¹ Muna wana ken, anre Yesoh iku semu roh jara ama rho nang antek-te'eh muh vaktazi aseri mavervene mah siri nang ku mise kumasara marip mati wome teh siri, rikiri anah vah, aranah rin ri nang yi. ² Nang arong ayhowo nang eh cizazayhon mazir mayiman nang tiwonthonho: ki Maryamu kimi na akuwoh Magadaliya kimi na ama cidda kin asifu pivi'ah pi zoni; Nang ki Yuwana piyhowo u kuza pi tumih u Hiridus, nang ki Suzana, nang arong agwakanes amih a riseh yhon mavereh ankusu muh yhaon. ⁴ Kadhar na rifighi reh yhar rimah kongshozhoni, ayhar asin rupsa nang Yesoh awori ana rho-arho anre iku miseh yhon u misali. ⁵ Pikavih imah cira asa ika vizzah kadhaor nang imasin vizzah, irong ivir in riksi un rina an tuksanam, anki nhaon mi zoh mun tezeh. ⁶ Irong ivir imi in rikis anagkang intu kunsa agura kizi, awor kuzah timis. ⁷ Irong ivir imi in rikisi inung amasap, masap mami mang kunza anre manku whitka ivir imi. ⁸ Irong ivir in riksi amayinzi marip areneatih arip, aka pirka a kiri rikiri." kadhar kami nang Yesoh imah rutu verevene an kusu muna, anre iku kande awoh,"piya iri atoh i pokoro." ⁹ Agwekseni a yah a rivi yi ken nang misali mana masin jara makana. ¹⁰ Anre iku woh,"Amah rho s yini u yho lo Siri ati womo teh Siri, ana rong maku vereh inung un misali, asa anka rehye azaku yhen asa anka pokoro a zaku yha'aheh" ¹¹ Kina nang umisali umih usin jara makana; ivir inuh ireh mavervene mha Siri. ¹² Ivir imih eh riksi un rina, isiyi ne ayha apokoro pisifu iruvah kwakase mavervene mami ana suwuh nayhon, asa asu ka rho rivin a waskunuwoh. ¹³ Ivir imih eh riksi anagwank isiyi ne ayha aku pokoro mavervene, mah Siri asere ari gharha, azayhon ti nhok, aku reh rivin, adhar ku gwekenu a riksi. ¹⁴ Ivir inuh oh riski amasap, Isiyi ayhar amih a pokoro mavervene mami, inung un rina ankusu muh rikuya nang marentu mah zom mantu mhitka ayhami, vah awana matinih. ¹⁵ Tvir eh riksi amayinzi marip, asiyi ayha a pokoro mavervene mami asere man na teng a suwuh karip, a yhoptho mang marivah a reksene un hankuri nang ukwakturuwonu. ¹⁶ Na kini vah piyah enka perve urah urivak agura turuni asep vah aja'ah anho ku kumi, are kuku tara uni ken nang kowami en nighe enka reyhe an peze muni. ¹⁷ Vah kirangwa kiwukununi nana kenkazaku yhowutuwu, vah marong manisana mawukuni nang anka zaku cira an peze a yhowutuwa. ¹⁸ Pokoroni na gwakkane piyha irih nang aku rhoyi, piyah izakurih kikusu nang a tirkinini awoh kin nang irih, an sere yi kin." ¹⁹ Anre muna nang a kommini a Yesoh anku ruvah nang yi, awarku gwaku oyhar an zaku zuwa u khothokho nangyi. ²⁰ Anre ku mi'arhyi, "Nau nang ah konawi a yezezi u yah, a sunu reyhe vuh" ²¹ Anre Yesoh iku mane awoh uyhon,"Ayhara poksi mavervene mah Siri a seri man, ayhon are muna unang a koni." ²² Arong katuk imah righe u wasa nang a gwekseric ayi, are iku woh uyhon"Sani ti rakkwa arong ku pette ku venderi" Anre ku napsana a rakkiwa. ²³ Kadhaor nang amasin ravah iratu non anmara, uvunu uyuni un ruvah u venderi kumi, ku wasa kumi kunra ripsa manimasir, Yesoh ira non anmara. ²⁴ Anre agwekseni ayi an ruvah a caneyi, akura woh,"piyurarah, piyu rara, ti rama kizi, anre iku co agwongoro un vunuh umi, nang mani masir mami, anre katek kang ku wana na sit aka nomo. ²⁵ Anre iku woh uyhon," Iki nang riving riyin ririm?" amatu ra pokukhau adhaor nang ama pokukhau, anra ripsi atih ayhon" Wami inuruh nang uvunuh nang mani masir ma pok avereh ayi a seri matini?" ²⁶ Anre kuka rakkwa amayinzi muh Garasinawa, kumi nang aku ceske u verderi ku Galili. ²⁷ Yesoh imah thoroh ama yinzi mami, anre iku mana nang pirong u rho kumio a rih asofu. Imah ku zaku rene makusu, iku zah ku zomi unraah, masek, mamare katek kazom kayi. ²⁸ Kadhar nang imah reyhe Yesoh, anre iku