¹ Atini kan kusu mun, Yesoh imah jara inung un Galili, awar kuwoh imah zaku suni awoh ikana yhi un Yahudiya awarka Yahudawa amah suni u wuna yhi. ² Kadhaor ku penge kong kigari kum mah paturuwoh. ³ A kommini an woh uyhi, '' Jhao atek kanam a kana un Yahudiya asa agwekseni apuh anka reyhe utumah umih nang pi serih. ⁴ Vah piyha enka rise manang asin wukuzeh, in nang isuni uwoh anka yao'oateh yhi, in nang piseri aranah, caongkaorhao rih tih rih puh nang kurikuya. ⁵ Kode akommini amah rhaothao rume nang yhi. ⁶ Anre Yesoh ikuwoh uyhaon, "Kadhaor kanang ka rhaothao wana, areh kadhaor kayhin kakutu rim. ⁷ Kurikuya kongka zaku vaonaokun inih, kusin vaonzono kum mim awar nang insin miseh urikuya kuna atihzingdi tih kun. ⁸ Ayhini jarini u penge kumi, mang zaku kana upenge kumi, awarka dhaor kanang ka rhaothao koro. ⁹ Atini kami nang eh vereh an kusu mu nang yhaon, anre ikutu yizene un Galili. ¹⁰ Kadahaor kami nang a kommini amah jarayhaon un penge kumi, anre iku jarayhi unayhi untuwuh. ¹¹ A yahudawa amahrah righi yhi un penge kumi, an kura woh, 'Inusi?" ¹² Rifighi reh yhaor rima rimah rah sesezi avereh arih tih rih yhi, arong anwoh, "Ireh piyhar umatini" arong anwoh, "Azang ken" isin kokoze ayhar amana un rina umih u zaku rivah. ¹³ Vah piyha imah vereh amayandari awar ku khaou o Yahudawa. ¹⁴ Kadhaor kami na kupenge kumi ko ka saopkwao atetih, anre Yesoh iku nighe un Rarah ko Siri {Temple} a semu rah mise. ¹⁵ Anre a Yahudawa ankura sesezih namina, akura woh "Inih nang piyhar uruh iyao a gwakane kini? Irhaothao nana gwekserene." ¹⁶ Anre Yesoh iku mane yhaon awoh, "Umisenu unang uzang unang, areh upiyha eh tumam" ¹⁷ Piyha isuni u rise u nufi uyhi, yhi enka yao'aoteh umiseni uruna, vah anku cira nang Kasiri vah mini insin verveneh arih tih rih nang. ¹⁸ Piyha eku verveneh amakana arih tih rih yhi, ti cirvuh tih yhi nang ekusin righi, are piyha isin righi isin righi tih cirvuh tih yha etumam, piyhaor unih irih rivin, izah umatini uzaku rih nang yhi. ¹⁹ Ku zaku reh Musa imah rhao inih mateh? Zah piyha i dhaorkhaononi mateh mami, awar ki yemmi nang insin righi u wunam?" ²⁰ Rifighi reh yhaor rin mane, "Piri pisifu, wami insin righu wunavuh?" ²¹ Yesoh imane yhaon awoh, "Mah riseh utumah uruh, inrah sesezih namina awar kuni" ²² Musa imah rhao inih ukaciya (azaku reh u wori nan Musa vah makakani) enku rise piyhaor ukaciya anyhi moh sabar ²³ In nang a rise piyhaor ukaciya anyhi moh sabar, a rhaothao gwepkwe mateh ma Siri, awar ki yhen nang in sesezi rikhaozhao nang mini awar kuwoh mah war'ahne anyhi moh sabar? ²⁴ Sunu rise mateh uyhen ko yhizi risenimam matini." ²⁵ Arong ayhaon a wori un Urshalima anwoh, "Ku zaku reh piyah nang amasin righi asa an wunyhi?" ²⁶ Reyhe, insin verveneh amayandari, an zaku vereh arong nang yhi, kongka zaku ripkwa uwoh tiwomoh tin ceske yhi mateh amako yhi ireh Kristoh vah azang yhi. ²⁷ Tiyao atek nang piyhaor uruna eh cirah, kadhaor