¹ Yesoh ninghe asin kazzane tu Jeriko. ² Pirong uyhaor inm nan koZakka. Ireh piya rih ama seseze gandu a gura reh piyu rih. ³ Iseri magigi yima irhegh wammi irhe Yesoh iroto ma suska awar ku gwaku a rifighi a yhaor war ku wo irhe piya ku. ⁴ Ande ikuvarhao a zongoro a yhao, gura ama tuwu un romk katik katene awar kuwoh Yesoh i raha varhao tu pete kmi ⁵ Yesoh innan ruva atek khami a tirki izoh a vere yiwo,"Zakka toro rakarhao, nkeru man yirah uhrara kipu." ⁶ Ireneh rakaraoh a toro a reneh yi saon vah inung a rigaorao. ⁷ Ko wani i reyhe a nang a rah, anra sesezi am vervezene, awo, "Ima nighe a maka simaze piyah ireh piyi vang." ⁸ Zakka i cho a vere,"Piyurara ku patta-ko-tete, ki kaakusu manangmmank man rho a yu wam, innang nh man rhao irangwa ki pirong. Kipirong uman rho yi kin Einas." ⁹ Yesoh i vereyiwo" ukeru kuwaska ku ma ruva nh raraku, awar ku wo yi mah ire pivezeneki Ibrahim. ¹⁰ Awar kuwoh pivezene ma piyhao iku ruva wo i rhink a gura cidda ayhaor ami ama wuru." ¹¹ Nanga pokoron anang o rarah, ira jariyi ana vere ara miseh a marong masara awar ku wo i patung un a yhaor ami ama rhi nang yhi a ma sih dinni Urushalima, a nasuwhu yaon awo tiwomo te Siri tira patu ruvah a zaku nazhe-daor. ¹² I woh," Reyheni amari pirong piya tiwomo nang ima jarayi a mayinzi ma rangani ika ser tiwomo ti yi a guru. ¹³ I kangha a yhaor rikiri ana yutuma ayi arho yhaon ma a kiri-kiri awo in kan vanduzuwo man innang guru. ¹⁴ A makuguranu, ayhaor ayi i ama vono yhaon yi atuma a matami ma pitumu awo, ti zaku rusu pi yallu i yerlli tiwomo nang a wuri. ¹⁵ Mu ma wam woegura guru, a maka zuwa tiwomo ' ande iku wo an kandhe yi a yahnang ima roh yhaon ikorgho awo an Luka vanduzuwam, an rub nang yhi i yaotaoke yemir nang a ma taka zuwa in korhi mi nan iwo an vznduzuwam. ¹⁶ Piyah zoni iruvah awo,'Piyuraraa, ma fam rikiri ripu mama zuwa mamanzu rikiri. ¹⁷ Piwomu mi ikereyi wo, ku sumazu nang utuma urip pirereh nriv. Awar ku wo pirotoh tereh in kusa kincini, man rho bu avhaon a maroh rikiri pi yaptao man. ¹⁸ Piya vak kam, iruvah kuwoh 'mafam ma pu, piyurara, mamah rho mafam ishi.' ¹⁹ piwomumi ivere yiwo, pem yabtaoh maroh ishi. ²⁰ pimanzumi iwo 'piyurara sere pi pam pi pu, kumi nang ma tara vu kum namarivah inung a makusu, ²¹ awar kuwoh nh pok u aow upu awar ku wo pireh piyhaor uwon. Pe kuw ziki i kusu nang a zang piyhi pe tara, a bubah i kusu nang a zang piyhi pe vizza kin. ²² Piwomumi i vere yiwo 'Ana vereh a pu nan man yellivu a mim, piyhi pirere pimi pizakun matini piyheyw- inre piya won maku zika i kusu nan nh woto ma tara, maku bubai kusu nan nh woto ma vizzah. ²³ Nan ken,yhenne rene pi zaku ka toran i korgwho imi a tek ka taraka mavandaze ikorwho, awar kuwo in nama guru aku chidda in ka ma pirunu wom? ²⁴ Piwomumi i vere a yah yaozahzi a teyhemi awo 'Sennu fam kuraoh kumi a mane piya ma