¹ Adaor kami arong ayaor an miya yi ariti renang ayu Galiliyawa ami nang Bilatus imah rirkirin manyo ma yaon nan Kihadayu ku yaon ² Yesoh imane yaon awoh inku tirikirini kuwa ayu Galliyawa ara anku piri a manzu ayu Galiliyawa in vang kin ko rene an sih sezi ivura kinih ³ Nh sih misini mu zakurih ken in nang in roto ma nhaohao nrina, nasang kuyininnankzi nrina urhao. ⁴ Vah ayaor rikiri ama nazivah ami nang masuwa ma (Tower) kwangari mamh righi nyaon siluwam a wunza yaon, inna endinne nagbing inku yhen nah anku mahpiri amazu ayao Urushalima invang? ⁵ ma vereh mu zakuriken innang inroto nagyun arinah nasang ku yhin in nang kizi nasang ku yhin. ⁶ Yesoh imah vere yaon awoh in ko vahni piong imah wa vira usanghis a kap ka yi aka ruvah asin rengze vah en zuwa nono na sash ikumi aku nan ruva zah kiran muja ⁷ Piyaor umi ima miya pitunzanani a kap kami, "rehye, tiwah ti tar un ku ruvah vah man zuwa anono nu sanghis kuva hahu viza. Pomhwoh mu, i yemi en rene ti jhap kuma wuza tegeh uwami uwami ⁸ Pitumzanani imane woh, yao kumim, riwalliman kowho kun arene kun mademeh ⁹ Nh kowanah nonoh ari wah mozikwa nh na ko roto na riseh nono an pongwoh kuni." ¹⁰ Yesoh isih miseh urong ku rarah ko Siri atuk ka Sabar ¹¹ Pirong unyowo ima re atehye kami umi irih tiwah rikiri am naziv ari majir ma yi mun mati gwantana, ima ka nanturwo a kupi suska yih uyezene na was. ¹² Adaor kami nan resih imah pinyowo pima warga ¹³ Yesoh imahi tarkora a chara kayi ariti ri pinyowo atar kami ika chara rukse Asiri ti cirvu. ¹⁴ Kasuwa ka piya yasaki urara Kasiri (Haikali) kan wanta awar kuwo Yesoh ima wargane piyar anyi moh Sabar piya gwakin umi imare yaor ami akere awo atuk utasi arim ami areh utuma, (in kaku ruva an wargasi nim) an zang anyhi moh Sabar. ¹⁵ Tituh gwaki imane yi awo ayini avatani atiha yin in kuwo pirong uyin eku zaku vinzi kuzan kur kuyi va pina gah piyi aka sah pin manimasir moh Sabar ¹⁶ Na karinni kun rarah ki Ibrahim kami, nase pisifu ima sizizekan ati wah rihiri a ma nassiva kan nan aka zaku vinzi kan anyhi moh Sabar. ¹⁷ Nang u vennu ankusu mu aya ama zaku suni yi anku pokoro ancing, ayaor na sang anra seri rigare ariti ren kusu mu gwakai mumi nang eriseh. ¹⁸ Yesoh iwo ini nan ku rara Kasiri ku sigyi iyemmi nang man ku mane kun mim? ¹⁹ Ku sigi pitirah pi pkwoehn (mustard) pimi nang oiyar e zika a virah a kap kayi, pin kunza a wana kati ka gwaki, an kinhaon mi zoh mun suwaze arara mun in paga ikan ²⁰ Yeso igurah woh yen nan man ku manu rara ko Siri mim? ²¹ Ku sigi u yeast umi nang pingowo arisizin nang a mudu atar amalla ku likama awar kuwoh kun vuwu." ²² Yesoh ininghe amaroh mami nang anroh mu yiza ama kana yi un Urshalima a sin miseh yaon. ²³ pirong ivere wo titu gwaki kureh macing mayaor aka zuwa uwaskani ivere yaon awoh, ²⁴ Zikanu suru unighenu (arong) kataghoronk kanyiza, awar kuwo, unson miyini, ayaor a dung aru su uninghe anka suska unninghe ²⁵ Innang piyu rara kumi echo wura aronk kami echo a wura aronk kami innam ka yhazhaozhene nyah a gbangonh rhonk kabaghorong kami awo titu gwaki, sairinighe ika mane yaon awoh nh zaku yaoini vah iki nan enchirain. ²⁶ Inmai kawo, kawo, ti ma rhao a seze anyhing mupu pi misseh abiradira tiwuri ²⁷ Enka mane wo nh sin misini nh zaku yhao atek nan en chiram chonini nan mini a yini arisenen kusu mu yinuni. ²⁸ Innan ka maganu nan ku kaza ki yini ivank innan an reghi Ibrahim Ishaku, Yakubu, nan a annabawa nasang nh rarah Kasirih ayini anka nekenni nyha ²⁹ Anka rura nh pette ku gabas, yamma, kudu, arewa, anka rhao marinmu arirah ku rara ko Siri ³⁰ Inka yehe ararana ayha wuri anka wana ayah zoni a yha zoni an wana ayha wuri." ³¹ Adaor kami arang a farisiyawa an rurah vere, yi awoh, chovu a jeh ina min awar kuwa Hirudus isuni iwuribu. ³² Yesoh iwoh janin aka miga dila (fox) awoh nh sin chiza asifu a sin wargahaze ayaor ukeru nkwe anyi motar manka ruru ntumu nan. ³³ ko ini murih man jarim nkeru nkwe ajagha atuk kami ka dorkoronim, ari zoni ma zaku ruwa an wun annabi a maran ganuni na nku Urshalima. ³⁴ Urshalima, Urshalima wunzani annabawa ayah ku taza ayah nang atuma yaon nang a yini tiwar nang nh suni nh manzini kinne ken nan ku kuru ko ku manize nono na kun ana fan aku, in wo inzainu su orahrana ³⁵ Reghne ama jiginu rarah ku yin mim kin wana kurentu nh tinih a migini inna ka zaku pi renghen se katuk kami, nan enwo albarka Kasir kan pirem kun wan nan pi yah inama ruka arizayi ri titu gwaki