^{1 2} /v 1 Na kini kadhaor ku Idin gurasa kumi ku zakun i yisti kun paturuwo kumi nang akoh ki keterewa, /v 2 A yah gwakazi ama Firistoci nang a nyazi an yelli a vereh ken nan an puruh Yesoh, awar kuwoh a pok ukhau ayhaor. ^{3 4} /v 3 Pisifuh inighe u Yahuda Iskariyoti piyhaor urhao ana yhaor rikiri ana-vah. /v 4 Yahuda i jarayi a ka yelli a vere nang piya gwaki uma firistoci nang a rumi ami nang a pok mim, ken nang en ka rhao Yesoh ana chara na yhaon. ^{5 6} /v 5 An ra seri righaraoh, a rume awoh an rhao yi ikorgwho. /v6 Anre iku rume a fura ringyhi a dhaor nang yhaon ken nan en ka rhao yhaon yi adhaor kami nang a zaku seri makonkozuwo. ^{7 8 9} /v 7 An yhi moh rih ku gurasa uzah kuri i yisti mu ma wanah mumi nang ku gam ku idin nang an riseh u hadaya ku idin ketarewa. /v 8 Yesoh ituma Biturus nang Yuhana awoh kanini aka ringyhi marinuru mu idin keterewa a sa tirih. /v9 An rivih yi, "Iki nan pi suni ti ka rih mim?" ¹⁰ I mane yhan, inka pok 'Inang en ninghe uroh, innang kama mana nang pirong iyhab a risivi mu manimasir, in dorkoroyi aka ninghe un rara kumi nang e ningheni. ¹¹ In vereh piyurarah kumi, 'Pimiseni e wo kuragnao ku jhan kunsi, kateghe nang mang rhao marinuru mu iding keterewa nang agbwekseni anang? ¹² En ka miyhi ni urong kuranghao ku gwaki kumi nang ama ruru napsakun, in napsa mariniru mami a tek kami. ¹³ An jarayhaon aka zuwa manang mami na sang ken nang ama ruru napsakun ken nan Yesoh eh vere. An reh an ku napsa a mariniru mu idin keterewa umi. ¹⁴ Kadhaor kan wana, ika zomo nang agbwekseni a-yi. ¹⁵ An re iku vere nang yhaon awo, "In suni in rih mariniru mu Idin Keterewa nang a yhini a mazongoni tighaosum ti nang. ¹⁶ Awar kuwoh uma mighya ini awoh man zaku pi rhao sai inung tiwomo te Sirih. ¹⁷ Yesoh izhamkpwao i sep an reh iku zikine kin awoh, senni a wangzana na sang kuhyhin. ¹⁸ In ma migyhi ni awoh, man zaku pi sese manimasir mi Inabi mana, vah kadhaor kami nang tiwomo te Siri ti ma ruva. ¹⁹ An re iku zika ufaowaori, anre i ku zikine kun, a rhoh agbwekseni ayhi awoh, "Are ripum ri nang rimi nang a rama rhao awar ka yhin, in ka ku riseh kini awar kanang." ²⁰ I zhamkpwa I sep kimi a madorkoni u jibi kumi, awoh ki sep ki ununghwu u manyo ma nang mani a ma wara awar ka yhin. ²¹ Nanghani a toh, piya enka rom atini iri ina a zohmi a riri ka ²² Awar ku wo Pivezene-ma-Piyhaor en jarayhi kinne ken nang ama tarah. Ririllipovo ripiya nang are iyi en rom ana chara yhaon. ²³ An re seri a vere a na tih a yhaon, wanni uwuri irama rise kini. ²⁴ Masosoni a vere nang un nyaku man ninghe ana tih a yhaon awoh en wana piya-gwaki inung un yhaon. ²⁵ I vere yhaon awoh. "Awomo a yhaor aku migha usisazu un yhaon, aya ari avhaon un yhaon aku kangha yaon awoh awomo nang tichurvu. ²⁶ Mun