¹ A dhaor kana a rong ka tuk ka Sabbali, Yesoh ima sin jarah a maovaoraoh ti nung a kab ki raoh, agbwekseni-ayhi a ma sin gwevereh a jiziki raoh imi, a gura sin ruwutuku ini asin rhao iraohimi. ² A mazakuguranu, a rong a Mafarisiy- awa mamio man vereh wo,"Yemmi e reneh pi seri ikusu kimi ke ku jir a tuk ka Sabbaci?" ³ Yesoh ima maneh yaon avereh awo, " In ku rotoh ma karanta ikusi kimi nan Dauda ima rene a dhaor kami nana ima pokoro igbwaom, yhi nang a rumi ami a ma rhi nang yhi? ⁴ Ima ninghe un ranghao ko Siri,a zika u faowaorhi mo farwa mami a gura rhao, a gura rho a rong mafaowaorhi mami nang a rumi a mi a ma rhi nan avereh wo a makuguranu a ma firistoci, ko jir nang pirong irhi kun." ⁵ An reh iku vereh nang yaon awo, "pivezene u piyhaor ire piyu rharha ko Sabbaci." ⁶ a ma wana un rong ko Sabbaci adhaor kami nang ima jira un ranghao ku tutunu a miseni a yhaor ami a rhi a tek ka mi. pirong u yhaor u rumi ima rhi a tak kami ka cara ka yhi ku rhaom kama rowoh. ⁷ A nyakarani ami nang Mafarisiyawa mami mama tirkini yhi an reyheh boko en ka war'ane pirong a tuk ka Sabbaci, a war kuwo an zugh i rangmwha nang ang conkone yhi. ⁸ A makuguranu, Yesoh ima yaoh ikusu kimi nang a ma sin dinni inung a suwhu ka yaon, an reh iku vereh nan piyhaor umi nang kacara ka yi ka mih rowo awo," co s yaozanone ina kini a tetih ku nyen ko yhaor na sang." An reh piyhaor umi i ku co a yaozaone a tek kami. ⁹ Yesoh i vereh nang yaon awoh," Maku rikvini, ku jir a woh an yelli i kusuh ki rhip boko ki kusuh ken yendhu kaoh a tuk ka sabbaci, an waskanu voh boko an wuna kun?" ¹⁰ An re iku tirkini yaon na sang a vereh a piyhaor umi awo,"Raska cara ka puh." Piyhaor umi i yelli ken nang e vereh yi, ka cara ka yi kan gura warwu'ono. ¹¹ A makuguranu, ama koromoh nan rikaozoa an reh an ku vereneh inung a tih a yaon a maj'a i kusih mi nang an yelli nang Yesoh. Mu ma wana ana tuk nami, ima jara yhi un pana kumi awo ireseh a vereh nang Kasiri. Ima riseh a vereh nang Kasiri a marini ma tuk kami na sang. ¹³ A dhaor kami nang rikatah re wana, ima kangnde agbgwekseni ayhi nang yhi, i zika agbgwekseni ri kiri ativah tih yaon, an reh i ku roh yaon a zayi a napkweng. ¹⁴ A zayi a napkweng ama re Siman (piyami nang ima gura kangha-awo Bitrus) nan kommina ka yhi ka rumi Andarawus, Yakuvu, Yuhannah, Filib, Batolomi, Matiyu, Tomas, Yakuvu Pivezene, U- Aifiyus, Siman Piyami nang a ku kangha yhi awo Zilot, Yahuda Pivezene U- Yakuvu, nan Yahuda Iskariyati, piyer umi ima wana pi vandareni- a tini. ¹⁷ Anreh Yesoh i ku toroh un pana kumi a yaozaone a tek ka jaos na rifighi ki gwaki re agbwekseni a yhi nang a yhaor a gbwaki ami nang a mācira un Yahudiya nang Urushalima nang a tek ka zohn ka mi ka piti umanu- gbwaki mu taya nan sidon. An ku ruvah wo an'nakanu-atoh nang yhi a gura zuwa u war'anu a tiwontono ti yaon. a yhaor ami