¹ Umhaoppwu atuk ka pivigah pezohn (kusati), marini mahn rotu rhi, Maryamu Madaliya kin ruva usek kumi, a rehye amma cuwune arikwang rimi usek kumi. ² Kima cho nsuhm a ruva nan saminu Biturus nan agbwekseni ayhi ami na imah sunih, kima vere nan yhaon. "Amah zika Piyurarah Yesoh inung usek, a wurhi tizaku yhao a tek na amah ka nomi yhi mihm." ³ Anreh Biturus nan agbwekseni an jara yhaon a kana a tek kusek kumi. ⁴ Nasang ku yhaon nang adbwekseni an coh nsuhm a rhaokhaorhao a zongoni Birurus, amaka ghangha yhi uzagha usek kumi. ⁵ Imah khaongwuruwo a venghere inung a rehye likafani ru lilli a tegyhe mi, arotoh ninghe inung. ⁶ Saminu Biturus imah nan ruva a tini kayhi a vharhao inung usek kumi, imah rehye likafani ru lillin rin tari. ⁷ makusu mami mamari a ritih riyhi, mama zaku rhi nang likafani ru lilli amah vusu rhin a peh a pituwa. ⁸ Anre piya ezongoru ruva usek kumi inung a nagbwekseni ami ima kutu vhaorhao inung, arehye anu rume. ⁹ Amaka rava adhaor kami ama zaku yhao inyari mi evere awo enka cho inung amasek. ¹⁰ Tuken, adbwekseni aman gura nhaongha urara. ¹¹ Ki Maryamu kima yhaozi anhao kusek kumi asi magha, kimah magha, anren kin ku khaongwuruwo a venghere usek kumi. ¹² Kimah rehye Anyengku mavah mahn rizzi makusu mavoksi a zomi, urhao a tek karitih, urhao a tek ka navina a teghe na ripuhm rhi Yesoh rima nohn mihm. ¹³ Anyengku ami ama veree ukin, "Pinyowo, yemmi erene pisi magha?" Kima vere uyhan, "Awar kuwo amah zika Yesoh Piyurara unang, na unku zaku yhao ateghe na atara yhi mihm." ¹⁴ Kadhaor kami na ke ruru vere, a vanduruwo atuh rehye Yesoh i yhaozi a teghe mi, a zaku yhao awo areh Yesoh. ¹⁵ Yesoh imah vere ukin, "Pinyowo, yemmi erene pisu magha? Wammi na pisi ringhi yhi?" Kimah ko vah yhi ire piya kab kami, an re kin tuh mane yhi, "Piyurara, nna pima zika yhi, migha mini ateghe na peh tarayi mihm, sa mini nka zika yhi. ¹⁶ Yesoh ivere ukin, "Maryamu." An re kin ku vanduruwo a vere uyhi inung a tivervene tih Armaniya, "Rabboni" (amatoroh muwo "Pimeseni"). ¹⁷ Yesoh imah vere ukin, "Suh rikehm, awarwo in nrotoh jarahm izo nan Titah, awar ken, jaravu nan a kommini anang (agbwekseni) a migha yhaon awo mahn jarahm nan Titah a gura reh Titah uyhin, Kasirih kanang Kasirih kayin." ¹⁸ Ki Maryamu Magadalin kimah ruva a migha agbwekseni ami, "Nma rehye Yesoh Piyurara" awo imah migha kin ankusu muh. ¹⁹ Marong mama nan wana, a tuk kami a tuk kazohn kapivigha pezohn (ku sati) natungwurung na teghe na agbwekseni ami arihm, kama whuri awar ku khau a Yahudiyawa, Yesoh imah ruva a yezene a tehtih ka yhaon avere uyhaon, "Mavok nan a yhini." ²⁰ Imah ruru vere kini, imah sah yhaon a nacara nang pituwa piyi. Agbwekseni ami amah ghaorhaonhao adhaor kami na'ama rehye Yesoh. ²¹ Yesoh imah gura vereh uyhaon, "Mavok nan a yhini. Kenna Titah ima tumahm, kenna mini matumi ni." ²² Adhaor na Yesoh imah vere kini, anre iku vuteh uyhaon avere uyhaon, "Senni a mazir mavur. ²³ Ivang ipiya na en gafarta, a gafarta yhi, ivangh ipiya nan enyhaobthao, a yhaobthao ni. ²⁴ Toma, urhao ining a rikiri a tiva ikande piya na ukuwo Dan-tagwai, ima zaku rhi nan yhaon a dhaor kami na Yesoh imah ruva. ²⁵ A manzu agbwekseni ami amah menzi a vere uyhi, "Timah rehye Yesoh Piyurara." Evere nan yhaon, "Nvah mini nku rehye anacara avharhao ikusa imi, a rene inuh kinang inung a rivhaorhao ripi kusa rimi, nand ku tarkara a cara kanang a rihsuwghu riyhi, mini man zaku rume." ²⁶ 26 A tuk maniziva amah vhaorhao agbwekseni a yih amah gura rhi inung, Tomas irhi nangh yhaon. Yesoh ininghe natunworong nami nan whuzzi, a yezene inung uyhaon, a vereh, "Mavok nan a yhini." ²⁷ An re iku veru Toma, "Zaghagra inhu kipuh inah a rehye a nacara nanang. Zaghagra a cara kapu ina a tarkara kan a risugwu rinang. Suh wana piya eku zaku rume, wana piya eku rume. ²⁸ Toma imah mane yhi avere, "Yesoh Piyurara unang nang Kasirih kanang." ²⁹ Yesoh ivere uyhi, "Awar kuwo pimah rehyehm, anu rumeh, uzikinu na aya mi arotoh rehyehm, a rumeh." ³⁰ Yesoh imah riseh amanzu alamu na gwakane annyen moh gbwekseni ami, alamu ami na a rotoh nyakara inung ana vah. ³¹ Amah nyakara ankusu mu awarwo a yhini rume nan Yesoh ireh Kristoh, Pivezenu-Sirih, awar ku rumenu, enka zuwa uvoh inung a rizayi riyhi.