¹ Atini katuk katar,amah seri irunga u-kana ku Galili,muna'u Yesoh imah rhi a teghe mih. ² Amah mah kunu Yesoh nang agbwekseni ayhi an kana irunga imi. ³ Kumur kumi kumah rarah,muna u Yesoh ivereh nan yhi, ''A zaku roti rhi umur.'' ⁴ Yesoh imane, ''pinyowo yemmi erene pi ruva nan mini?Kadhaor kanang karotoh ruva.'' ⁵ Yhi muna everenan a tumzanani,ki kusu na evere ini,riseh ni kin.'' ⁶ Maseri mamarurung makwang utasi mamah rhi atehhe mih mami na'a Yahudawa aku riseh upenge ku mavere,kurhao konka suska uzika udurohm kurhao. ⁷ Yesoh imah vereh nan yhaon,korozeni a maseri mamani masir nan mani masir.'' ⁸ Anreh ikuh miya atumzaneni ami, ''Nucinhigini a jagha apiya gwaki utanda,amah cingi ajagha yhi. V 9 Piya gwaki utanda kumi imah so mani-masir mami mamah wana kumur azaku yhao atek na ma cirahm (atumzanani amih amah cingi mani-masir mami an yhao)Anreh iku kangde u ango kumi. ¹⁰ Avereh ukun,''Ayhaor nasang aku seme urukse umur kurip anu tarkara adhaor kami na ama mizana.Na piyi pima tara umur kurip anu cidda kun atini. ¹¹ Anang ara ani areh a zohn na Yesoh imah riseh u-kana ku Galili,imah verke mazir mayhi agwekseni ayhi annu rume nan yhi. ¹² Atimi ka nang ara,Yesoh,muna uyhi,akummina ayhi,nan agbwekseni ayhi amah torori a kana u Kapaniyom,aka rene atuk natini a zomi atehhe mih. ¹³ Adhaor kami kupaska ko Yahudawa kuma ra patih,Yesoh imah jara yhi urshalima. ¹⁴ Aka zuwa aya asi zizi inagha nang magham nan natantabara,a saozhaoni ikorwo an zonzi a tehhe mih. ¹⁵ Imah nuwa a caurazan rimafu a zovo a yhaor ami nasang an cizza inung urara ko Sirih,amane nang magham nan inagha,imah sotori amapwok mikorwo eya saosku nang ku nusaza a matebur. ¹⁶ Nan aya aku zizi anatantabara ivere uyhaon awoh ''cughwunine an mamamra muh ina.jini urene rara kutita u nang kun wana katek ka pize'' ¹⁷ Agbwekseni ayhi amanu dinni awoh,amamah nyakara,'' Ta'usuru awar kuwo kurara kupu kurama rhaohm.'' ¹⁸ Anreh navhaon na Yahudawa nanku mane yhi awo,''Ariki alama nah pen sah iyhi,awar kuwo piseri ankusu muh cette?'' ¹⁹ Yesoh imah mane yhaon,a''yirkini urarah ko Sirih kami,anatuk atar manka suwah kun.'' ²⁰ Anreh navaohn na yahudawa nanku vere awo kurara kuna ko Sirih amasuwa kun atiwa akiri anas-utasi,na piyi pewo penka suwa kun anatuk atar?'' ²¹ Tuken,imah si vervene amajaha u haikali ku ripuhm ri yhi. ²² Kenna ama cone yhi icoh,inung aya amakizi,agbwekseni ayhi annu dinni awo imah vereh kini,anu rume nan avah nang avereh amih na Yesoh imah vereh. ²³ Imah rotoh rhi un-urushalima adhaor ku idi kurampwanu,mapuk mamah rume nan rizayi yiyi adhaor kami na'amh reghe alama amih nang imah riseh. ²⁴ Yesoh imah rotoh rume nang yhaon, awar kuwoh iyhao yhaon nasang. ²⁵ Awar kuwoh izaku si ringhi pirong imiseh yhi amajaha a oiyhaor awar yhi iyhao ikusu kiri inung upiyhaor.