a sin sezeh tighaosum nang mazir mayiman a mazuwa uwar'ane yaon. ¹⁹ A yhaor na sang inung a rfighi ri mi ama ku yelli an rike yhi a war kuwo usuru u war'aze u sin cira nang yhi, an reh i ku war'ane yaon na sang ²⁰ an reh iku tirkini agbgwekseni a yhi, a vere woh," In reh aya-zikinu a yhini ayawam, a war kuwo tiwomo te-Siri tire tiyin. ²¹ In reh aya-zikini a yhini aya tigbwonm kinkini, awar kuwoh a nama koronw ni. In reh aya-zikinu a yhini a yami isin ma'ana kirikini, awar ku woh en ka cezze. ²² In reh aya-Zikinu adhaor ka mi nang a yhaor a mavonayaon a yhini, a gura ka Pivizene u Piyhaor. ²³ Ghaorhaoni a tuk kan ka mi a tuk tazana, awar kuwo in ka zuwa ureze ku gbwaki inung izoh, awar kuwo a-putu a yaon ami are manaok ma yaon a ma rene a matatun mami neh a yhini. ²⁴ A makuguranu, tighaoeum nang a yhini a ya tikarma, awar kuwoh in ma sereh un zuwunu-a suwhu. ²⁵ Tighaosum nang a yhini a yha mi a kori kinkini, a war ku woh in ka ninghe tigbwom a madorkoni. Tighaosum nang a yhini aya asin cezze kinkini, a war ku woh in ka ma'ana a madorkoni. ²⁶ Tighaosum nang a yhini, a dhaor kami nang a yhaor na sang a sereh vereh a rip nang a yhini, awar ku woh ken nang ama reneh nang a matatun mi cotti. ²⁷ A makugwame, ma ku miyi ni a yhini a yhaor a nakani-to, roni nasuwhu nang a yhami a seri maopaonao ma nyaki nang a yhini,a gura riseh anang arip nang ama vonoyhaon a yhini. ²⁸ Zikineni a yahim a sereni anaoh ka timum, a gura riseh atanzu a war kayhaor ami a sing ro-yhini ivura. ²⁹ Piya mi a challe vu un puwa ku rhao, gura vandare yhi umanzu ku mi. Inna pirong e zika vu nu riyha ku yah, rume yhi i gura zika un riyha ki nung. ³⁰ Rhoni nang ayhaaor na sangi ami a rivini. in nang pirong e zika ikusi kimi kireh ki yhin, in ka su ka rivi yhi awoh i guddu ini kin. ³¹ Ki kusu kimi nang ising ringhi a yhaor an yelli ni, a yhini in riseh i kusih kimi nang yaon. ³² In na pe roh a suwhu ka pu nang a yhaor a mi ama rovu na suwhu na yaon nazik, u zuwu u riki ire ken nan pu? A war kuwoh a yi vangh a ku roh nasuwhu na yaon nang a yah mi a roh yaon nasuwhu na yaon. ³³ In na en riseh anang a rip nang a yhaor a mi a reneni a nang a rip nazik, u zuwu u riki ire ken nang a yhini? awar kuwoh ayi vangh a ku risse ken. v 34 in na en ku roh a maguddum nang a yhaor a mi nang in sing reneh a suwhu a woh an ka giddu ni, u zuwu u riki iri ken nang a yhini? Ayi vanh kennang aku roh a maguddum, a war ku woh an guddu yaon ken nang ama roh. ³⁵ A makuguranu, roni ana suwhu nang a yhaor ami a seri a mapomono ma nyaki nang a yhini, a guira riseh yaon anang arip. Ro a maguddum a zuka reneh a suwhu a woh an guddi ni, awar ken kureze ku yhin kun ka gwakana, in ka gura wana a vezene mu Piyah-zo-Izo-Mu- Wuri, a war kuwoh yhi a ritihi ri yhi ire piyeh anang a rip a makana nangh a yhaor ami a kui za ku roh maripkwanu nan a