¹ Atini kanang ara ama rhi upenge ku Yahudawa, Yesoh imah jarayi n-Urushalima. ² Amah rhi inung n-Urushalima atoworong ka magahm kajing kama rihm, kami na aku kangha ayi Ibiraniyanci awo Baitasda, kamah rhi a mazike ishii. ³ Ahaor adun ami azaku warsi, arumu, agun vah aya na mapette marhaondhao tipuhm riyhaon mamah kizi, amah nanzi a tehhe mih. ⁴ Awar kuwo maleka ma Titugwaki mamah ku towhm a rikeh mani-masir mami, piya esemu torohm inung uyhhaon adhaor kami na asi rikseh mani-masir mmami emaku wargha imung unmuzu uwonu ( ugwonu) umi na isun ghantanahm (rehrehnehm). ⁵ Pirong uyhaor imah rhi atehhe mih, umi imah reneh atiwa akiri-atar amanaziva a zaku wargha. ⁶ Kadhaor kami na Yesoh imah rehye yhi inhon atehhe mih, yhi Yesoh i yhaoghaoteke awo piyahaor umi imah woroh a tehhe mi, Yesoh imah vereh uyhi, " piyhi pirusu pih wargha? ⁷ Pigwanu umi imane, " pimiseni, mini nzaku rhi pirong umi enka pehehm inung ajing kami adhaor kami na mani-masir ma rikunuwo, ma kure ma ruva, piirong iku ghaghahm utorohm." ⁸ Yesoh imah vere uyhi."coh a zika atek kanohm kapu a jara" ⁹ Inung adhaor kami piyhaor umi imah wargha, anre iku zika atek kanohm kayi a jara katuk kana kama reh annyii moh sabar. ¹⁰ A Yahudawa amah vere upiyhaor umi na a wargha ne yhi,"Ukeru ureh annyii moh sabar pizavu awara ku zika uyah kupu." ¹¹ Piyhaor uru imane awo,"Oiyhaor umi erenehm nwargha yhi ever nan mini, zika uyah kupu a jara !" ¹² Ayhaor ami amah rivii yhi, "wammi ireh piyhaor umi, 'evere upu awo zika uyah kupu jara'?" ¹³ Nan ken, piya na'ama warghane yhi imah zaku yhao piya mi awarkuwo Yesoh imah falluwo a jarayi. Awar ka rifighi reh yhaor ami rimah rih a tehhe mih. ¹⁴ Atini kanang ami, Yesoh imah zugwa yhi inung a masujada, avere uyhi, "rehye, pimah wargha! suh upi nana a riseh ivang, awarwo kirammwa kiyiekin kinka zaku pih zugwa vu." ¹⁵ Piyhaor umi imah jara yhi aka miya a yahudiyawa awo amareh Yesoh eh warghanehm. ¹⁶ Awar kan kusu muh a Yahudiyawa ama ghaosaoh Yesoh, awarkuwo imah riseh ankusu muh atuk kasabar. ¹⁷ Yesoh imah mane yhaon, " Tita unang iseri utuma kinkini, mini nseri utuma umi unahm." ¹⁸ Awar tukini, a Yahudiyawa amah ringhi kenna an whuna yhi awar kuwo a zank Asabar nazik na'imah gbwekrwe, nan ku kande a Sirih awo putuh, erene ritih riyhi an runtuzuwo nan Kasirih. ¹⁹ Yesoh imah mane yhaon, " Rivin rireh rivin, pivenzene eku zaku suska urese irammwa uteh yhi, kikusu na erehye putuh isere kinna pivezene umi eku rise nazik, awar kan kusu na putuh iseri nasang, pivezene umi ankusu muh na ehu riseh. ²⁰ Awar kuwo putuh irusu upivezene yhi nang ku saksa yhi ankusu nasang mumi na yhi (putuh) iseri, enka mise yhi ankusu mumi mupiri kini awar kuwo a yhini ina riseh amina. ²¹ Veh kenna putuh eku chonze aya kini a rukse yhaon uvoh, kenna murinan pivezene umi ehu roh uvoh nan piya na kowana yhi. ²² Awar kuwo Titah eku zaku riseh pirong a mateh, awarkuwo imah roh mateh nasang nan pivezene. ²³ Awarkuwo ayhaor nasang anka ku rukse a pivezene a tiwomoh, nne kenna aku rukse Titah. Piya eku zaku rukse pivezene a tiwomoh, eku zaku rukse tiwomoh nan Titah umi etumahm. ²⁴ Rivin rireh rivin, piya eh pokoro avere anang a rume nan piya eh timahm irhi uvoh kuza marasa, anka zaku riyhiri(riyiri) yhi, Tuwo imah hanne ukhao a kana uvoh. ²⁵ Rivin rireh rivin, mini ma miya ini adhaor kan ruva, kama riva, na aya ama kizi anka pokoro a rinyii rhi pivenzene Sirih, aya pokoro anka cho (choksono) ²⁶ Awar awo neh kenna Titah irhi uvoh inung hyhi, Tukini, imah gura roh pivenzene sah ikarhi uvoh inung aritih riyhi. ²⁷ Putu imah roh pivezene avhaon ku riseh mateh awarkuwo ireh pivezene upiyhaor. ²⁸ Suhnu riseh amina in kusu ki, awarwo kadhaor karim kami kan ruva, piya irih inung usek enka pokoro rinyii riyh, ²⁹ anka cizza: aya amah riseh mariva anka kana unchonu uvoh, aya amah riseh mayieman anka kana unchonu uh mmateh. ^{32 30} Mini manka risehm iramwa uknang. kenna ma pokoro, kenna mahn riseh mateh, mateh manang muku yhaozina wass awarkuwo nzah kureh unufi unang nan in seri areh unyi upiya etumahm. ³¹ h na mahn roh ushaidi a majagha ritih rinang, Usha'ida unang unka zah kureh rivin. Pirong irihm umi isu rukse ushaida a majagha ritih rinang, mini nyhao usha'ida umi na isu rukse a majagha nan mini areh rivin. ³³ Immah tumah makkana nan Yuhana, yhi imah roh usha'ida uh rivin. ³⁴ Ushaida umi namah sere a zang nan piyahaor mini ma vere ankkusu muh awar kuwo ayhini enka zugwa uwaska. ³⁵ Yuhana imareh rivah rimi rimasi seme nang anpeze, ayhini immah rume rimasi seme nang anpeze, ayhini immah rume aseri righaorhao mung anpeze muyhi awar katani. ³⁶ Ushaida umi nan mini nrhi upiri umi umare'u Yuhana, awar kuwo wuma umi na Titah imah rohm awo nrise, utuma umi na mini nseri, uni usih shhaidahm awo Titah imah tumahm. ³⁷ Titah umi eh tumahm, yhi aritih riyhi imah shaidahm. Nrotoh nana a pokoro rinyii riyhi vah inkuma rehye yhi arong katuk. ³⁸ A yhini inzah kurih avere ayi ami atakani nyhin. Awarwo inrotoh rume inung upiya umi na ituma yhi. ³⁹ Enkusi renze inyare vah, undinnenu awo inung anani na'inam zukse uroh kuza marasa, inyare vah amira isi vervene nrumenu majagha nan mini. ⁴⁰ Na inzaku rusu ruva nan mini awar kuwo inzuk uvoh. ⁴¹ Mini maku zaku seri ucanghu nan ayhaor, ⁴² mini nyhao awo inzaku rhi usunu Sirih inung uyhin. ⁴³ Mini nma ruva inung a rizayi rhi Titah, a yhini inritoh serehm Nna pirong enrnva innrung a rereh riyhi, innan ka sere yhi. ⁴⁴ Na ini nan innan rume, a yhini aya enku sessu cangwu nangh atiyhin, a zaku ringhi ucangwu umi aruva nangh Kasirih nazik?. ^{47 45} Inka suka dinne awo mini mahn zargi ni annyen mu Titah. Piya imah zaegi ni ireh Musa, inung uyhi na inma tazza nasuguwu mihm. ⁴⁶ Nna inmah rumeh nan Musa, innung uyhi na inma rumeh nan Musa, innama rume nan mini, awar kuwu imah nyakara majagha nan inyari yhi, ini nan innan ka rumeh nan avere anang?"