kami nang Kristoh enka ruvah, vah piyha enka yao atek nang eh ciram. ²⁸ Anre Yesoh iku rene iwum inung Urarah ko Siri (Temple) asin mise akuwoh, "In yaom nang katek nama ciram, un rhaothao ruvah awar karih tih rih nang, mah ruvah awar kapiyha eh tumam, yhi ireh rivin, in zaku yao yhi." ²⁹ Mini yao yhi, awar kuwoh unku cirah nang yhi, yhi eh tumam. ³⁰ Amarah seri pigwa asa an pur yhi, vah piyha eh tarkara a cara uyhi awar kuwoh kadhaor kayhi ka rhaothao ruvah. ³¹ Arifighi reh yhaor amih, ayhaor adun amah rume nang yhi, anre ankuwoh, kdhaor kami nang Kr istoh enka ruvah, enka rise amanzu alama apiri amih nang piyhaor uruh iseri. ³² A Farisiyawa an pokoroan kusu nang rifighi reh yhaor risin yaurana arih tih rih Yesoh anre Pireveh Ugwaki nang a Farisiyawa anku tumah ma ofisas asa anka pur yhi. ³³ Anre Yesoh ikuwoh, "In roti nang ayhini na cini, mamn jaram nang piyha eh tumam. ³⁴ In nang ka righim, in nang ka zaku zuwam, katek namang kanam, in nang ka suski nuh kanam. ³⁵ Anreh a Yahudawa an kuwoh ana tih ayhaon, "Ikih nang piyhaor uruh irama kanam nang tenka zaku zuwah yhi?" Iku rama kana nang ayhaor arangazani vah iku rama kana nang a Hellinawa amih a rhaondhaori asa ikah mise yhaon?" ³⁶ A rike vereh nang eku vereh, "In nang righim a zaku zuwam, katek nang mang kananm, in nang ka zaku suska u kanam?" ³⁷ Ne kini, atuk ka wuri ku penge kumi, Yesoh i yhizene anre iku reni wum awoh, "Piyha i pok user, i ruv nang maini a sao, ³⁸ Piyha eh rume nang mini, ken nang avah asin vervene, mamana mah mani-masir ma war mang suma a wori ariviri rih yhi" ³⁹ Imah vereh a ranah arih tih rih Mazir, ayha a rume nang yhi, anka sere, amah rhaothao rhoa Mazir mami, awar nang amah rhaothao daukak Yesoh. ⁴⁰ Arong arifighi rimih an pokoro a vereh aranah anwoh, "Piyhaor uruh ireh annabi" ⁴¹ Arong anwoh, Areh Kristoh inuru" arong anoh Kritoh imaka cira un Galili?" ⁴² Avah anku rhaothao woh Kristoh enka cira unzuriya u Dawuda a wori un Baitalami u kawaye umih nang Dawuda imah rim?" ⁴³ Atek kang, rifighi reh yhaor amih an pakunuwo tivah, awar ka Yesoh. ⁴⁴ Ayhaor inung uyhaon an nama puru yhi, vah piyha eh susku tarkara a cara un yhi. Anre ayha mazongozon (officers) an an guru yhaon nang Pireveh Ugwaki nang a Farisiyawa amih a woh uyhaon, "Yen eh rene in zaku yende yhi?" ⁴⁶ Ayah mazongozon (officers) an mane, "Vah piyha imamah vervene ne kini." ⁴⁷ Anre a Farisiyawa anku mane, a yhini mah anku mah vatazini? ⁴⁸ Pirong oh yha tiwomo iku mah rume nang yhi vah a Farisiyawa? ⁴⁹ Rifighi reh yhaor amih aranah azaku yao mateh, areh ma la'ananu." ⁵⁰ Nikodimus, (Piyaoddao inung amah Farisiyawa)umih imah nana ruvah nang Yesoh) iwoh uyhaon, ⁵¹ Mateh mah wuri mangku temene piyhaor a rhaothao pokoro nang yhi ikusu eh rene?" ⁵² Anre ku mane yhi awoh, "Pyhi mah pi wori un Galili? Kitara a reyhe, vah arong annabi anka cirah a wori un Galili." ⁵³ Anre ko wami ikutu cirah a za'ah yhi u rarah kuyhi.