kasu wana ken inung uyhin awo piyah en wana piyah gwaki u yin en ka wana ne yi neh piyah chini, piyah ipiri a tichurvu i wana piya tuma. ²⁷ Awar ka piya ire piyah chirvu yi en zomo arira, bo piyah e yellu utuma? Ku zang yi e zomo arirah nan kini un sighi piyu tuma nang a yini. ²⁸ A yini in rih nang mini inung un jarabawa u nang. ²⁹ ma rohni tiwomo kinne ken nan Putunang ima rom tiwomo. ³⁰ Innang rhao a seze a rirah ka nang un rarah kunang, in nang zomo a tiwomoh ti yhi a yellezi ati-vervene rikiri a tiva ti Isra'ila a mateh. ³¹ Siman, Siman, dorkoroh nazaah, Pisifu ima rivi a woh i zukvu, awar ku woh i chekere vu. ³² Nah un serih adu'a a ritih ripu, awar kuwoh ku rene ko suwhu ku pu kun ka zaku rigyhi. Inna pe gura nanghao, pi nirgharah a konauyi. ³³ Bitirus iverh yi awo, Piyurarah, in ma napsana awoh ti jariri nan puh un rereh nan ku khao. ³⁴ Yesoh i mane yhi awoh "Un sin miseh vu Bitirus ukeruh, kuwoni kon kawo kun kokoneh titar pinangma woh pi zaky hyaon aka jah'a titar. ³⁵ Yesoh ivereh yhaon awoh, kadhaor kami nang un mah tumini zah kivirkah, zah kavaetih, zah arakah in ku mamah vizih iramgmwa? An mane yhi awoh, "Tima roto vizah." ³⁶ I gurah vere yhaon awo, na kini piya iri ivirkah, kuriwoh izika kin nang kavaktih kan an kusu, piya izayi a tan izizi u righa ku yi a zemene ku rhao. ³⁷ In sin misini a ku woh ki kusu nang ama nyaza a ritih rinang kuma wana uwoh kin koro.' A sin vazze ikin in kusu kireh ku gwekkwe kuma teh,' awar ki kusu nang ama vereh aritih rinang kimah koroh.' ³⁸ An vere woh, "Piyurarah, tirkirih! An tan mu vah muri inaki." I vereh yhaon awo ko manam." ³⁹ A tinih ka rih ka ri ka mari ka mariniru mamah rong, Yesoh i jarayi, kinne imaku seri, a kana yhi un pana ku Zaitun, agwebkeseni an dorkoro yhi. ⁴⁰ Kadhaor kami nang amaka ka zagh'a, ivere yhaon awoh, riseni a tanzu awar ku woh inka su ninghe un jaraba." ⁴¹ I jar yi a jhi yaon mim kinne utanu u rikwang, a tukuruwu a rise a vereh nang Kasiri. ⁴² "A Titugwaki unang, perume pi cughunem ivurah i rinah. Awar ku ken, a zang ken nang un suni, vah u sunu u puh un wan." ⁴³ An reh malaika ma Siri ma wori zoh nang chira a nan yih. ⁴⁴ Isin sezi vurah a gwakaneh, ininghe inung a tanzu a gwakane, kuthefuh ku yi kum rah rungtazana ne manyo a jaos. ⁴⁵ Kadhaor kami nang e cho a teyhe ka vere ayhi nang Kasiri, i ruva nang agbwekseni ayi a zuwa hyaon an nonzi ammara awar ka suwu-kasir. ⁴⁶ I rivi yhaon awoh yenne reneh in nonzi an marah? choni a rise a tanzu in kasu riyhi inung u gbwekenu u pisifu. ⁴⁷ I rotuh sin vervene, anre rifighi re yhaor riku nang ruvah nang Yahuda, piyhaor urhao a inung rikirih ana-vah, iyhaob yhaon an kotokoh nan Yesoh i yelli yi u sumba. ⁴⁸ Yesoh i vere unyhi awoh Yahuda, piramah rhao Pivezene u Piyhaor