¹ Anang ami ame vereh, Yesoh ijarahi umanzu rapkwa uteku ku Galili nang ke teku ku Tubariya, ² Rifighi re yaor rin dorkoni yhi awar kuwoh anyen alama mi na imah seri a yah mah reh agbwana ³ Yesoh ijarayhi izoh upana aka zomo nang agwekseni ayhi. ⁴ (Kupenge ku ketrewa, kure kupenge ko Yahudawa, kura piti) ⁵ Yesoh ima tirkiri areghe righfi rigbwaki rinsin rupsa nang yhi, iwoh nang Filip, "iki na teng ka zemene mafoewoeri asa ayaor anka roeh?" ⁶ (Yesoh ima vere ke nang Filip igbwekeyhi, ima yoah ikusu ku rene) ⁷ Filip imane awoh, "mafoewoeri mama dinari mava manka hama asa kowan izuk nachini." ⁸ Uroeh ama gbwekseni, Andrawus, kommina ka Siman Biturus, iwoh nang Yesoh, ⁹ Karong ka kono karing kari maforwori ankangrah ishii mi sha'ir nang isani ivah, yenna ivizi rhi ana yaor agbwaki kini?" ¹⁰ Yesoh iwoh, "rene ayaor an zomo." (ugih uma gbwaki ateghye mi.) Ayaor ami an zonzono, ama rih maduvu ishii un varu yaon. ¹¹ Yesoh inu zika ankangrah mumi ame yelli a tanzu, aroh ayah mah zonzi. Igura reneken nang isani imi, ugbweki ni na asuni ¹² Ayaor ami ama wana risiti, iwoh nan a gwekseni ayhi, "kongsozoni anpatta mumi motaka, zah kimi ken wuru." ¹³ An kongsozoh an korone anghhavu rikiri a tivah nang magbwebteru ma wori ankangrah ishii ki kusu ke taka ayah ama roah. ¹⁴ Ayaor ama rehye alama rah na ima yelli an woh, "rivin yhi ire annabi umi en ruva inung Urikuyah." ¹⁵ Yesoh ima yeghheteh woh arama ruvah an pur yhi un siru a rene yhi wan piwomo, itilluwo agura tuwari upana a riti riyhi ¹⁶ Ama wana marong, agbwekseni ayhi an torori makanun teku. ¹⁷ An ninghe inung uwassa ku mani, ajari yaon uteku makana un kafarnahun. Marini mama raghyi adoehr kami, Yesoh ima roto nang ruva nang yaon. ¹⁸ Uvunu unirghani umasin suma, kuteku kun rah pizzu wonn. ¹⁹ Agbweke ami ama ghhoghho arava kinne imil akiri tivah nan kishii bokoh akiri atar, an rehye Yesoh isin jara un teku asin rupsa mapiti nang kuwassa kumi, an pokoru khau. ²⁰ Iwoh nang yaon, "are mini! Sunu pokoru khau." ²¹ Annu rene nasugwhu nu sere yhi inung uwassa kumi, a roekoeroeh kuwassa kumin kun rava mayinzi atek na ama rama kanam. ²² Ansi chira, rifighyi rin yaozi umanzu rakpu teku an rehye woh za kurong kuwassa, kumi nazik na Yesoh ima ninghe nang agbwekseni ayhi, agbwekseni ayhi amma jarayaoan uteh yaon. ²³ Ko nang ken, marong mawassa mam ruva awori un Tibariya a piti atek na ama roeh ankangra mufoewoeri atini ku sangini kumi na pikarma ima rise. ²⁴ Rifighyi rimi rima nang yegheteh woh zah Yesoh zah agbwekseni ayhi are tehyemi, an ninghe inung a mawassa ajara yaon un Kafarnahum asin ringhyi Yesoh ²⁵ Ama nu zuwa yhi umanzu rakpwu teku, an woh nang yhi, "pimiseni, awanpa na peh ruvi nah?" ²⁶ Yesoh imane yaon, akuwoh, "rivin, rivin, in sin ring nyim, an zang awarku woh en rehye lama, kure awar kuwoh imma roah mafoewoeri a wana risitih. ²⁷ Sunu tumzana awarka mariniru mami man wanta, tumzanani awarka mariniru mami manka yezeneh ajaghini uvoh ku za rarah kumi na pivezene upiyhaor enka roh yhini, Kasir titah ima vakpwa ikavijang (seal) iyhi un kan." ²⁸ Annu woh nang yhi, "yenna ten rene, asa ti yelli utume O Siri". ²⁹ Yesoh imane awoh uyaon, "Ani are utuma O Siri ayhini in rume nang piyar naka tuma." ³⁰ An woh nang yhi, "alama riki na pengura rise, asa ti rek a rume nang puh? yemmi na pen yelli? ³¹ Atiti ama roah umannah a rimi, kenna ama nya kara, 'Iroh yaon marinuri ma wori zoh-Siri an roeh." ³² Yesoh imane yaon, "rivin, rivin, ama zang Musa ima roh mariniru ma wori zoh-siri, ama reh Titah iman roh yhini mariniru marivin na wori zoh. ³³ Karih ka Siri kare kami kasi tozzonoh awori zoh aroh urikuyah