rikirim!' ²⁵ Anre anku vere yhi awo, piyurara iri ma rikirih! ²⁶ Ma keriniwo, piyah iri anka pire yimim; a makuguranu piya izakuri, ki kusu kimi nang irih an ka voro nang yimim. ²⁷ A makuguranu, a ya suwhu mayiman mana a makana nang mini, a yah a zaku ru sunh yelli yhaon tiwomo, yendeni yhaon ina a wunza yhaon innah kini unyhen ku nang. ²⁸ Adhaor kami nang evere i kusu mu, an reh i kutu zongoro ama kana un Urishalima. ²⁹ Anre an ku ruka paturuwo a Baitfaji nang ku Baitanya in pana-pana kimi nang aku kangha wo zaitun, anreh iku tuma a gbwekseni ayi a vah. ³⁰ A ku vere yaon a awo,"Janini in ro kiri ki zongoni. Adhaor kami nang ising ninghze in ka reyhe kono-ka-pibarka kami na a roto ma nana tuwan, in vinzi kun a ruvam nan kun. ³¹ Inna pirong e rivini awo 'Innih nang insin vinzi kunz" Inwo, 'Piyurarai suni i yelli tumam' ³² Ayah nan a tuma yhaon an jara yhaon a ka zuwa kin ken nan Yesoh evere yhi aon. ³³ Adhaor kami nang asin vinzi a kono-ka-pidarka pimi, aya kan an vereh woh"Yemmi eh rene in sin vinzi a kono ka pibarka pimi?" ³⁵ An zika yende Yesoh, an gura vasa makusu mayhaon izo a kono-ka-pibarka pimi, anreh an ku tuwari Yesoh izo unkun. ³⁶ Adhaor kami nang i isin jarah, anreh an ku sin vasa ma kusu ma yhaon un rinah. ³⁷ Adhaor kami nang ima patuwa a tek kami kari ama torori nan ku pana ku zaitun, agbwekseni ami na sang a ma seme rigaorhaoh a sing cangh'a a Sirih a rinyhi ri gwaki a war ma tuma ma gwaki a mi nang a reyhe. ³⁸ An reh an ku vereh woh " pi zikinu pire piwomu mi isin rubsa a rizagyhi ri Titugwaki! mavoak i zo nan tiwomo izo a mawuri!" ³⁹ Anrong a Farisiyawa a ma konku zuwo mani an vere yi-awoh,"pimiseni yelli agbwekseni a pu unyhaku. ⁴⁰ Yesoh imane yhaon awo."Innang ma miya yaon awo an kiza, a kwank an riseh iwum." ⁴¹ Kahaor kani nan Yesoh e paturuwu ninhe un rhe kumi i ma'ah awar ku kun, ⁴² a sin vereh wo, "In na ma yaoh a tuk kana an ku shi mi ma ku yende mavoaki . A makuguranu, i turi ana yizihi yin. ⁴³ Awar kuwoh na tuk nang ruvivu, adhaor kami nang a nasuwhu na yhi man a makana nang pu an suwah un ganuwa a girkini vu, a riywun u pu a na pette na sang. ⁴⁴ Anka pongho va ajaos nang nono na pu na ri nang pu. Anka zakun jhao i kwank ri rhao izo a pirong pi kwank, awar ku wo pima roto ma yao taoke adhaor kani nang Kasirih kama sing ringhi wo kan waska vu. ⁴⁵ Yesoh ininghe inung a kuwata kumi, a zovoh a yah a sin zizizen an kusu inung, ⁴⁶ avere yhaon awo," ama ma nuhaz a awo 'kurarah kunang ken ka wana katek ka tanzu Kasirih' nah in ku ma rene kun wana matenk matuwu." ⁴⁷ An reh Yesoh itu sin miseh ana tuk na tuk na sang i nung a kuwata kumi. ayah gwakazi ama firist nang a nyhazi nang a ya gwakazi ayhaor ara ringyhi wo an wun yi . A makuguranu ama za unrina kan nang an yelli a wuna yi awar ku wo ayhaor na sang amma renu-usuru a sin nan toh nang yhi.