¹ Anre iku vereh unyaon, unmisali, ken nang anku tanzana Asiri asu zuwa, ² "Akura woh "urong kurho ama rih Alikali rimi ri pok rin ukhau Osiri, reku rorin ayaor ti curvuh ³ Amarih uron kukuma urho kumi, kurah ruvsa nan yhi akura woh,.. "kanam, aremem ikusu kimi kereh ken, nang makiya manang. ⁴ Likali rin zaku pokoro piyhowo umih adaor kami, anu nan woh aritih ririni, "mini izaku pok ukhau Osiri insin rukem ayaor ticirvuh. ⁵ Awarkuwoh ku kumbu kuna kusin raotaoroam izhuw marentu ken nan en zaku zaku rurume nan urubsamu. ⁶ Anre Titu gwaki iku vere awo pokoroni ikusu nan piyah izayusu iceske matek evereh. ⁷ Kini Kasirih kan maka zaku roh ikusu nan na tanzana kan arikata nono nakan, nan katuk? Kan maka naze adaor ukana joan? ⁸ Mawoh uyhin awoh kan ka reh yaoan ikusu nan asin righi a rakaren innan kono ka piyaor ka ruvah kan ku nan zuwa rivin urikuya?" ⁹ Imah gura rho misali, umah ja'ah nan ayha ayhen atik ayon aya matini osin vaonzaonyhen ajami ¹⁰ Ayaor avah ama cho asin tanzana Asiri piyadde ireh pifarisiyawa pimanzu ire pisesenu gandu. ¹¹ Pifarisiyawa icho ara seri atanzu Kasiri aritih riyi, Asiri kusanjighi awar ku woh nh zaku sisi amazu yaor atuwu, ayaor azayaon matini ayu va kin ne pi seseni agandu kan ¹² maku rise azumi tivah anatuk pivi'ah pezon, maku roh rirho arikiri ki koyen na ma zuwa. ¹³ Pisesenu gandu, iyazi a rungari yi, iroto ma rume izhaokkwao yhieyhi izoh asin ravah asuwu kayi, aka, Asirih pokoro ririllipobo rinan nh rne piyi vang. ¹⁴ Ma miyini piyaku imuh zagayi nan uzuwua pirka pi mazumi awar ku wo piyahe zika ribiriyi awo ere kinankusa an regeyi awo izank kirankwa, zika yi iwana kirankwa." ¹⁵ A yaor amma yendeze yi nono yaon iriskse nan agweksene yi an reghe, a iyakanu yaon ¹⁶ Yesoh ikangde yaon awoh jhani nuna yhiza nan ruv nan mini , inka su nuku nan, ihu rarah Kasiri iku reh ki muzi nan. ¹⁷ rivin ma vere nan ayini, piyaor iroto ma zuwa kono en ka zaku nighe nh rara Kosiri. ¹⁸ Pirong uyaor irivi yi, awoh pimisenu rib, yen nan man rise nh ka zuwa voh kumi kunka zaku rarah? ¹⁹ Yesoh ivere yi woh, yenne neh pi kenyhen awo pimisenu rib ba piyi iriv nh bah Kasiri nbe kanba ²⁰ Piyao an kunsu nuni nan ama naku ankasu yelli zina, kasu wuna pirong, kasu tuksu, kasu miga ikusu ke zank rivin, darkoro putu pu nan munu pu. ²¹ Pi wonovu iwoh, "an kusu nu na zank nh ma dorkoro adaor kami nang imah reh mazhaorhao ²² Nan Yesoh e pokoro ken, ivere yiwo, kikusu kireh ki takani bu, zizi an kusu nan pirih zank a wankzaze ayu wan pen ka zuwa abaraka izoh, aruvah dorkoromi ²³ Nan nh pokoro npi yi kango kasuwu ka yi kan wanta a gwaakane, awarkuwoh iri korgo a gwakare. ²⁴ Ande Yesos iku tirkinini kasuwu kan ma riga wanta yi, iwoh, man ka wanuwo piyaor irih korgo innighe nh rara ko Siri. ²⁵ Zaku wono pivarku pin ringhe teh nhao ka riku nan kuwo piyi korgo in nighe nh rarah Ko Siri. ²⁶ Ayha pok an kurewo, wani en ka chirah? ²⁷ Yesoh imane, an kusu mumi mu wonna yaor, mu za ku wana nan Kasiri. ²⁸ Biturus iwo "na, tima jeh an kusu mumi mu rhae mu wuri nasang a dorkoro vu." ²⁹ Yesoh invereh yaon awo, rivin, ma wo ba piyar ima jiga rara kunyi min, piyhogu, a kommini vah a puti, vah nono, awar ku rarah ko Siri. ³⁰ Nmi enka zaku zuwa agwakane nh rikuya ku, nan kuvoh kumi kon ka za ku rarah un rikuyi ku maruvah ³¹ Bayan e maneh rikiri ana vah mi a ritiri yi, ande ikuwoh, regheni ti rama kaninun Urshalima, an kusu mumi nang ama yaza te chara ka annabawa aritih ri kono ka piyar mu rara koroh. ³² An rhe yi a chara ka yi zaku yah. Asiri an risseh yi a yak, a yelli yi ikuau nang a suni kimi ki zaku rivah agura chade yi ritau ³³ An millaza yi, a wuna yi, katuk ka tar an ka gura cho! ³⁴ An rhoto ma yagateke ikusu nan isin vervene yaon, awar kuwo ma vervene mani man ku wukununi nan yaon, an rito ma yagateke ikusu nang isin vervene ³⁵ Inang pitiruwo Jericho, pirong urumi izomi a pitiwo pu rinah, a seri na tanzu ³⁶ e pokoro ayaor agwaki asin jara irivi awoh, yemmi e wana. ³⁷ An miga yi awo are Yesoh manazarat irama varoh ³⁸ Pirumu ikangde agwakane awoh, Yesoh kono ka Dauda pokoro ririllipovo ri nang. " ³⁹ Ayaor nan asin jara an ra jhaka apirumu mi, awoh ikis, igura kangde a gwanuh awoh kono ka Dauda pokoro ririllipovo rinang. ⁴⁰ Yesoh iyazane awoh, an yende pirumu mi nan yi, nan zaku pirumu mi, Yesoh iriniyi ⁴¹ Yenna pi suni nh rise vuh? iwoh, "unsunu ureghe ate'eh. ⁴² Yesoh iwoh uyhi, "sere ureghe kupu, rivin ripu rima war'ahnevuh." ⁴³ Araokaorao itu reyhe ate'eh arah dhaorkaononi yhi asin daudaka Asiri. Ayaor nasang amoh reyhe ken anra ca'ah Asiri.