¹ Imun wanuwo aronkatuk Yesoh isin misieh yaor inung a kuwata asin giwa zimzeh yaon a masara ma rentu ma Siri aya gwakazi ama firistoci nang anyhazi an ruva nang yhi, nang aya cirvu ² A vere yi awoh, miyin rih avhaon ami nang pi sani annang arana, vah piyami erovu avhan ami. ³ Imane yaon awoh, "mini uwami man yellini arif miyanira a matoro mu ⁴ Mazuwa mu Yuhana, kun ku wori zoh, va nang ayaor? ⁵ An ra dinni ati ayaon awoh, "Innang tih vere wo "kuwuri izoh, en woh, "Na yene rene in roto ma rume nang yhi? ⁶ A makugura ni ina teh woh, iwoh ari nang ayaor, ayaor nasang anka tazi ri ana kwank awar ku wo ama rume a nasuwhu na yaon awo Yuhanna ireh kutatun. ⁷ Anre an ku mane yi awoh azaku yao a tek nang machiram. ⁸ Yesoh ivere nang yaon awoh, "mini ken, man zaku miyhini avhaon ami nang, nh serer kusu muna," ⁹ Imiya ayaor a masara mana awoh "pirong imari akap ki innabi anre ku rho azong aka vh ayab ka kap kami, ajara yi amarong mayinzi aka woro ¹⁰ Nang kadaor ka wana, kati bubah, piyu rara umi, ituma apirong perere uyi nang a kavi ami, awar kuwoh an ka royi inung ikusi mi nang kakap ki innabi mi ke cidda. A maku guranu, akavi ami ama vava yhi, a zovonyi ana chara na wam. ¹¹ Itinih tuma pimanzu pirere, an pi ka vavah yi, aroh yi anchin, azovo yi ana chara wam. ¹² Itinih tuma piya tar anka riseyi makhao, a cidda yhi un yah. ¹³ An reh, riyu rarah kumi ire piya kap kami ivere woh, "yen na man riseh? Man tuma pivezene unang nang kasuwhu kanang ka pok urentu yhi, akave ami an gita ro yhi ticuovu ¹⁴ Anre akave mi anku rehye kan, an yelli avere ana tih ayaon, awoh, "piya anka wannah piya kap kami inuru. Sa'anti wun yi, awar kuwa ka kap kami kan wanna ka wuri. ¹⁵ An cidda yi uyah nang ka kap kami a ka wuna yi. Yemmi piyurara kumi ire piya akap kumi en ka yelli yaon? ¹⁶ Enka ruvah a wuna a kavi ami, aroh arong a kap kami." Kaharkami nang a pokoro, an woh "Kasir kajir!" ¹⁷ Yesoh itirkiri yaon awoh, "Yemmi nan asi vere nang ki kusu nang ama ayhaza,"rikwank rimin nan asuwi avono yaon kuma wana rikpkwang ri suru riworr." ¹⁸ Piyar riyhi kwank rimi en satazana. Piyah nan rikwank rimi re riyhi a ritih riyhi en ka yakdaze yhi." ¹⁹ An reh a nyhazi nang aya gwakazi ama firist am ringhyi wo an puru yhi an sa an wun yhi adaor kami, awar kuwooh ama yaotaoke awo are nang yaon nang iserim asin kawhao ayaor. ²⁰ An sin narana yi antuma a rekseni ami asiyi ne ayazao-raom, asa an zik ivang uteruh avere ayhi, sa an ja'a yi nang mateh nang avhaon ku gwamn kumi. ²¹ An rivi yi awar "Pimisenih ti yehwo pisin vere asin miseh narivah, azaku sin reh awar kuwo kasuwhu ka pirong kan pokoro marentu, a maku gurarnu pisin misehrivin a maja'a unrina ko Sirih ²² Kun ku ri awo tiru ugandu nang Kaisur va in ku zaku riken?" ²³ A makuguranu