¹ maduvu ma yhaor ma madun mamma kaongsoazaoni anra tuksana ana jami, Yesoh isemu kurawoh nang a gwekseneyhi azon,'' Inka vasana nang ma yeast ma Farisiyawa mare ituma nyhen ko yizi. ² Zah kirangwa ki turi nang anka zaku wonokin, Vah kirangwa, kiwukununi nang azaku yhao'ohte kin. ³ Ki kusu nang envervene amarini,an pokorokin anpezeh, Kikusu nang envervene kin utuwu inung amaraogha an an vervenekin ama takari mu rarah. ⁶ Maku vah aku zizi anki naonh ishii ama kwaaktaoraok mavah mayhiza? duk nang ken vah kirong kinaohn kimi nang Kasiri kama wunnu nang kin. ⁷ Tih te tih ayhin tih var'ah'nani,sunu pokoro ukhaou, in piri anki naohn mudun atiwomoh. ^{10 8} Isin misini,piyha eh shaidam anayhaor,pivezene upihyaor enka shaida anyhen maleku nan Kasiri. ⁹ Piya ehwoh izahku hyaom anyen moh yhaor,mini mah manka woh,unzahku yhao yhi anyhen mu maleku nang Kasiri. ¹⁰ pihya evereh anang ayeni makana nang Pivezene Upiyhaor anka guskuyhi ani,anreh piyha eh rene Mazir Mavur ivang anka zaku gusku yhi inih. ¹¹ Adhaor nang ayende ini amajami'a,nang awomoh nang ayha na vaohn,sunu damu nang ki kusu na inna vereh, ¹² Adhaor kami Mazir Mavur mangka misini ken nang inang ka mane.'' ''Pimiseni,miya koni kang wangza uwurunang na mini'' pirong inung arifighi reh yhaor ivereh ken. ¹⁴ Yesoh imane yhi,''pihyaor, wamma eh renemun wana pihyu temene,vah piyha en nighe ateti kayhin? ¹⁵ Yesoh iwoh uyhaon, ''Inkayhen insu wana ayhu sunu umah vereh, azakureh ugwaku umavereh ureh kuvoh.'' ¹⁶ Anreh iku miyha yhaon u misali,awoh,''kakap ka pirong ukarma kama wana irho agwakane, ¹⁷ anreh iku dinni aritih rihyhi, akuwoh,'yemmi na mang rene,awar kuwoh in zaku rih ate'eh ku tazza iraohm?' ¹⁸ Iwoh kikusu nang mang rene kinkina.Man yitiri na mink nanang suwa na gwakazi,a tazza irhao inang nang marong makusu atek kami. ¹⁹ Mang woh aritih rinang, ''piri makusu madun na pima tazza awarka tiwah tiwah,vaonsaonao,arhoakan sezeh aghaorhaonao''. ²⁰ Anreh Kasiri kang kuwoh uyhin,'ku bana kupiyhaor,asuni uvoh kupuh atuk kana,makusu mami nape kaongsaozao manka wana mawan?' ²¹ piyhaor eh kaongsaozao rihtih riyhi mavereh nang Kasiri. ²² Yesoh iwoh ana bgwekseni ayhi,''Awarken na mawoh unyhi,sunu naze na suwu nayhin uvoh kuyhin ikusu na inna rho vah apuhm ayhin ikusu na inna renne. ²³ Kuvoh kupiri marinuru, ripuhm rin piri makusu mu reneh. ²⁴ Regheni mawak,maku vizzaman ,vah man buvah mazakuri marhaoghao muh kaongsaozaom,vah namink,are Kasiri kasin zanaman, tiwarnang in piri ankinaohn atiwomoh! ²⁵ Inung uyhin, wammi unyhin ati zhavhaotho enka suska upire atuk ayhi mim awarku sunu awoh kirangwakin wan? ²⁶ Innang enka zahku susku ini uriseh anang acini kini,yemmi eh reneh insin naze nasuwu nayhin an kusu muna? ²⁷ Regheni ivhaos eh rimiken na enku zuwa,enku zahku tumzana ko urini,mah miya inih solomom nang tiwomoh tiyhi,irhaotao nana rene makusu masiyi ne ivaos imih ²⁸ Inna Kasiri kanka rene ugi orimi makusu,umih ukurine ukeru ukwe asin tanghane uni unrha. ²⁹ Insu naze nasuwuh nayhi inkusu nan inna rho vah kikusu nan innang seze, insu naze nasuwu nayhin. ³⁰ A al'ummai nasang asin ri'ighi an kusu mun, Tiu uyhin iyhao awoh inni mun. ³¹ Regheni tiwomoh teh Siri,anka pirini ankusu munam. ³² Sunu pokoro ukhaou rifighi rih cini,awar kuwoh Tiu uyhin ipok urentu urho ini tiwomoh. ³³ Zikine tikarma tih yhin a rukse