1
Muma wani adaor nan Yesoh ima seri atanzu arong kateghye, pirong ugweksenemi iwoh uyhi "Tita ugwaki misiri ken nan ten kaku rise tanzu kenna Yuhana ima mise a gweksene ayhi
2
Yesoh iwo uyaon, "kadaor na inrama rise tanzu inwoh, "Tita" rizagyi ripu rin vurka Tiwomo tipu tin ruva.
3
Rhoh iri, kusu keri ko karike tuk.
4
Guskiri ivang iwusi, ken nan te ku nekere arah na akeghyi arisirih su jao irih tih ninghye ugbwekenu."
5
Yesoh iwoh uyaon, wan u cikuyhin en kari pijami, ikana nangyi ateti katuk, awa uyhi, "Bica kan rom ankangrah matar mu mafoawoeri.
6
Pirong ubica ima ruvam rijhoen inam ikusu nan man roh yhi."
7
Pijam umi iri nung imane yhi awo, kasu wuzzam ataoh, katoghorong kawurim, nono nanang na ri nang mini, tiraghyi a makum, man zaku sukam ucho a rhovu unfoewoeri kumi.
8
Ma woh uyhin, inan ezaku cho a rhovu ufoewoeri kumi awarku woh pire pijam, enka cho arovuawarku woh pima katare yhi.
9
Ken na makuwo uyhin awoh, tanzanani, anka roh ini, ringhyirni, inan ka zuwa, vapkpani anka wono.
10
Piya e tanzan anka rohyhi, piyah e vakpka anka wono.
11
Wan nangkono kayhi ka rivih yhi pisani iroh kan piyogwoh utami kupisani?
12
Boko inna ka rivi rikpwa iroh kan unnah?
13
Inna muri uwo ayhin ayanan suwu nayhinan inyhoa naku roh nono nayhin ikusu kirip, ini nang putuyhin umi iri izo enka zaku roah inhi mazir mavur nang ayah entenzayhi?".
14
Yesoh ima sin cizaza urakara oviku. Piviku mu ima chira, piyhaor umi imare kurakara ivere, rifighyi re yaor ami anra seri amina.
15
Arong yaor ami an woh, "Nang piwomo oviku ba'alzabuba na isin cizaza avikum."
16
Arong an gweke yhi asin ringhyi alama nang yhi awori zoh.
17
Yesoh iyao nasuwhu na yaon, anre iku woh uyaon, "Tiwomo timi te ghhatta tenka righyi. Inna kurara ko ghatta kon ka riksi.
18
Inna pisufu e ghatta ariti ri yhi ini na timowo tiyhi tenka yezene? Ayini en woh sin cizaza viku nang Ba'alzabuba.
19
nang usuru wan na adorkoni ayhin aku cizazam? Awarka nang ara anka wana ayi temenini.
20
Inna mibi insi cizaza viku te chara Kasiri, Tiwomo te Siri tima ruva nang ayini
21
Kadaor na piyasisazi nang makusu mari wuma isin cighha urar kuyi, za piyen rike makusu mayi.
22
In nang piron ipiriyi usisazu e ruva apirkayhi unsiru asere makusu mariwuma nang yhi, enka kpokso makusu mapiya mi
23
Piyha izakuri nan mini - ere pikofi unang, piyah izaku si konsozo isin tatarah.
24
Inna piviku eh ura un piyaor ajarayi, anttte teghye muza mani-masir asirinhyi uwonsono. Inna iroto zuwu, iwoh, "man gurrum urara kunang itek na ma ciram."
25
Na eh guru azuwa amma veze a napsa kun.
26
I gura jarayhi aka zika iviku piviah-pezon ami apisuzi yhi atizingni an ruva nasang azomo ite ghyyemi ama rarak piyami enka wanta apirka rizoni.
27
Mun wana, ken na ima anang ara, pirong unyhowo iku cone righi awoughi," Ritau rirp makana nang, riviri rimi rima reghyevu nang riwazi rimi rima waska zevu.
