^{2 1} Anre Bilolus iku zika Yesoh mwillazeh yhi. Ayhariwuma an nuwa akata kamasap, arene yhi arih tih, anre anku rene yhi makusu matiwomo mah sen. ³ Anre anku ruva nang yhi awoh,"kuvoh ku puh kun ranguruwo, piwomo Yahudawa, anre anku vabkwayhi. ⁴ Anre Bilatus iku gura a cira uyha awoh uyhaon, "Reyhe, in rama yende yhi nih uyha asa in yao'aoteh awoh un rhaothao zuwa yhi nang ivang." ⁵ Anre Yesoh iku cira arih akata kamasap nang mah kusu matiwomo, Bilatu iwoh uyhaon," Reyhenih, piyhar umih inuru!" ⁶ Adhaor kami, anre pireveh ugwaki (chief priest) nang azongoni (officers) anku reyhe Yesoh, Anre anku rene iwuhm awoh,"Adhaonkhaore yhi, an dhaonkhaore yhi, Bilatus iwoh uyhaon, "Zikani yhi uteihnih akadhaong kahaore yhi, awar nang un rhaothao zuwa yhi na ivang" ⁷ Anre a Yahudawa ku mane yhi,"Tirih mateh mamman kure kuwoh iki, awarkuwoh imah zika awoh yhi ireh pivezene o Siri" ⁸ Kadhaor kami nang Bilatus imah pokoro avereh ranah, ukhaou unka pirinuwoh yhimim. ⁹ Anre Bilatus iku gura kanighe ughao kuti womoh awoh u Yesoh,"Iki na pe ciram/" Yesoh izaku mane yhi aron. ¹⁰ Anre Bilatus ikuwoh uyhi, "pima zakuvervene nang mini? pi zaku yao awoh unrih usiru uviskine vuh, nang usiru udhaong kahaorevuh?" ¹¹ Yesoh imane yhi, "pizaku rih urong usiru, unvah ki kusu nang arhovuh kiwori zoh vah, piyha eh rhovuh mini ipirivuh irang". ¹² Un mane nu uruh, Bilatu imah rene tigwa tigwa asa iviskine yhi, a Yahudawa an rene iwuhm akurawoh, "In na pe viskine piyhar uruh, pi zaku reh pi jam pi kaisar, piyha eh zika ritih rih yhi piwomoh eh vereh timakari makanang kaisar." ¹³ Kadhaor nang Bilatus imah pokoro avereh ranah itu yende Yesoh uyha, anre iku zomoh arira kati womoh, atek na aku kangde awoh"Gabata" atih Yahudanci. ^{16 14} Amare katuk kama nafsana awar ku penge ku ma annazeh(passover) api khaorwo pu tasi, ateti kan nyhi, Bilatus iwoh ana Yahudawa, " Reyheni, piwomoh uyhin unuruna!" ¹⁵ Anre anku rene iwumh, An jar yhaon, nan yhi, an jar yhaon nan yhi; an dhaongkhaore yhi" Bilatus iwoh uyhaon, " An dhaong khaore piwomu yhin?" pireveh ugwaki umih imane, " Tizaku rih pirong uwomoh ne kaisar". Anre Bilatus iku zikayi arho yaon asa an dhaong khaore yhi. ¹⁷ Anre ku zika Yesoh ajarayhaon mim, itiyanani udhaong khaori kumi uteyhi uteyhi, amakana atek kami nang aku kangde awoh katek ku kongkomi ativervene teh Yahudawa anwo "Golgota" ¹⁸ Amah dhaongkhaore Yesoh atek kan, nang arong ayhar avah urho apituwah pi, urho api manzu pituwa Yesoh i peyi ateti. ¹⁹ v 19 Bilatus igura nyakara alama arene izoh udhaong khaori kumi. Eneh, amah nuakaraka : YESOH U NAZARAT PIWOMOH O YAHUDAWA. ²⁰ Ayahudawa agwakane amah teze inyara imih awar kuwoh katek na amah dhaonkhaore Yesoh kama pati urho. Amah nyakara atih vervene teh Yahudawa nan teh Romawa; nan teh Hekinawa. ²¹ Anre pireveh u gwaki oh Yahudawa i woh Bilatus "su nnyakaraka, 'piwomoh