un sumba? ⁴⁹ A yah dorkoni Yesoh an ringhi ikusu ki sin wanza, an woh, "Piyurarah, ti pongh yhaon an-tan?" ⁵⁰ An reh pirong u yhaon i pongh piyurereh upiya gwaki uma Firist a pongh kun u taoh ku raaom. ⁵¹ Yesoh iwoh kini moh manam!" An re iku rikeyi u tao kumi a wargh'ane yi. ⁵² Yesoh i vere ana ya gwakazi ama Firist, nang a yhentenu rarah ko-Siri, nang a ya chirvu ami a za yhaon usu yyi, "In ku chirah kinne in puru a tuwhu, nang na tan nang na tih? ⁵³ Kadhaor nang un marih nang ayini ke an tuk nasang un wata , in roto ma purum, na kini ire kadhaor ka-avhaon ka marini." ⁵⁴ An puru yi, a jara yhaon nan yhi, a yende yhi un rarah ku piyah-gwaki uma Firist. Biturus i dorkoni yhi ama rangani. ⁵⁵ An pervu rah a-tetih ku rarah kumi nang a zonzoni nasang. Biturus i zhomi a tetih ka yhaon. ⁵⁶ Pirong un rereh ko yhani i reyhe yi i zomi an peze mu rah, an re iku reneh yi a yhizi awoh, "Piyallunah i dorkoni yhi." ⁵⁷ Bitirus i veruh kin a woh, " Pi nyowo, in zaku yao'o yhi." ⁵⁸ madorkoni a rong kadhaor, pirong i reyhe yhi , a vereh wo, "Pire u navu piri nang yhaon." A mazakuguranu, Biturus i vere a woh, "Piyhaor, in zaku rim." ⁵⁹ A madorkoni un awa ku raoh ki pikorwo, pirong u yhaor i vere awoh, "Rivin, piyhaor uruna ima ri nang yhi, awar ku woh, e cira a wori un Galili." ⁶⁰ A makuguranu, Biturus i vereh, "Piyhaor, in zaku yhao in kusi mi nang pisin vervene." An re a dhaor kami nang isin rise a vere, kuwoni kun kokone. ⁶¹ Yesoh i tu kurvuwo a tirkiri Biturus. An re Biturus i ku tuna nang a vereh ami nang Piyurah ima miyah yhi, a dhaor kami nang ima vereh nang yhi awo, "A mazongoni mu kokonu ku woni, pen kurvem a tini kamu a ti tar." ⁶² An reh Biturus iku cira, a kana u yah a ma'ah nang un mawu ku nyaki. ⁶³ An reh a yhaor ami a sin nyenteh Yesu an sura yhi a vavah yhi. ⁶⁴ An reh an ku turu yhi a yhizi nang kufu, a sin ribsi yhi a woh, "Miyiri a titatun! Wamme e vakpwa vu?" ⁶⁵ Ama vere a vere a-dung a makana nang Yesoh, a sin sura yhi. ⁶⁶ A dhaor kami nang ku makwpi ko wana, a ya cirvu a yhaor ami an konsuzuwo, a ma firistoci ma cirvu nang a yah nyazi. An re an ku zika yhi a ja'a yhi a tek kami nang a ku rise a zon ⁶⁷ an re an ku woh, "Innang pireh Kristoh, miyiri." A mazakuguranu, Yesoh i vere u yhaon a wo, "In na ma miyi ni, en zaku rume nang mini ana suwhu na yhin, ⁶⁸ in na ma rivini, in nang ka zaku guddum. ⁶⁹ A mazakuguranu, a mazika nang ina kini, an ka zome Pivezene ku Piyhaor a cara ku raom ku avhaon ko Siri." ⁷⁰ An re nasang ku yhaon an ku vere a-woh, "Na piku reh Pivezene pe Siri?" An re Yesoh i ku vere yhaon awo, "Im ma vere a-woh In reh kan." ⁷¹ An reh an ku vere woh, "A war ki yemmi nang tisin ringhi a ma shaida? Awar kuwoh a wuri a tih a wuri ti ma pokoro a wori a nhaoh ka yhi."