28
Inan mane woh, "Ritau ririp makana nang ayah apokoro avere Asiri a rise ne,"
29
Rifighyi re yaor rin ra pizzinuwo, Yesoh seme akuwoh "ku sanaku kure izingdhi. Akusi ringyi alam, an zaku roh yaon arong alama, kure alama a Yunana na zik.
30
Ken nang Yunana ima wana alama nang ayu Niniva, ken nan pivezen upiyaor en wana ayu sanaku.
31
Ki sarauniya ku Kudu, ken ka cho a yelli usana ku mateh arighyiri yaon kima chira ama maranganani, kin ruv areghye tipamba ti Suleimanu, piyi-piri Suleimanu inuru.
32
Ayaor uniniva an ka cho yhezerie mateh nan ayu sana ku righyiri yaon ama pokoru waghhanu uYunana asaskho urina, regyhe ni - Piyi piri Yunana inuru.
33
Za piya en renu rah fitilla a risaze pin ayipkwiri nang ki ghhavuh, anka tarkara izo atek na ayaor anka reghye ampeze.
34
Riyizi rireh ampeze muri pum na riyizi ri rip-ripu nin koro nang marini.
35
Kuvasana, ura upu unkasu wana marini
36
Na are ken, ripum ripu riri ampeze nasang, za katek kari marini, ken na ripum ripu nasang ren wana ne fitilla pisin bangara asin terere un pu.
37
Kadaor na eruru avere, pirong ufarisiyawa itanzana yhi awo, ika rhi nang yhi urara kuyhi, Yesoh inunghe aka zomo.
38
Pifarisiyawa umi iraseri amina ken na Yesoh iroto guzu nachara ana sere rhi.
39
Pikarma iwo uyhi, "Ayhini a Farisawa enku guzu natini nan ririh nang anseph inung iyhin inkori zoeboetoeh nang anang ayichni.
40
Ayhini ayha za matini! Ku riko piye napsa uyah umi egura napsa inung imi?
41
Rhonni ayuwam ikusu kiri inung asa ko yen iyhin in vurka.
42
Ipivi iyin afarisawa, en ku suru zakka nang daddaya nang tini nang ko iriki tipkwe zum teh ara un lambu a na jaor-matini nang usu o Siri murip usun, anyelli anang a rip nang usunu o Siri, a roto ma vonoyaon un rise amanzu anang,
43
Ipivi yhin afarisayawa, en ku suni ana rira na zongononi un haikali nan kusumazu unyhen ko yisi sa a yaor an canyhini.
44
Ipivi yhin, in sughwi maseki mani maza alama na ayhaoar aku jarano aaku yao.
45
Pirong umiseni o attaurat iwo uyhi, "pimiseni kikusu na pevere are pisi suri rik.
46
Yesoh iwo, ipivi uyhin, amiseni attaurat! enku rne ayar utira udun umi uwon utigha, umi uwon utighha, umi nan ayhini innanka suskini utighha, ayini nku aku riko nang kinu kiyhin.
47
Ipivi yhin, enka napsa masek ma annabawa, anre etiwi a wunzu yaon.
48
Nakini en wana mashaidu agura nyen arume nang manang ma tiwe yhin yaon ama wunza ayhin in sughha masek nayaon.
49
Awarka nang ami, tipamba te Siri tewo, "man tuma yaon annabawa nan atumi anka ruskse yaon ivura a wunza yaon."
50-51
Kusanaku anka yoehptoehkun awar ka manyho ma annabawa seme adaor na ama cidda urikuyah, aseme manya ma Habila muka rava manya ma zakariya umi na ama wuna atetih ku bagadi nang katek kavur. I mawo, kusana ku anka puru kun.
52
Ipivi yhin a miseni mateh ma Yahudawa awar kuwoh imma zika amabude mu yao: imma vonini ninghe agura nuku ayaor uninghen.
53
Yesoh ima joeha ateyyhe mi, anyakarani nang a farisawaan nyangane yhi, aseri u rawo-noe ana nang agweki,
54
An rusu wohan ren yhi a bang sa an pur yhi ana vere ayhi