yhaor a mi a rhi mayiman a na suwhu. ³⁶ Wanani a yah rillipovo, ken nang Patu yhin izo e ku riseh rilillipovo. ³⁸ Roh, a war ken an roh a yhini. An roh-i-ni a koru gwakane-ukoronu umi usin cizza a maiunatuni. a war kuwoh maruntuni mami nang pe yelli utuma nang kun, kun nang an riseh utuma nan kun a ritih ri puh." ³⁹ An re i ku gura migha yaon a rong a manangatani a woh,"Pi rumu en kan miseh a pirong pirumu nu rina? Inna e yelli ken' a yaon uvah uyaon an ka rigyhi inung a waokh, boko an za ku rigyhi? ⁴⁰ Pigbwekseni i za ku piki a pimiseni u yhi un gwaku, a makuguranu, a dhaoh kami nang piyhaor imar seri timiseni, en ka wani kinne piyah mi e mise yhi. ⁴¹ Yemmi nang en rene pi ku tirkini a pikam pi kommina kapuh ka rumi, a mazakuguranu a zaku reyhe atih kadung ka mi ka ri inung a riyizhi ri puh? ⁴² Ini nang pen ka vereh nang kommi-na kapun "ka rumi awo,'kommina, sa in cuwune vu pikam pi vez ki mi ki rhi inung a riyizhi ri pu,' a dhaor kami nang piyhi a ritih ripuh piza ku yhen atih kadung kami ka ri inung a riyizhi ri puh? Piyi piyah rivin rhi cottih! Semu cuwune atih kadung kami kari inung a yiizhi a puh, awar ken pen ra tirini mariva ken nang pen ka yikah cuwune a pikam pivez imi iri inung a riyizhi ri kommina ka puh ka rumi. ⁴³ a war kuwoh a za katih ka rip ka mi ka ku cidda a nono nami nama vozoh, vah ken a za katih kami kama vozoh nan kaku cidda a nono mami marip. ⁴⁴ A war kuwo ko ka riki a tih a ku yaotaoke kan un rina a timuz ti nono na m,i nan ka ku cidda. Awar kuwoh a yhaor a ku zaku konkizi iros inung a matunga, a zaku gura konsozo inabi inung a masab. ⁴⁵ Piyhaor umi irip a ku cidda a ma kusu marip a war kama kushu marip mami mari inung a suwhu ka yhi, piyhaor umi iyiyih a suwhu ka yioh, piyhaor umi iyiyih e ku cizza zah a makusu mayiman mami mari inung a suwhu ka yhi. awar kuwo kanaoh ka yih kan ku vereh a sing cidda an kusukusu mudung mumi muri inung a suwhu ka yih. ⁴⁶ Yemmi e reneh en ku kangham a woh,' Piyu rarah, piyu rarah,' a zaku gura dorkoni ikusi mi nang ma ku vereh? ⁴⁷ Piyhaor umi nange ruva nang mini a gura pokoro a vereh a nang gura dorkoro a vere ami, mang miyi ni ken nang irih. ⁴⁸ Iri kin ne piyhaor umi ising suwurarah, umi e kowoh a waok a maranganu inung a jaos a gura suwah ranganu inung a jaos a gura suwah ilang u rarah kumi izo ukwangh kumi ku kakkwani a gura nirghanhi. a dhaor kami nang kurong ku ja ko ruva, manimasir ma nyaki mama ruva a nyaki un rurah kumi, a maza kuguranu a zaku nurkarha kun, a war ku woh a ma suwah kun a mariva. ⁴⁹ A makuguranu, piyhaor umi nang ima pokoro a vereh a nan a zaku dorkoro ani, ireh kin ne piyhaor umi ima suwhu urarah izo a mayenzi mami ma za ku ri ilang. A dhaor kami nang ku ja ko ruvah a nyakani a makana u rarah kumi, ku rarah ku miku ma tu riyhi a zaku ma kokone a dhaor, u riksinu u rarah kumi kumah gwaki."