¹ Yesoh imah kana upana ku zaitun ² umhaopwu nafut, Yesoh imah gura ruvaa masujada, ayaor nasan amah ruva; izomo asi mise yaon. ³ A nyakarani nang a Farisawa an yende a pinyowo umi na a puruh yhi iseri uzina. A rene yhi atehtih. ⁴ Anre anku vere nan Yesoh, "pimiseni, pinyowo uru amah puruh yhi iseri ⁵ Ana vah a mateh, Musa imah vereh uwurhi awoh tih taza imuzu upiyar uru, yenna pen vere amajagha nan yhi. ⁶ Ayaor ara amah vereh kini a matoroh muh mingha yhi a hak awar kuwo an zuk irammwa kimi nanan zargi yhi, Yesoh imah tinguruwo anyakara a jaos nan kinhu kiyhi. ⁷ Amah jariyaon aseri yhi na riif, icho a yezene avere na yaon, "pirong inung uyhin umi izah yhi ivang, yhi evan piya zohni ku tah pinyowo uru a rikwang." ⁸ Yesoh imah gura tingirwo, a nyakara a jaos nanh kinhu kiyhi. ⁹ Ayaor ami amah pokoro ken, anra jaseh yaon a marhaondhao, ma seme nan piya ireh piya curvu ara jariyaon ken amadorkozong. Yesoh imah rah ko takani uteh yhi mazah pirong, nan yhi pinyowo umi na'amah rene yhi atehti. ¹⁰ Yesos imah cho avere nang pinyowo imi, pinyowo, "a kotkozeni ami a puh a nasi? zah piya imah kashen nan puh?" ¹¹ Pinyowo umi vere, "zah pirong, titigwaki." Yesoh ivere, "mini mahn zaku gashen nan pun, jaravu aka zah kupih riseh ivang ¹² Yesoh imah gura vereh uyhaon, asi vervene "mini nreh anpeze murikuyah, piya edorkorohm enka zaku jara mung a marini tuken enka zugwa ampeze muvoh." ¹³ Afarisawa amah vereh nan Yesoh 'Pisu mise (vervene) a majaghan nan riti ripu, u misenu (avere) apu a zah kureh rivin." ¹⁴ Yesoh imah mane yaon a vere, "inma namah miseh (vervene) majgha riti rivin, umisenu unang areh rivin mini nyhab a teghe namahn nang kateghe na innamah kanahm, a yhini inzaku yhao ateghe namahn cirahm nan kaeghe nan inrama kanahm ¹⁵ Mateh ma yhin mareh mateh ma ripuhm; mini aku zah ku temene pirong. ¹⁶ Nh nama riseh mateh, mateh manang mareh rivin awarkuwo mini nzah kuri utehnan awar ken, mini inrhi nan titugwaki umi etumahm. ¹⁷ Yii, inung a mateh mayhin amah nyakara awo ushaida oh yaor avah ureh rivin. ¹⁸ Mini enreh piya ireh ushaida a majagha a ritih rinang, titugwaki umi etumahm eku roh ushaida a majagha a ritih rinang." ¹⁹ Ayaor ami ama vere nan Yesoh, "yhi putuh upuh inusi? "Yesoh imane, "a yhini enzaku yao mini vah Titah unang; Nh na inyao mini, innan gura ayao tita unang ken." ²⁰ Yesoh imah vere a vere ara a mapati atek kataraka asi miseh yaon inung a masuja, zah pirong imah purun yhi awar kuwo kadaor ka yhi karotoh wana (ruva) ²¹ Yesoh imah gura vere uyaon, "mimi mahn jarahm, innan ka ringhihm a gura kizi inung wang iyhir katek na nrama kama zah pirong uyhin enka susku ruva." ²² A Yahudawa amah vereh, "imah ka whuna riti riyhi? na ki kusu kerene were, "katek na nnama kanahm zah piya enka suska ruva?" ²³ Yesoh imah vere uyaon, "ayhini inkure aya jaos mini inreh piya izoh. Ayhini inreh ayu rikuyah, mini nzakure piya urikuya ku. ²⁴ Tuh kimi, mini mavere innan ka kizin inung ivang iyhin, innan inrotoh rume awo mini inreh mini, inan kizi inung iyhin." ²⁵ Ayaor ami amah vereh Yesoh, "piyhi wammi?" Yesoh imah vereh uyhaon, "kikusu na nmah veri ni zohn. ²⁶ Inrih ankusu mudun mu vervene nang ku riseh mateh majagha nan ayhini Nan ken, piya etumahn ireh rivin, ankusu mumi na maku pokse nn yhi ankusu mu na maku vere nan ikuriya." ²⁷ Ayao ami amarotoh yhaoghaoteke awo ikusu vervene uyaon majagha nan putuh. ²⁸ Yesoh ivereh, " adaor kami na innan kama zhaopwao a pivezene upiyhaor na inna kanu yhaoghaoteke awo mini ireh mini, nankuwo zah kirammwa nan inseriaritih rinang. Neh kenna titah imah mishem, ankusu mu na