¹ Yesoh Izokpoo ayizi a reyhe ayi korwoh ami asin pekse u baiko a tek ka taraka. ² Iregye pirong u kumbu kumi kure piyu ujam i sin pecsu un baiko aninih vah. ³ Anre iku wo,"Rivin nan ma miy ni, ku kumbu kuna kuma peyhe ikusu ki mi ke pirka ko yhaor na sang. ⁴ a yhaor arah na sang an ku peyhe awori inung uzuwu yaon. A maku zakuguranu, ku kumbu ku na kuma peyhe ik usu nang ke cidda a wori nang tiwam ti kin, kin ki peyhe ki kusih ki rih nasang. ⁵ Ama wana kennan arong a sin vervene a maja'a nang kuwata kumi, nang kennang ama napsa kin ana kwank kun rikpkwa. ⁶ " In kusu nang in sing reyhe, a tuk an ruka ami an zaku jeh rirong rikwank ari manzu, an ka yitir yaon na sang." ⁷ An rivi yi, awo "Pimiseni kawannpah nang amanag muna mon ka wana? Yemmi en kami yawo annang mu murama wana?" ⁸ Yesoh manewo,"Varahni, an kasu wur rini awar kuwo ayhaor a gwakane an ru va ari zayi rinang awo,'in re yi a gura woh kadhaor dar kani kara pati.' In ka su dorkoro yhaon. ⁹ Adhaor kami nang em a masara ma riwuma nan u hargitsi' in kasu pokoru kaou, awar kuwoh an kusu muna mon zongoro a wana, a maza kuguranu, ka dhaor kawuri kami kan zaku wana kinkini." ¹⁰ Ivere yhaonawo,"Mayenzi man cho asin pomono nang riwuma nang marong mayenzi tiwomo ten cho asin pomono nang riwuma nan dirong ritowomo. ¹¹ Kurikuyah kon ka riruwo a gwakane, na rong na teye nan yelli-igwon nan annoba. An kayi yellezi ankusu mu rukse ukaow, nang alamu mu gwakazi izoh. ¹² a maku za kuguranu, a mazongoni an ka pusi ni a ruksi ni ivurah, a sin jaksa zini nang auomo nan magwamna awor kari zayhi ri nang. ¹³ An ko wanini ki kusu ku miya rong. ¹⁴ awar ken yabtaneni ana suwu na yin awoh en za ku napsa iku mi nang en vereh a zongoni adhaor kami ¹⁵ awar kuwoh a vereh nan kuyhao kumi nang aya suwhu ma yi man a makana nang a yhini an ku za ku yika vonoyaon an vereh wo i cotti. ¹⁶ a makuguranu, a pute yin nang kommine yih, ararah yin jam iyin an ka roni a tini a gura wunzihi. /v 17 A yhaor sang nan an ka vonoyi inih awar ka ri zayi rinang. ¹⁸ Kutih ku ritih ri yin kun ka zaku wuru. ¹⁹ A ti kwaktaru tiyin in nan ka zuwah u voh ku yin. ²⁰ " A dhaor kami nang en reyhe Urushalima an ku girkini nan awumani in yaotaokeh awo u rigyhu kun kura pati. ²¹ an reh aya arun Yahudiya an sum yhaon a kara um pana, a yah ari a tetih ko roh kumi an jara yhaon, in ka su ka rume a yhaor ami azomi an rorro an ninghe un roh kumi. ²² Zz an yhi muna anyhi mu guddu rikaozao, awar kuwo an korone i kusu nasang nang ama nyhaza. ²³ Tigaosum mana yah a sitizi nan a yah a sin wazaze i ninoh ana tuk an! Awar kuwo mayenzi mami, mang ninghe un rere u dun, tighaosum ten ka rih nan a yhaor a rana. ²⁴ Anka riksi un yhaku o tan an ka gura zi kayhan aja'ah yhaon a mayenzi na sang, al'ummai an ka tuksane u Urushalima a navinah na yaon, a makana a dhaor ka mi nang kadhaor ku al'ummai ko korono. ²⁵ Anku reyhe akama nang an-yhi, nang upi, nang an rerun, nang unrikuyah. Mayenzi man ka ninghe in piva, kasuwhu ka yaon kan ka zaku ri a tek ka rhaoh awar ku ratazamu ku mana kugbwaki. ²⁶ Ayar anka kinne ama khao awar ku kaow, nang un rene ko suwhu a makana ikusu kimi ken ruva izo urikuy. Awar kuwo an ka cha'atake a manir'anu mi zo. ²⁷ An ka reyhe a pivezene ma piyhaor isin rubsa nang inung a yiri nang avhaon nan tiwomo tigwaki. ²⁸ A mazakuguranu, adhaor kami nang anang a semu ra wanza, choni a yazzaze a tih a yhin awar knwo kuwaska ku yin kura pati." ²⁹ Yesoh ima niya yhaon a masara awa inka bahni," Reyheni a tih ku ros, nang na tih na sang. ³⁰ Kadhaor kami nang na sin cizaza rivah en ku yaotaoke awo kusik ku ra pati. ³¹ A matini, kadhaor kami nang en reyeh an kusu mu mun sin wanza, in yaotaoke awo tiwomo te Sirih tira pati. ³² Rivim, ma miyiniwo, ku sana kuna kun za ku rara vah an kusu mu na sang mo wana. ³³ Izoh nang kajaos an rara a mazakuguranu avereh a nang an za ku rara. ³⁴ "In ka varahni a ti a yhin a war kuwo kasu ka zivinuwo nang usezenu an kusu maku vanbaoze yaor, nang awar a makusu mu ri kuyah, awar kuwo katuk kami kan ka ruva zuwi-ni kinne kagbwam, a raokaorao. ³⁵ Awar kuwo katunk ka mi kan ka ruva a rith a yhaor nasang a sin jara unrikuyah. ³⁶ Inka zomi a seri uchiyah a dhaor nasang, a ku woh in kari usisazuh umi a hama ni u pipla anang ara an wana na sang, a kuwoh in ka ri usisazuh umi o hama ni u pipk anang ara an wana na sang, a gura yaozaone a tunk ka pivezene-ma-piyaor." ³⁷ Awar ken, ana tuk ami ima sin mise inung unwata, inna katuk ka wana i jarayi a moso un pana ku zaitun. ³⁸ A yhaor na sang amaku an pokse avere nang yhi inung unwata.