uwoh." ³⁴ Anwoh nang yhi, "piyurarah, roh yhiri arih kamin kokari ke dhoar." ³⁵ Yesoh iwoh nang yaon, "mini ndeh kari kuvoh, piye ruvah nang mini en zaku pokoro igbwom, piye rume nang mini enka pokoro serr. ³⁶ Mma mighyi ni awoh imma rehyen, a vonini urume. ³⁷ Kowan na tita e rom en ruva nang min, piye ruva nang mini manka zaku maongdeh yhi. ³⁸ Minin nku toro awori zoh, an zan inyelli manang ma sugwhu kanang, kure manang ma piyah eh tumam. ³⁹ Usunu piyah eh tuman umuru, asa nkasu wure inung ana yah na eh rom, kure nka chone yaon a tuk-ka wuri. ⁴⁰ Ani are usnu tita, kowan eh rehye pivezene arume nang kan en zuwa uvoh kuzah rarah, manka gura chone yhi a tuk-ka wuri. ⁴¹ Ayahudawa andah rumurunu a ritih riyhi awar kuwoh ewoh, "minin reh marini rumani mami ma toro awori zoh." ⁴² An woh, "ku zang Yesoh inuru pivezene Isufu, piyah na putuh nang muna na tiyoeh? yene rene eh ku gura kuwoh, "Nku torok awori zoh?" ⁴³ Yesoh imane awoh nang yaon, "joeh ni marumurunu un chiku yhin. ⁴⁴ Zah piyen ruva nang mini kure piyah nan tita eh kokone yhi, mini manka chone yhi a tuk-ka wuri ⁴⁵ Ama nyakara ama annabawa, Kasiri kan miseh kowan! kowan eh pokoro a gbwekse awori nang Kasiri yhi eku ruwa nang mini. ⁴⁶ Azam kuwoh kowan ima rehye Tita, kure inna eh chira nang Kasiri nazik-yhi eh rehye yhi, Tita ⁴⁷ Rivin, rivin piye rume irih uvoh uvoh ku za nang rarah ⁴⁸ Nreh marininu Muvoh. ⁴⁹ A titeh yhin ama roeh umanna a rimi, ama kizih. ⁵⁰ Mariniru ma manku toro awori zoh sa piyaor irih a zaku koeh ⁵¹ Nre mariniru mu voh mami ma toro awori zoh. Nna pirong e roeh inung amariniru meh, en voh ma zah rarah. Maririnu mami na man roh are inama nang awar ku voh ku rikuyah ⁵² A Yahuduwa an naze nasugwhu unchika yao, ara saru roewoe noeh, akuwoh, "ini na piyaor uru enka roh yhiri inama yhi tirih?" ⁵³ Yesoh iwoh nang yaon, "rivin, rivin, sai inkunu roeh inama ipivezene upiyaor a soh manyo mayhi, in nanke zaku zuwa uvoh un yhin. ⁵⁴ Kowan eroeh inama nang asoh manyo manang irru voh kuzah rarah, manka chone yhi a tuk-ka wuri. ⁵⁵ Inama inang ire mariniru marivin, manyo manang ki kusu ku seze ki rivin. ⁵⁶ Piye roeh inami nang vah soh manyo manang en rih nang mini, mini in rih nang yhi. ⁵⁷ Ken na tita umi iru voh eh tumam, asi gura voh awarka tita, kenna pi yha en roeh inami nang, en voh awar kanang. ⁵⁸ Ini reh mariniru mam ma cira izoh, an zan imuzi na a tiwi ama roeh a kizi. Piye roeh marinuri ma en voh maa rarah." ⁵⁹ Yesoh ima vere anang ara inung u haikali asin mish un Kafarnahum. ⁶⁰ Mapuk ana ya gbwekseni an pokoro kenawoh, "umisenu uwon unuru, wami en sere ni? ⁶¹ Yesoh, ima yoan inug iyhi awoh agbwekseni ayhi asin runghurunu ana veremi, iwoh, "anang ami ku nazi ni. ⁶² Yenen wana inna en rehye pivezene upiyaor isin jase yhi roh a tek na imah rim? ⁶³ Are mazir maku roh uvoh, ripum rizarin irangwa. Avere ami na ma vere yhin mazir are kuvoh. ⁶⁴ Ko nan ken arong uyhin a roto ma rume, "Yesoh ma yao awori adaor ku seme nu ayah an zaku rume nang piya enka yhi. ⁶⁵ I woh, "are awar ki vizi nama woh uyhin za pirong umi en ruvah nang mini kure Kasiri kaku roh yhi uriva nazik" ⁶⁶ Awar ka nang ara, agbweksene ayhi an jara yoan azaku ku pi jara nang yhi. ⁶⁷ Yesoh iwoh ana kiri ativah, ami, "a yhini inku za yhinusu ujarini, inku rusu?" ⁶⁸ Siman Biturus imane yhi, "pikarma, wanna en kanam? Pi rih avere uvoh ku za rarah. ⁶⁹ na tina rume aruvah ti yegheteh woh pire piyar vur o Siri." ⁷⁰ Yesoh iwoh nang yaon, "ku zang mini ma teski ni, rikiri ativah, uroeh uyin ire pisifu? ⁷¹ Imaa sin vervenun Yahuda pivezenu Siman Iskariyoti, kure yhi, uroh ana kiri ativah ami, umi enka roh Yesoh.