insi riseh ²⁹ Piya etumahm irih nangh mini, irotoh jimihm utenang, awarkuwo ana adaor maku seri ankusu muni na isuni." ³⁰ Kenna Yesoh imasi vervene ankusu muh, ayhaor adun amah rume nan yhi ³¹ Yesoh imah vere nan a Yahuduwa ara ami amah rume nan yhi, "Nh na inrhi inung anavere anang, rivin inreh agwekseni anang. ³² Ayhin innan ka yao rivin, rivin rimi renka waska ni." ³³ Ayaor ami amah mane yhi, "awurhi tireh kardri ki Ibirahim, tirotoh nana awana arehreh a pirong, na yemmi erene pih vere, "innan ka zugwa uwaska." ³⁴ Yesoh imane ayaor ami, "Rivin rireh pirehreh ivang. ³⁵ Pirehreh iku zaku turari inung urara zah marasa; pivezene eku turarihm zah marasa. ³⁶ Tukini, nh na pivezene ewaski ni, rivin awaska ni. ³⁷ Mini nyao ayini karariki Ibirahim, insi ringhi kennainnan whunahm awarkuwo avere anang a zaku rhi ateghe inung uyhin. ³⁸ Mini nsi vervene ankusu na nmah rehye nan titah unang, a yhini una yini riseh ni ankusu na en pokoro nan purtuh yhin." ³⁹ Ayaor ami amah mane yhi avere, "Titah uwurhi ireh Ibirahim ". Yesoh ivere uyaon "Anareh inkure nono ni Ibirahim, inna seri utuma Ibirahim. ⁴⁰ Nan ken insi ringhi urina uwhunahm, piyaor umi imah miyi ni rivin rimi nan nmah pokoronangh Kasiri. ⁴¹ Inmah riseh utuma uh putuh yhin, "Ayaor ami an vere yhi, amah rotoh rekseniri un-rinu rikaya. Tirih nan putuh wurhi urhao: Kasiri ⁴² Yesoh ivere nan yaon, "nna Kasirih kareh putuh yhin, inna sumihm, awarwo mini nmah cirah nangh Kasiri nah nnuri na." azah kureh awar ka ritih rinang, areh yhi etumahm. ⁴³ Yemmi erene inrotoh yaohaoteke avere anang? areh awarkuwoh enku zaku susku pokoro avere anang. ⁴⁴ Ayhinini ayaor a putuh yhin, pisifu, nang iku rusu urise ankusu na putuh yhin isuni. Imareh piwhunzani yaor cette zohn, ama zaku yhaozi a rivin awarkuwo izayi rivin inung uyhi, Inna evere icotti, adaor kami na isi vervene icotti, ikusi vervene anang a yhi awar kuwo yhi ireh piyi cotti nang putuh oyhi cotti. ⁴⁵ Nan kenna insi vervene rivin, inrotoh rume nan mini ⁴⁶ Wanni ucuku yhin ima puruhm nan ivang? Nna ma vere rivin, yemmi erene inrotoh rume nan mini/ ⁴⁷ Piya umi ireh piya Siri eku pokoro avere a Siri, a yhini inrotoh pokoro awarkuwo inzah kureh ayaor a Siri." ⁴⁸ A Yahudawa amah mane yhi awo tiku rotoh vere mariva kenna teh vereh pireh piyu Samariya nang kuwo pirih aviku?' ⁴⁹ Yesoh imane, "mini nzah kure aviku titah unang nan insi ruske yhi tiwomo ayhini inzah kusi rukse mini tiwomo ⁵⁰ Nzah kusi ringhi udaukaka uritih rinang, piya isi ringhinirihm enka riseh mateh ⁵¹ Rivin rireh rivin, mini mavere nan ayhin, piye dorkorohm avere anang, enka zaku rehye ukhao. ⁵² A Yahuduwa amah veru yhi, "Adaor ka teyhaoghaoteke piri nan aviku, Ibirahim nan Annabawa amah kizi na piyhi pivere piye dorkoro avere anang, enka zaku reghe (kukan) ukhao ⁵³ Pizaku piri putuh wurhi Ibirahim umi imah khao, pih piri yhi? Annabawa aku kizi. Piya pi zikani ritih ripuh wammi?" ⁵⁴ Yesoh imane, nna ma daukaka ritih rinang, udaukaka unang owanu wahm, areh titah nnang edaukakahm - majagha nan piyan nan enkuwo yhi ireh putuh yhin. ⁵⁵ Ayhini mzaku yao yhi, mini yao yhi nna mahn vere, nzaku yao yhi mini mankaa sughi ni, piyi cotti, tuken, mini nyao yhi nanku dorkoni avere a yhi. ⁵⁶ Putuh yhin Ibirahim imah riseh righaohao a marehye ma tuk kanang; imah rehe a rene suwuvok. ⁵⁷ A Yahudawa amah vere nan Yesoh, "pirotoh rava atiwa akiri-shi, pikuma nananu rehye Ibirahim?" ⁵⁸ Yesoh imane yaon, rivin rireh rivin, insi misini, amah rotoh reghe Ibirahim, MINI." ⁵⁹ Anre anku zize akwang an taza yhi mihm, Yesoh imah wukune ritih riyi, ajaray ajao Masujada mami.