rene iwum a tukurwo ayhon muyi, iku vere ari yhi rigwaki,"Yemmi na pirama riseu, Yesoh, pivezene o Siri ka Gwalli, insin tanzanavuh, su renem vreer." ²⁹ Awarkuwoh Yesoh imah woh amazir mayiman cir upih yhar uwieh. Arong kadhar anku gwarayi, asisyi un yheng, arah a nyenteyi, iku carka uyhen umih, asfu amih anku ja'ahyi arimi. ³⁰ anre Yesoh iku riviyi "rizayi ripu wamu?" anre ikuwoh "kamalla" awar kuwoh asifu adun a nigheyi. ³¹ asifu amih antura tanzanayi isu nurkarayhon mung atek nang an sese u rerem. ³² Rifighi re lade ima sin vi'ahra unkatu rikwang rimi, asifu amih antanzana asa anka nighe ana lade amih, anre iku rumeni. ³³ Anre asfu amih anku cirah apiyhar umi aka nighe arifighi rehade amih, anre rifighi relade ameh rintu sunmarin aka nighe inung un venderi anre. ³⁴ Ayami asin vi'ah alade amih amah reyhe ikusu ke wana, an sumana aka migha inung urho nang ayha a wangtari nang kurho kumi. ³⁵ ayhar amah cirah asa anka rek ikusu ke wana, an zuwa Yesoh nang piyha nang asifu a cirah uyi. I zomi ana vina na Yesoh, ari makusu awar an yhen, anra pok ukhau. ³⁶ Ayhami nang a rise anang amih ama yiji ayhan, an migha ken nang asifu amih ama yhap piyhar umih nang ken nang a war'ahneyo. ³⁷ Anre ayhar urho ku GArasinawa kumi na sang awoh u Yesoh ijhayhon mim, awarku khau udun nang a pokoro, anre iku nighe u wassa aguruyi. ³⁸ Piyhar umih nang asifu a cira uyi itanzana Yesoh i rume asa i dhorkhorhoyi, Yesoh i zhokkuwhoroyi, a woh, ³⁹ " Guruvuh urarah aka mise ikusu nang Kasiri ka risevuh Anre piyhar umih iku jarayi, arah mise urho kumi, ikusu nang Yesoh eh rise yhi. ⁴⁰ Kadhaor kami na Yesoh imah guruyi rifighi re yhaor rin sere yhi awarkuwoh amasin siksayhi. ⁴¹ Anre pirong uyhaor na aku kangde yhi awoh yariyus, pirongumih ireh anayha cirvu u majamia iruvah arighi anavina na Yesoh a tanzana yhi iruv urarah kuyhi. ⁴² awarku woh pirinni uyhi urhao, karinni kati wah rikiri ati vah kama sin kizih. kadhar kami nang Yesoh imah rih unrina umakanam, rifighi re yhaor rin sin zhaovao taonuyhi. ⁴³ Pirong uyhowo imah rih ateghe mi imah renetuwah rikiri atihvah mayho masin cizzayhi, imah wuzze ikhaorwi yhi nasang mazah war'ah. ⁴⁴ Piyhowo umih iguru alini ka Yesoh anre iku rike irepseke ima kusu mayhi, anre ucizzanu umauho mami unutu yizene adhaor kami. ⁴⁵ Yesoh iwoh,"Wami eriken?" Ayhaor nasang an woh pirong iraotao rikeyhi Biturus iwoh "piyhurarah, rifighi re yhaor rinsin zhaovaotaonu upuh kini." ⁴⁶ Anre Yesoh ikuwoh "Pirong imah rikem" inyhao awoh usin umah cira unang." ⁴⁷ Kadhaor kami na piyhowo uru eh reyhe inan zaku wukune ritih riyhi, iruvah asin yi'ah ripuhm, asin naonzaonao ayhen muh Yesoh. anre iku vereh inung anayhar nasang ikusu ke rene irike Yesoh, nang ken nang etu warah araokaorao. ⁴⁸ Anre Yesoh ikuwoh unghi pirinni unang, rivin rihpu rima war'ahnevuh jaravuh amavok. ⁴⁹ Piyhowo umih imah roat sin vervene pirong itu ruvah awori urarah kupiyha cirvuh umajamia, avere unyhi a woh,"Rinin vuh imahkhao, su rene pimiseni un rereh. ⁵⁰ Anre Yesoh iku pokoro kini, imane jariyus, " Su pokoro ukhaou, rume nan mimi, pirinni u puh en war'ah ⁵¹ Kadhaor kami na imah ka nighe urarah kumi, imah raotao rume pirong inighe nan yhi, ayha nang imah rume yhaon are Biturus nan Yakuvu nan Yuhana nang putu nang muna oh u konoh kami. ⁵² Ayhar nasang nsin ma'ahna ukhao ku kan. anre Yesoh ikuwoh uyhaon,"Sunu rise mayizhi, karaotao khar are ammara na kanaon" ⁵³ Anre ayhar amih ku cerghere yhi, awarku woh ayhao awoh ka kini. ⁵⁴ Anre Yesoh iku puru kana a cara a kangde akuwoh 'konoh co!" ⁵⁵ Mazir makan man guru ukan, kantu co arakaorao. Yesoh uwoh uyhan, a zuk kani irangwa asa kan rih. ⁵⁶ aputi anre seri amina, anre Yesoh ikuwoh uyhaon ansu migha pirong ikusu ke wana