¹ Adhaor kami anre Yesoh iku yhaoghaoteke awo a Farisiyawa amah pokoro uzuksenu nang urisenu agbwekseni ubhaoptisma nan Yuhana. ² (Yhi Yesoh aritih rih yhi imah zaku seri ubhaoptisma, agbwekseni hi amah seri). ³ Anre iku jhao u Yahudiya anaohgha un Galili ⁴ Amana wan yhi risir eka vhaorhao tuh Samariya. ⁵ Imah nan ruva urho ku Samariya, na aku kangde Sika, amah pati a kaf kami nan Yakuvu imah roh pivezene uyhi Isuvuh. ⁶ Kuwhaok ku kambhaori ku Yukuvu kuma rih ateghe kami. Yesoh imamah ruru un jaru uyhi, atu zomo ma pati awhaok ka kambhaori (rijiya) ikorwo utasi imah rah pati u wana. ⁷ Piyhowo uh Samariya imah ruva asa icingi mani-masir, Yesoh ivereh upi yhowo umih"Rohm mani-masir asa nsu" ⁸ Awar ka gbwekseni ayhi amah mah mah jara yhaon, uroh asa anka zemene a mariniru. ⁹ Anre piyhowo uh Samariya iku vere nan Yesoh, "Yemmi eh rene piyi pireh Bayahudiya pisu rifsi mini piyhowo u Samariya awo nru vu mani-masir pisu?" Awar a Yahudawa a zaku rih ikusu keku mane yhaon nang a Samariyawa. ¹⁰ Yesoh imane piyhowo umih avere uyhi awo, "Nna pina yhao a peru Kasiri, nang kuyhao apiya isu vervene nan pu awo, rohm mani-masir nsu, pi nama rivii yhi ina mah roh vu mani-masir muh voh." ¹¹ Piyhowo umih ivereh nan yhi, "Piyu rarah pi zaku rih ikusu ku cingim nang ku rijiya kumi kun rih na dungut, anre iki nan piyi penka zuwah a mani-masir muh voh? ¹² Piyhi pi zaku piri putu uwurhi Yakuvu, piyi piku piri yhi, yhi mah roh irhi urijiya kumi, yhi arih tih rih yhi imah soh mani-masir mami avezene ayhi nang inagha unayhaon." ¹³ Yesoh imane piyhowo umih awo"Piya esoh mani-masir mah enka gura pokoro user. ¹⁴ Piya areh eku soh mani-masir mami nan mini mahn roh yhi, enka gura zaku pokoro user, Tuken, mani-masir mami nan mahn roh yhi mahn wan yhi kuyellezen ku man-masir inung uyhi, mami masin yelle amakana uvoh kuza marasa" ¹⁵ Piyhowo umih emane yhi awo, "Piyu rohm mani-masir ma awar kuwo nka suka pokoro user, nang mazu ruva ina ucinginu uh mani-masir." ¹⁶ Yesoh ivereh upiyhowo umih, "Jaravu aka kangde rungu in guru ina na sang." ¹⁷ Piyhowo umih imah mane Yesoh awo, "Nzaku rih pirumi" Yesoh imane, "Pe vereh mariva ken nang pe vereh, awo pi zavu pirumi. ¹⁸ Awar kuwo pimah rungze arumi ajagha ishi, piya na pirihm izaku reh pirumi upu, ki kusu na pima vereh areh rivin." ¹⁹ Piyhowo umih ivereh Yesoh, "Piyu rarah, nma rehye awo pireh annabi" ²⁰ A putih a wurhi amah rise a Siri usujada upana ku, nah piyi piku vere awo Urshalima ureh kateghe kami nan ayhaor an kaku riseh usujadam" ²¹ Yesoh ivereh uh piyhowo umih, Rume nan mini piyhowo, Kadhaor kan ruva nan innan ka zaku riseh usujada anakwang arah, uh Urshalima. ²² Enku riseh ikusu nan in zaku yao usujda awuri teku riseh ikusu nan tih yao, awar kuwaska kuri nang a Yahudawa." ²³ Tuken, kadhaor kan ruva, kama ruvah nang aka riseh a Sirih usujada urivin nan inung a Mazir nan rivin, awar kuwo ayhaor amih nan Kasirih kasin ringhi yhaon an riseh kan usujada. ²⁴ Kasiri kareh Mazir, ayhaor amih an riseh kan usujada inung a Mazir nan rivin." ²⁵ Piyhowo umih ivereh u Yesoh awo, "Almasihu en ruva (piya na aku kande Kristoh). In na eruva enka wono irih an kusu nasang." ²⁶ Yesoh iwo uyhi, "Mini inreh yhi, piya isin vervene nan puh." ²⁷ Adhaor kami agbwekseni ayhi an guru. Adhaor kami amarah seri uzanangh (amina) kenna Yesoh isin vervene