¹ Amah rhi pirong nyhar piparisiyawa, rizayi riyi rirhe Nikodimus, piwomoh inung ana Yahudawa. ² Piyaor uru imah ruva nan Yesoh atuk, avereh uyi, "Rabbi, tiyao pireh pimiseni umi ecira nan Kasiri, zav piya enka rise imuzu ankusu mu Kasiri kan zaaku rhi nan yhi." ³ Yesoh imah mane yhi awoh, "Rivin, are rivin nna aroto gura rehye apiyaor, enka zaku rehye urarah ko Sirih" ⁴ Nikodimus ivereeh uyhi, "Ini nan anka pirehey piyaor umi ira curvu? Enka zaku suska upi ninghe inung ariviri rimuna avak awar kuwoh an rehye yhi, enka suska?" ⁵ Yesoh imane yhi awoh, rivin ri reh rivin, nna aroto reyhe vu inung a mani-masir nan Mazir (kuyir) piyaor enka zaaku suska uninghe urarah ko Sirih. ⁶ Kikusu nan a rehye a ripumh ki reh ripumh, kikusu na arehye a Mazir (kuyir) kireh Mazir. ⁷ Su rise amina awar ken na ma vereh vu awo, areh risir kuwo an gura rehye vu. ⁸ Uvunu oku perve (pepkwe) a makana atek na urusu, peku pokoro ama ririh mu ni (mu vunu umi) a zaku yao (yha) atek na ocirahm zav katek na urama kanahm. kenna piya na arehye a Mazir irhi (isiyi)" ⁹ Nikodimus imah mane yhi avereh awoh, "Ini na anang ara anka wana ken?" ¹⁰ Yesoh imane yhi awo, "Pireh pimiseni nh Issra'ila, a gura riken a zaku yao (yha) an kusu mu?" ¹¹ Yesoh ivereh nan Nikodimus awo, "Rivin rireh rivin, teku vereh ankusu na tiyao a gura miya ankusu na timah rehye, nan ken nh roto seri ankusu na tisin misi ni" ¹² Nh nah mah miya vu ankusu murikuya pi roto rume, ini nan manka miya vu ankusu mizoh pinu rume? ¹³ Zah pirong imah nana atuwa makana izoh, areh yhi nazik piya imah toro inaori (inhari) izoh yhi ireh piveneh upiyaor. ¹⁴ Neh kenna Musa imah zhaopkwhao piyowo arimi, an wana risir anka zaopkwhao pivezeneh u piyaor ken. ¹⁵ awar kuwo aya a rume inung uyhi enka zuwa uvoh kuza marara. ¹⁶ Awar kuwo Ksirih ka suni urikuya, kamah rho (urhao) pivezeneh ukan nazik, awar kuwo piya erume ukan enka zaku khao a zuwa uvoh kuza marara. ¹⁷ Awar kuwo Kasiri ka roto tuma a pivezene inung urikuya inaze kun, anre awar kuwo iwaska kun tuh yhi. ¹⁸ Piya erume nan yhi anka zaku naze yhi, piya iroto rume amah naze yhi awar kuwo iroto reme inung a rizayi rurhao ku pivezene o Siri nazik. ¹⁹ Kini ireh risohn awar ka mateh; an peze mumi muma ruva inung urikuya, ayhaor an piri usuni marini mapiri an peze awar kuwo anang ayhaon arhi tisifu. ²⁰ Awar piya eriseh tisifu imah vono yhi an peze mazah ku ruva an peze awar katisifu tiyhi tin kasu warkunuwo. ²¹ Tuken, piya eku gbwekse (riseh) rivin eku ruva an peze awar kuwo anka reyhe an kusu na iseri muri inung a Sirih" ²² Atini kini, Yesoh nang agbwekseni ayhi amah jara yhaon a mayinzi muh Yahudiya. Imah ka zomo inhaori anarong atuk (kadhaor) nangh yhaon a riseh yhaon ubaptisma. ²³ Yuhana una yhi imah seri ubaptisma inung Ainon ama patu salim awar kuwo mani-masir mamah gwaki a teghe kami. Ayhaor amasin rufsa nan yhi asa an rise yhaon ubaptsima. ²⁴ Awar kuwo a dhaor kami amah rotoh vulle Yuhana inung unkurkukur. ²⁵ Anre igharmi (urowo-nhao) umah coh nan arong agbwekseni a Yuhana nan pirong ubayahude ama jagha utanda ku mavezeh. ²⁶ Anre anku jara yhaon nan Yuhana a vereh uyhi, "Rabbi, piya imah rih nang pu irhi a risugwu ru rappwu mana ku Urdun, majagha nang piya na pimah vereh, tirkiri iseri ubhaoptisma, ayhaor nasang asi kanze nan yhi" ²⁷ Yuhana imane, "Piyaor enka zaku sereh irangwa kimi na a zah kureh ku roh yhi inhaori izoh." ²⁸ A yini ana-tih a yhin innan ka rume ken nmah vere, 'Nzah kureh Kristoh,' areh utami ku, 'na amah tumahm ama zongoni mayhi. ²⁹ Kamariya kare ku ango. kini, pijahm pu ango, pin peku yezene a pokse avereh uh ango, a rise righaorhao nagbwing awar kuwo riyii ruh ango, anre, kini na righaorhao rinang reku koroh. ³⁰ Ku rise risir yhi ipizzinuwa, mini ntuzunuwo ³¹ Piya ecirah izoh a ruva ipiri nasang. piya ecirah urikuya, ireh piya urikuya, aku vervene a magha urikuya piya eh cira izoh a ruva ipiri nasang. ³² Imah mise a majagha an kusu na'mah renze nang ku pokoro, zah piya erume nan umisenu uyhi imah rumeh Kasiri kareh rivin. ³⁴ Awar ka piya na Kasirih ka tumah, kaku vervene avereh a Sirih. Awar kuwo eku zaku rukse Mazir un rasanu. ³⁵ Putu isuni pivezene, imah rukse yhi an kusu na sang. ³⁶ Piya erume inung uh pivezene irhi uvoh ku zah marasa, piya eriseh uzah matini enka zaku reyhe uvoh, rikhaozhao ripiu reh Sirih ri rih a ritih riyhi.