o Yahudawa.' are pi nyakarakaawoh 'uvereh kuyhi," Mini inreh piwowoh, o Yahudawa". ²² BIlatus imane, " Ki kusu nang ummah nyakkara." ²³ Kadhaor nang ayhariwuma amah dhaong khaore Yesoh anre ku zika makusu mayhi, a wangza man tinas, ko wanai izikakurho, anka taka kuriha kutiwomo. ²⁴ Anre ayhiri wuma rimi ankuwo asu jiska kun an taongani u kuriya piya eh zuwa kun wana kiyhi" Anang arah amawana ken asa avah anka koro ken nang awoh, " An wangza makusu manang anatihayhoan, ataongaone u kuriya amakusu manang" Ki kusu nang ayhariwuma amah riise. ²⁵ Awangtarih nang Kudhaongkhaori ku Yesoh, muna u Yesoh nang a kommini amina a yhaoni, nan ki maryamu, piyhowo u kiliyofa, nanki Maryamu Magadaliya. ²⁶ Kadaor nang Yesoh imah rehye muna, nan pigwekseni, uyhi umih nang isuni yhi, iyaozi apati, anre Yesoh ikuwoh umuna,"piyhowo, reyhe, pivezene pu!" ²⁷ Anre ikuwoh upi gwekseni umih, "rehye, nawi!" Adaor kami pigwekseni umih yhi amakana urarah kuyhi, ²⁸ Atini kara'anih, Yesoh imah yao awoh koyen imah rara, asa avah amih an ka koro, Yesoh iwoh, "unpok user." ²⁹ Marong mah mani masir man rih ikuturu atek kami anre kuzika usoso ajhakkwhaorao inung amani masir mih nabi mah nyami'nyam, anre ku sisize kati a ja'ahri yhi naoh kayh ³⁰ Kadaor kami nang imah soh, amanimasir muh nyam-nyam kumi, anre ikuwoh arara, anre iku tingiri ritih rih yhi anreh iku rho amazir mayhi ³¹ Amare katuk kamanafsa, an su jhao apuhm ayhaom amadhaongkharori mangka rava ayhimoh Sabar, (Awarku ko ayhi moh Sabar ayhi muh gwaki) a Yahudawa anka tanzana Bilatus asa igwe vere yaon mavirah agura taoddaoyhaon ³² Anre ayhari wuma ankuka gwevere yaon mavina nan Yesoh. ³³ Anka ruvah aritih rih Yesoh ima khao, azaku gwepkwe navina nayhi. ³⁴ Nan ken pirong uyhariwuma ika caokao risuwu rin Yesoh uncira, antu reh rivin-iyao awoh kikusu nan eh vereh areh rivin asa ayhini mah in rume, ³⁵ Piyar imah rehyhe ananga'ar imah wanna ushaidu ushaida uyhi ureh rivin-iyao awoh kikusu nan eh vereh areh rivin asa ayhini mah in rume. ³⁶ Anang arah amah wana ken asa akorene avah "ana kuvuh ayhi amah rhaothao gwepkwe ukuvuh ku rhaohim" ³⁷ Arong avah ampiwoh "Anka reyhe piya nang amah caowao yhi," ³⁸ Atini kang jusu muna, Isuvuh, piyhar "Aramafiya ireh pi dhaorkhaono ni u Yesoh (anre amawukununi awar ku khaou oh Yahudawa) ikah tanzana Bilatus asa an rume yhi asa izka ripuhn rih Yesoh, anre Bilatus iku rume yhi anre Isuvuh inku zika ripuhm rimi. ³⁹ Nikodimu inyahi iruvah, piyha imah zongoro kana nan Yesoh atuk anre ikun yende manuk marip muh mur izip uman unka ravah udari ⁴⁰ Anre kuzika ripuhm rih Yesoh anre ku vusuyhi unfu kuvok nang ankusu muh nya urentu awarku kavenu ken nang a Yahuduwa aku rise. ⁴¹ Atek nang amah dhaong khaore Yesoh kurong Lambu anana rhaothao rere pirong mim. ⁴² Anre anyhi mumanafsana mah Yahuduwa, kusek kumi kuma piti anre ku rene Yesoh inung