¹ Kadaor kami nang Yesoh imah ruru inkusu nasang na imah sin vervene ana to ayaor, anre iku ninghe unKafarnahum. ² Adaor kana pirere urong kujarumi umi nang kujarumi kumi ko pok urentu ukun, imah sin gwanana arah putu ukka. ³ Adaor kami nang kujarumi kumi pokoro a vereh amaja'a nang Yesoh anre kunku tumah ayah cirvuh a Yahudawa makana nang Yesoh asa iruv awar'ahne pirere umi. ⁴ Kadaor kami nang amaka zuwa Yesoh anre an ku tanzana yi nagbing, akurawoh, "ima hama uwoh piriseyi kini, ⁵ Awar kuwoh isuni a mayinzi mawuri, yi imah suwah iri urarah ko Siri.? ⁶ Anre Yesoh ikura jariyi nang yaon, kadaor kami nang irah pati urarah kumi, kujarumi kumi kuntu tumah ijam ukun asa anka vereh nang uhyi awoh , "Piyu rarah su rene ritiripu unrere, awar kuwoh unroto hama uwoh pirin unrarah kunang ⁷ Kikusu ke rene un roto ma zika woh mini ma hama uwoh in ruv nang piyi, vereh nazik, pirere unang en ka tu warha. ⁸ Awar kuwoh mini intini azomi a zong ku rene an riseh ken nang ma vereh, awumani munrih ana chara anang. Maku woh upi yallu, "Jaravuh" ijarayi, awoh upi manzu "ruvah" iruvah, a gura vereh upi rereh unang awoh 'rene kini, irene ken. ⁹ Kadaor nang, Yesoh imah pokoro avereh arah anre iku rise amina nan kujarumi kumi, anre iku vanduruwo ari fighi re yaor amih adorkoninyi awoh "maku vereh unroto ma unrumenu-ko-suwhu zuwa risiyi rina un Isra'ila." ¹⁰ Adaor kami ayaor nang amah tumah yaon, amah guru yaon unrarah kumi, aka zuwa pirere umih iwara. ¹¹ Ama dorkoni adaor kami nang anang ami amah vharhao, Yesoh ikana urong kurho na aku kangha awoh nayin, agweksene ayhi nang rifighi rhe yaor ri-gwaki an dhorkoro yhi. ¹² Kadaor nang imah rah pati a tunwuru kurho kumi, an reh an ti'ahni pirong uyaor, imah khao, ima reh pivezene urhao nazik nang muna yhi (muna ima re ku kumbu) rifighi reh yaor adun awori urho kumi anri nang yhi. ¹³ Kadaor kami nang piyu rarah imah rehye yhi, anre iku pokoro ririllipovo asuwhu ka yhi awar ku pikumbu pimi, anre iku woh uyhi "su ma'ah." ¹⁴ Anre iku jarahyi aka rike averu amih nang ati'ahn uverung kumi, anre ayhami ati'ahnani akutu kami an yezene a tek karhao. Anre ikuwoh, "Mazaoroa, mawoh upu, "cho." ¹⁵ Kuverung kupiyar umih kun cho azomo arah seme ververe. Anre Yesoh iku rho yhi nang mung. ¹⁶ Anre ukhau unku turu yaon nasang, anrah cangha Asiri, akura woh, "Amma cidda annabi agwaki nang awuri," agura woh, "Kasiri kama tirkiri a yaor akang." ¹⁷ Masara man aritih ri Yesoh mama ninghe inung un Yahudiya nang nang a mayenzu. Mami ma pitizi nasang. ¹⁸ Agwekseni a Yuhana an mi'ah yhi anang amih nasang. ¹⁹ Anre yhi Yuhana iku kanghe agwakwene ayhi avah atumah yaon nang piyu rarah asa anka woh, "piyhi piyha, mi en ruvah boku ti rene ayizi nang pirong?" ²⁰ Kadaor kami nang amaka paturuwo nang Yesoh, anre ayaor ami anku woh, Yohanna piyami isin zurah-yaor en tumih rih nang piyhi awoh, "piyhi piyha mi en ruvah buku ti rene ayizi upirong?" ²¹ Kadaor kami Yesoh imah war'amze ayaor adun ati'wontono ti yaon nan aya asin sese urere nang ayha na mair mayiman mama pusu yaon, nang arumu adun an rene ate'eh. ²² Yesos imah mane yaon awoh, "kadaor nang en giri ni, inka mi'ah Yuhana ikusu nang sen reyhe azura pokoro. Arumu asin sese uwaru ayizi, agun anra jase, ansin vurkaze a magwanura ara karah, anra pokse avereh, maverung masin chokso nho nang mavoh maman, ansi miseh ayhuwam masara marentu. ²³ Piya iroto yaozone uremunu-ko-suwhu nang mini, awar kanang