puh an kusu na gwakane. ⁴² A maza kuguuranu, kikusu kirhao kipir u-muru, ki Maryamu kima zika anang a rip-muwurinu, mumi nang anka zahku zika nang kin."