Yesoh ima yaotaoke awoh an ku sin na rana yhi, anre iku vere nang yaon awoh, ²⁴ "Sanin nh rhek un dinari kutondonk ku wami kuri ukun nang rizayi ri wammi?" Anre an kuwo "kutondonk ku Kaisar." ²⁵ Ivere yaon awoh, "roni Kaisar ikusu kireh ki yi, aro Asiri ikusu kireh Kesiri. ²⁶ A roto ma zuwa ikusu nang an roh yi ivang awar ki kusi mi nang evereh nang a yaor, a mazakuguranu, amarise amina nang avereh ami ne ima guddu yaon, awar ken ama tu kiza yaon. ²⁷ Kadaor kami nang arong a Sadaukiyawa ama ruva, nang yi, ayaon aku vereh woh kuconu ko yaor ama kuza kun, ²⁸ An rivi yi, awoh, "Pimiseni, Musa ima nyhaza awoh innang piyar nang kommina ka kao, ari pinyowo aza yi kono, kommina ka yi kan zika pinyowon umi a zuwa kommina kami kono." ²⁹ Ama ri a kommina a rumi pivigha pezohn,anre piya curvu kuyan nasang izika pinyowo, akao aza yi kono, ³⁰ Piya vak ken, ³¹ Piya tar izika yi, ken na na mo wana aka ravah pivigha pezohn, ken na ima ka aza yi kono. ³² A riwuri pinyho-umi ima khaohn una yi ³³ Atunk ku chonu ayah-ma pinyhawo me enka wana pinyhowo uwami? Awar kuwo a kommina-ami pivigha-pezohn nasang ku yaon ama zika kin runga'" ³⁴ Yesoh ivere yaon awoh, "avezene u rikuyah kuna a seri runga aku gura roh irunga ³⁵ A makuguranu, aya ama zika awoh yaon ama hama adaorami an zuwa uconu a macirah inung ayar a makizi anka zaku yelli inung a zaku gura yisseh yaon ³⁶ Anka zaku pi kizi awar kuwo an runturu nang anyhenku, a tinu siyi a maveze ma Siri awar kuwoh yaon are mavezene mu chonu ayah ma kizi. ³⁷ A makuguranu, aku cone aya ma kizi, kenna Musa e miya, atek kama kare karimi, atek kami na ima ku kangha titugwaki Kasiri kih Ibrahim, nan Kasiri ki Ishaku nan Kasiri ka Yakubu ³⁸ Kini kazan Kasiri ka yah na kizi, are ka yah warghi, awar kuwoh ayaor nasanga asin voh nang kan. ³⁹ Arong a nyhazi ama mane woh, Pimiseni, pima mane marivah." ⁴⁰ Aroto ma gura hama wo an yelle ziyi na rong na riv, ⁴¹ Yesoh ivere yaon awoh, "Yenerene nan an ko Kristoh ire pivezene ku Dauda? ⁴² Awar kuwo isere vere inung u Zaburu awoh, Dauda "piyurarah imah vere nang Titugwaki nang, zomo, a chara kurhao ku nang. ⁴³ A makana adaor kami na man rene aya na suwhu na yi nan nang pu, man rene yaon a jaos ka navina na pu." ⁴⁴ Dauda aritih yi ima kanghar Kristoh awoh, "piyurara," na ini nan ewana pivezeni pi Dauda?" ⁴⁵ Ana toh ayaor nasang vere nan agbwekseni-yi, awoh ⁴⁶ Varahni nang a nyhazi, yelli ujaru inung aku ringhi woh an amarigyha ma gwaki, aku gura ringhi wo an suwa zi yaon inung a makasuwa, agura zomo anatek na yah cirvu inung un ranghao ku tutunu, nang atek mu rib inung a na tek na mi nang aseri u-penge. ⁴⁷ Aku sesse ararah ana ya kumbu, awar kuwoh an cangha yaon, aku seri a tanzu ka kpwangari. A yaor iri kini an ka zuwa mateh magwaki.