ayhu wam,Zuwani atih ayhin anavirka nami nanka wantazana nan,nan kataraka izoh kami kanka zaku rara,atuwuh anka zaku suska ukana atek kami an rur monka zaku nazeh. ³⁴ katek nang kataraka kapu karim, katek nang kasuwu kapu kanka rim. ³⁵ JIyhini makusu mayhin makwangazi man wana ne tivarvi, sani rivah riyhin rin seme, ³⁶ wanni ne ayah asin suksa piyurarah kuyhaon, adhaor kami nang en guru a wori u tanda ku runga, asa ikareh eh ruvah a calle u kwarah, antu waonao yhi u kwara kumi araokaorao. ³⁷ Arereh amih nang piyhu rarah kuyhaon en ruvah a zuwa yahano in sin suksa maguru mayhi, are a yha ritau ririp, mu miya inih rivin, enka rne makusu ma kwangazi nang tivarvi a zomoh nang yhaon arho mariniru a rise yhaon manang. ³⁸ In nang piyhu rarah kumi eh ruvah a teti katuk anang zuwa yhaon an napsanani, arereh amih areh ayharitau ririp. ³⁹ In ka yao arah, annareh piyhu rarah imaka yao atuk na pituwu en ruva, enka zaku jhao urarah kuyhi na vindiri. ⁴⁰ inka rih amanapsana, awarku woh inang ka zaku yao adhaor nang Pivezene-u-Piyhaor en ruvah." ⁴¹ Biturus iwoh, "Piyurarah, pisin miseh u misali uru nang awuri vah nang ayhaor nasang?" ⁴² Piyurarah iwoh, "Uriki nyenteni iriti pamvah nang izayi uteruh imi nang piyhu rarah kuyhi en rhoyhi arere irukse yhaon maniniru a tuk? ⁴³ Piyha nang piyhurarah en ruva a zuwa yi iseri anih, irepiyha ritau ririp. ⁴⁴ In sin misene rivin awoh enka tarkarayhi amavireh mayhi. ⁴⁵ In nang pirere umi eh vereh asuwuh kayhi, piyhu-rarah kunang iraotao guru a seme urah vavah arereh arumi nang a yhaoni ansin rhao akan seze, a wana mavandaorhi. ⁴⁶ Piyhu rarah kup rereh umih en guru a tuk kami nang inka zaku yao, adhaor kami nang enka zaku yao, a cezeyhi apah-apah amane yhi a tek nang ayha zaku rih urumenu ariph. ⁴⁷ Pirereh umih iyao awar ka piyhu rarah kuyhi araotao napsana adhaor karao awar ka yhi, enka seze uvavu nan ti pwillazeh. ⁴⁸ Areh pirereh umih i zaku yao a rise ikusu kimi kin zaku rivah anka vavah yhi na cini, piyha nang aruyhi ikusu agwakane anka riighi an yha a gwakane. Piyah nang a rhohyhi na cini, na cini nang anka righu nang yhi. ⁴⁹ Ma ruvah asa un perveh urah un rikuyah, ummah suni awoh un rama puru. ⁵⁰ Un rih mazura mami nang an riseh, un suni uwoh anare kuma riseni kun. ⁵¹ Inku yhen awoh kazom kamavok nama yende? azang ken, areh kazom ku wattazanu. ⁵² Ne kini, ayhaor ishi anka rih urarah kurhao a wattuwo ayhaor atar anka sin rise a zohn nang ayhaor avah, avah an seri nang ayhaor atar. ⁵³ Anka ghantazana, putuh nang pivezene anreh pivezene nang putuh; muna iseri nang pirinni, pirinni iseri nang muna. Piyasku aseri nang pirinni, pirinni nang piyasku ukan." ⁵⁴ Yesoh imah seri nang rifighi reyhaor unayhaon, "En ku reh en reyhe a yiri sin caoksaonao a marivah manyhi, enku woh an rise uruh, mun wana ken. ⁵⁵ A kareh uvunu oh cao a wuri nan u Kudu inwoh katek kan pyazana, mun wana ken. ⁵⁶ Anayhu tumah oh yhizih, in yao alama urikuyah nang izoh. Yemmi eh rene inzaku yao'aote alama amarara mah dhaor? ⁵⁷ Yemmi eh rene nang enku zaku temene ana tih ayhin mariva? ⁵⁸ Inna pisin jara nang piyah eh ja'ahvuh amate, inung un rina pirene pigwa ansa in napsunuwo nan yhi asa isu ka ka'ahvu nang piya mate, piya mate irhovuh nang ku dogari, ku dogari kung taongaonevuh a mawuranu. ⁵⁹ Mawoh upuh penka ciravuh, sai pi be ukhaorwo imih nasang.