nan piyhowo umih. Zah pirong imah vereh, "Yemmi na pising ringhi? vah yemmi erene nan pisu vervene nang piyhowo umi?" ²⁸ Adhaor ka piyhowo umi imah jhao isivih ki mani-masir a nhaoghao inung urho, aka vereh nan ayhaor awo, V 29 "Ruvani, a reyhe piyhaor umi emisehm an kusu na mini nmah riseh. A zakureh yhi ireh Kristoh, vah ini?" ³⁰ Amah jhao urho kumi a ruvahnan yhi. ³¹ Adhaor kami , agbwekseni ayhi amasi tanzana yhi, akuwo, "Rabbi, rhao." ³² Ivereh uyhaon awo, "Mini inrih mariniru muh rhao mami nan izaku yhao na mahn" ³³ Agbwekseni amih an vereh an tih ayhaon, Zah pirong imah yende yhi irangwa kuwo irhi, an kuma yende yhi?" ³⁴ Yesoh imah vereh nang yhaon, "Mariniru manang mareh inriseh amasuni ma piya etumahm nangku korone utumah uyhi. ³⁵ Nku vereh atakani ipih inas tibuvah tin ruvah, mini insin vervenu yhin, tirkinini a reyhe narimi awarkuwoh namah wana tibuvah." ³⁶ Piya isin buva eku sereh urezeh (sakamako) ku tumah, eku kongsozo a kinonoh muh tii muh voh ku zah marasa, awar kuwo piya evizzah nang piya ebuvah anka ghaorhaonhao nasang. ³⁷ Awar kuwo inung ana vere a rah na arim, pirong eku vizzah pimanzu ibuva areh rivin. ³⁸ Mini mah tuminih inka buva ikusu nang in roto tumzana ukin, arong amah tumzana ayini immah ninghe inung utumah uyhaon." ³⁹ Mapuk mah Samariyawa amih arih inung urho kumi amah rumeh nan Yesoh, awar ka vere (masara)ma piyhowo umi imah mise yhoan, awo, "Imah misehm an kusu na mini nmah riseh." ⁴⁰ Adhaor kami a Samariyawa an ruvah nan yhi, a tanzana yhi izomo nang yhaon, imah zomo a pireh atuk avah. ⁴¹ Mapuk ma yhaor mamh rumeh awar vereh ayhi. ⁴² Amah vereh nan piyhowo umi, "Tirotoh pih rumeh awar kikusu na pimah vere, awar kuwo awuri timah pokoro anatoh awurhi. Nh timah yhaoghaoteke piyhaor umi uruh rivin irhe ireh piyhu waska kurikuya." ⁴³ Atuk avah ami amah vhaorhao, imah jhao Usamariya a kana un Galili. ⁴⁴ Awar kuwo Yesoh imah vere awo annabi izayi tiwomo inung a mayinzi ma yhi. ⁴⁵ Imah nang ninghe un Galili, ayu Galili amah rene yhi usohn. Awar kuwo amah rengzeh nasang ankusu na imah riseh inung un- urushalima atek ku penge, awar kuwoamah kanzeh upenge kumi. ⁴⁶ Adhaor ka imah pi guru u Kana ku Galili, atek na imah pi rene mani-masir mahn wana mani mih nabi (wine) Pirong uyhaor imah reh pitumzanani, atek ku tumah umi, na pivezene imah zaku wara (ghara). ⁴⁷ Imah pokoro awo Yesoh imah ruva un Galili awori un Yahudiya,imah kana nan Yesoh atanzana yhi, ikana aka warhane a pi vezene, umi imah rah patu khao. ⁴⁸ Anre Yesoh iku vere uyhi , "In nang in roto reyhe alama nang anag atirowo (atirogwo) in nang ka zaku rume." ⁴⁹ Azongononi ana vere uyhi, "Pimiseni toroh sah pivezene ikasu khao." ⁵⁰ Yesoh iwo uyhi, Jaravuh, pivezene upuh imah wargha" piyhaor umi imah rume nang avere amih na Yesoh evere uyhi, anre iku jarayhi. ⁵¹ Imasin tozzono, pitumzanani uyhi imana nan yhi, akura wo pivezene upu irah wara. ⁵² Piyhaor umi imah rivii yhaon adhaor kami na kam semu rah warghazana. Amah mane yhi, "Amasu reh ukweh api korwo pipivigha pe zohn nan majaovao mami mah masi jhao kan mihm'' ⁵³ Anre putu ukan iku yhaoghaote awo areh kadhaor kami na Yesoh imah vereh uyhi, "Pivezene upu imah wargha." Tikini yhi aritih riyhi nang kurara kuyhi amah rume. ⁵⁴ Ani areh alama avak ami na Yesoh imah riseh ama jhao muh Yahudiya arhi inung un Galili.