¹ Anang arah ama vhaorhaoh Yesoh I gura ka sah ritih riyhi nang agbwekseni ayhi u teku ku Tibariya. Kina na ima sah ritih riyhi; ² Siman Biturus imah rih nang Toman umi na-akoh mavah, nang Natana'ilu umi iwori un Kana ku Galili, a vezene a zabadi, nang a manzu agbwekseni a Yesoh avah. ³ Siman Biturus iwoh nang yhaon, "Nnama ka pusih sanih." Anwoh nang yhi, "Awuri ten kana nang puh, unawuri." ⁴ Nakini, ama rah ku mhaokpkwi nafyit, Yesoh i yexih un tengu, agbwekseni a yhi an rotoh yhaoghaote awoh are Yesoh. ⁵ Yesoh iwoh nang yhaon, "Mazhaorhaoh, inrih i rangmwa ke riih?" An maneh yhi, "Ti za yhiri." ⁶ I woh nang yhaon, "Nyanmweni i taru i yhin teh cara kurhaom ku wassa, in nanka zuwa." An nyanmwe ti taru timi a zaku suska u kokoze awarku woh isanih mi i gbwaki. ⁷ An reh pigbwekseni umi na Yesho isuni iku vere nang Bitrus iman pokoro woh areh pikarma, I sisi righha kuyah (kumi na ima chuwune a tarah), a poelleh inung a manimasir. ⁸ A manzu agbwekseni an ruvah inung uwassa (ama rangani yhaon nang utengu), marangazun kinne navina ma dari mavah, asin kokozeh titaru timi isanih in korim. ⁹ Ama ka cira a mayinzih, an rehye urah utichoenih isanih in tarkamni nang kufhaowhaori. ¹⁰ Yesoh iwoh nang yhaon, "Yendeh ni irong inung isanih mi na en puru." ¹¹ Siman Biturus i jarayhi akah kokone itaru imi aka ravah mahinzih, in kori na isanih i gbwakazi ku dari ana kiri shii a titar (153). Imah gbwaki nagbwing itaru imi in rotoh jitah. ¹² Yesoh iwoh nang yhaon, "Ruvani a gbwpkene." Za pigbwekeseni umi eh rivi yhi, "Pighhyi wammi?" Ama yoeh awoh are pikarma. ¹³ Yesoh Iruvah, a zika u faowaori, a rukseh yaon, nang isanih mi. ¹⁴ Ama reh katar na Yesoh imah sah ritih riyhi nang a gbwekseni ayhi a tini ku chonu yhi awori yah ma kizih. ¹⁵ Ama ruru ugbwekpkenu, Yesoh iwoh u Siman Biturus, "Siman pivezene u Yuhanna, pi sunim a pirka ken?" Bitirus iwoh nang yhi, "Yii pikarman, pi yeoh woh mini nsuni vuh." Yesoh i woh nang yhi, zaanh magam manang." ¹⁶ I woh nang yhi avak, "Siman pivezene u Yuhanna, pisunim?" Biturus iwoh uyhi "Yii, Pikarma, piyoeh woh mini nsuni vuh." Yesoh iwoh ayhi, "Vighha magam manang." ¹⁷ I woh nang yhi a tar, "Siman pivezene u Yohanna, pi sunim?" Kasugwhu ka Biturus kan ma wanta a warku woh Yesoh eh rivih yhi atar, "Pisunim?" I woh uyhi, "Pikarma, piyoeh ko yen, piyoeh woh nsuni vuh." Yesoh, iwoh uyhi, "Zanah magam manang. ¹⁸ Rivin, rivin, na ma koh uyin, kadhaor na imma rotih mazoeroeh, imma ku rene ateh yhin makusu, a jara kana a tek na in rusuh, ne en wana areveh, in ku niskara a nachara, pirong uvaktih i renini makusu, a ja'ahhi nih a tek na in rusuh." ¹⁹ Yesoh imah vere ken asah isah i migh umuzu koeh kumi Biturus en yelli kumi kon ro Siri tiwomo. Imah vereh ken, awoh u Bitrus, "Dorkorom." ²⁰ Bitrus i kuruuwoh a rehye pigbwesene mi na Yesoh irusu i dorkoni yhaon, piya mi ima yerguhuruwoh u pette ku Yesoh a dhaor ka rih, umi ima woh, "Pikarma, wammi ireh piyah en zizi vuh?" ²¹ Biturus I rehye yhi awoh nang Yesoh, "Pikarma, yenna piyallu en yelli?" ²² Yesoh iwoh uyhi, "Inna sunin u woh ikarim maka rava dhaor na mang guru, in ka wana vuh ini? "Dorkorom." ²³ Anang arah an gira a rikommina riyoehn, akoh pigbwekseni mi enka zaku koeh. Yhi Yesoh imah rotoh mighha Biturus awoh pigbwekseni mi en ka koeh yhi, ki kusu ke vere kima reh, "Inna sunih uwoh i karim maka rava a dhaor ma mang guru, mani mayhin manku rim?" ²⁴ Yhi ire pigbwekseni umi imah rehye a nang ami, a nyakarani, ti yoeh woh avere yhi areh rivin. ²⁵ Anang agbwaki a gura rim, ami na Yesoh imah riseh. Anan ka yen na a nyakara, nyen kinne ko kurikuyah a ritih rikun konka za ku zika avah ami na a nyakara.