ami nang inseri eh wana piyar-zikini." ²⁴ Ka'ar kami nang atumih a Yuhana aguru yaon, Yesoh isemu rah ververe nang rifighi reh yaor aritih rih Yuhana, "yemmi nang en kan arimi inka rengze? Tig; timi nang uvunu usin ca'agha ta ka? ²⁵ Na yemmi nang en kana uyha asa inkarek? Piyar iri makusu mayaon? Reyhe ni khorwo aguru rhi inung a marentu ma tikarma azonzi amaga ma womo. ²⁶ Ma woh yemmi nang en kana uyha in rek? Annabi? I, mawoh uyhin, riyaor ipiri annabi. ²⁷ Yhi nang ama nyaka'a iritih riyhi awo "Reyhe, insin tumza pitimi anyen nuh pu. Umih en napsa vuh rina a maruva ma puh. ²⁸ Mawoh uyhin, ana yha nang an yhowo areksene, vah piya ipiri Yuhan, Piyah idundun atiwomo teh Siri is piri Yuhana ungwaku. ²⁹ Kadaor kami nang ajhar nasang a pokoro ara'areh, nang agweksene kuna gandu ankura woh Kasiri kare yazai-raon awarkuwoh ama rise yhon a mazura inung amazura mu Yuhana. ³⁰ Afarisiyawa nang ayha ayao matehma Yahudawa ama vonoyaon a manapsana masiri a makana na yaon, awarku woh amah vonoyaon a mazura mu Yahuna. ³¹ "Nang iyemmi nang man mane, ayao usana kuna? Anku siyi iyemmi? ³² Asiyi ne nonoh nasin rhorho atek ku kasuwa, nami na zomoh akagha a jami akuwoh, "Teh perve piseruwo awarka yin izaku yi gha, timah sipsu masiva mha sho, inzaku maghana. ³³ Yuhana ubaftisma imah navah azakusin rho, agura azakusin seze inwoh, "Teh asifu. ³⁴ Pivezne upi yaor ima ruvah asin rho akan seze inwoh, "e kori ubavavap, pisezeni pijam peyha sese kuna gandu nang ayhi vang. ³⁵ Kuyaokoku cidda nonoh muh rih. ³⁶ Pirong ufarisiyawa imah kunu Yesoh iruvah anre marinu umarah kuyi, kadar nang Yesoh imah nighe urarah kuyi, anre iku zemoh atek kama rininu. ³⁷ Anre pirong yaghwo urho kuma ireh piyi vang, piyagho umih iku yha'ate awoh Yesoh irih urarah kumi asin rho mariniru anre iku yende manuk marip mih khorwo iron kibatah (kikuturu) ³⁸ Anre piyhiwo uruh thozhozho mayizi asemu rah jakarayi navinah a mayiyi mayi, anre iku vezeh mayizi mani atik tiri tih tiyi akan mumu navina nami, anre iku munzazeyi manuk. ³⁹ Kadaor nang pifarisiyawa umih eh kunu yhi eh rehye anang arahi ikura woh asuwhu kayi, anna reh piyaor uruna iku reh annabi enan yhaghateke imuzu piyhowo umih isin rikse yi, ireh piyi vang ⁴⁰ Yesoh imareyi awoh uyi, "Siman, inrangwa nama vereh nang pu." Iwoh "vereh ken, pimi seni." ⁴¹ Yesoh iwoh, "pirong imah rih ayaor avah nang idhorkononi yaon amavasi. Urha maduvu ishi, umanzu umi akiri ishi, ⁴² An zaku suska ubeh mavasima, anre iku yhon mavasimara inung anah yaor avoh ararah wami enka pirka uso yi? ⁴³ Siman imane yi awoh. "Piya nang a jhayi mapuk mami." Yesoh iwoh uyi, "pe temene marivah." ⁴⁴ Yesoh ivanduruwo nang piyhawo umih anre ikuwo u Siman, "rehye piyhawo uruh, Immah nighe urarah kupu pirhotho rhom manimasir awar kana vina na nang, piyhowo uruh imah thokzho mavina nanang amayizi mayi a vezem atih tirihtih fiyi, ⁴⁵ pirhotho mungum, piyhowo unuh irhotho iha mumun navinah na nang ken na ma nighe inah. ⁴⁶ Pi rhotho munzaze ritih nang amanuk yi imah munzaze ravinah na nang amanuk. ⁴⁷ Awarken mah woh upuh, "ivang iyi idun a ama guzu yi inih awark kuwoh imah riseh usuru adun. Piya nang a gusku yi nacini, usunu uyi, urih na cini." ⁴⁸ Anre Yesoh iku woh upiyhowo umih, " Ama gusku vuh ivang ipuh. ⁴⁹ Ayaor nang azonzi nasang an semu kuro woh anah "tih ayaon "wami inuru na enka guski ivang?" ⁵⁰ Anre Yesoh ikuwoh upiyhowo umih, riving rih pu rih mah waska vuh, jaravu amavok."