¹ Yesoh imah ruru vere nang ami,i cira nang agwekseni ayhi a kana umanzu rakpwhu a tek-kanoepkwoeri ku kidiron,atek na karong kakap karim an ninghe yhi nang agbwekseni ayhi. ² Na kini Yahuda,umi enka zizi yhi,ima yoeh a tehyemi,Yesoh imaku tuzu a kanam nang a agbekseni ayhi. ³ Yahuda,izongoni rifighire yah riwumah nang arong ayha gwakazi awori nang ma Firis magbwakazi nang a Farisiyawa,aruva nang itilla,nasuvah,nang makusu mariwuma. Yesoh iwoh yhaon ko yen imi imasin wanza nang yhi,i cira a zongoro anu rivi yhaon ''wannansin righi?'' ⁵ An mane yhi,Yesoh piyu Nazarat"Yesoh iwoh nang yoehn,"Mini nre yhi " Yahuda umi eh zizih yhi,imah yoehzi nang ayariwumah rimi unayhi. ⁶ Kadhaor kami na ima woh nang yhaon "are mini "antilluwo makana atini aka riksi a joess ⁷ Igura rivi yhaon,"wanna nsin righiyhi?" angura woh "Yesoh piyu Nazarat" Yesoh imne, "ma mighi ni awoh are mini."Inna are mini na insin ringhi, joe ni a yalla an jar yhaon." ⁹ Kenna iman wana sa an korone avereh na ama woh; u nayami na pe rom,ma vizah uroehm.'' ¹⁰ Siman Biturus, ima yoep atan, ikokone a cidda a pohwoh a pirere u Firist ku gbwaki a ceske yhi utoh kuroehm.Rizayi ri pirere umi rireh Malkus. ¹¹ Yesoh iwoh nang Biturus,"Guddu atan kami inung uperung,nkasu sezeh irih rih kimi na Tita eh rohm?'' ¹² Rifighi reh ya riwuma nang ku nah kuyhaon nang aya gwakazi a Yahudawa,an puru Yesoh asisi yhi. v 13 An zongoro jagha yhi nang Hanana yhi mareh piyasku u Kayafas umi ireku Firist ku gwaki a riwa rimi. ¹⁴ Kayafas ireh piya ima roh a yahudawa avere awoh konka piri uwoh pihaor ikih awar ka yhaor agwaki. ¹⁵ Siman Buturus idorkoro Yesoh nang pirong ugwekseni una yhi.Ku Firist ku gwaki kumi kumi yoeh ararih ku fisist ku gwaki. ¹⁶ Biturus ima zomi a toworong kama chiru yah.pigweksenumi unayhi,ku firist kugbwaki kuma yoeh yhi i cira uyha avereh nang piyhi si nyenteh toworong uyoehni anreh ku ninghara Biturus ining. ¹⁷ Anreh pirereh uyhaomi pinyenteni o toworong,iwoh nang Biturus "pi zakure urhao inung ana gbwekseni apiyhaor umi?"iwoh "azan mini " ¹⁸ Arere nang ayah gbwakazi an yoezoezih,amma napsah urah utichoni,tiwok tima rhi ama in viska.Biturus ima rhi nang yhaon ayoehzi asin viska. ¹⁹ Ku firist ku gwaki irivi Yesoh avere agbwekseni nang umiseni uyhi. ²⁰ Yesoh imane yhi,"Mma si miseh a majam'a nang ku haikali atek na a yahudawa aku mansana.zah kikusu na mma miseh ama nisana. ²¹ Yene rene pisi ripsin?Rivi aya ama pok mi ana rah na mma vere.Tirkiri,ayhaor arah ayoeh ikusu na mma vere." Yesoh ima ruruh vereh anang arah,pirong uyha gwaki umi i yoehzi atehyemi irangha Yesoh awoh "kenna penkaku mane u Firist ku gwaki?'' ²³ Yesoh imane yhi,"inna ma wuru verh,migha ikusu kimi kiyhikin inna ariken yene rene pi ranghham?'' ²⁴ Hanana i sisi yhi atuma anjagha yhi nang Kayafas ku firist ku gbwaki. ²⁵ Siman Biturus ima yoehzi asi viskah.ayhaor an woh nang yhi,"pi zang uroeh ana gbwekseni ayhi?isara yhi awoh, "Azan mini" ²⁶ Uroeh ana rereh mu Firist ku gwaki, umi ire kommina ka piyah na Biturus ima ceske yhi utoh,iwoh,Nku ma rotoh reghe vuh a kap nang yhi?'' ²⁷ Biturus i gura sara yhi ,a roekoeroeh kuwoni kun kokone. ²⁸ Annu zika Yesoh awori nang Kayafas a jagha atek-ka zom katiwomo.Ama reh kumoepwi,an zaku ninghe atek-ka zom kutiwomu timi,sa an kasu wana marik sa anka roeh upenge ku ma ghhannazeh. ²⁹ Bilatus i chira zuwa yhaon awoh,"uzargi urina insin yendezeh a piyhaor uru?'' ³⁰ An mane awoh nang yhi ,"inna piyhaor uru izakure piyi vang,tenzaku rohyhi nan puh." ³¹ Bilatus iwoh nang yhaon ,zika ni yhi ana yeh yhin, ayelli mateh a mateh ma yhin."A yahudawa an woh nang yhi ,"kun ku za kun mateh tih ru pirong an wun yhi." ³² Kuma vereh ken sa avere a Yesoh an korr ami na ima vere asin sakseh umuzi koeh kumi na en koeh. ³³ Bilatus i migha yhi urarah kutiwomo agura kangre Yesoh awoh nang yhi"pipire piwomoh Yahudawa ?'' ³⁴ Yesoh imane ,"pisin vervene a ritih ripu,boko arong a vere nang puh,unang?'' ³⁵ Bilatus imane ,"mini nzakure pi yahudawa,mini Yhi? Ayhaor apuh nang ma firist magwakazi a roh vuh nang mini .yenna pe yelli?" Yesoh imane,"Tiwomoh tinang tikang tu rikuya ku.Annare tiwomoh ti kure tu rikuya, arere nang anang yelli kughha sa an kasu rohm nang a yahudawa.Tiwomoh tinang azakure ti nakini." ³⁷ Bilatus inu woh nang yhi ,"pikure piwomoh?"Yesoh imane,"pima vere woh nre piwomoh.awar ka tin na ama reghem, awar katin na mma ruva urikuya ,asa nka cidda rivin.kowan ire piya rivin,en pokoro avere ang. ³⁸ Bilatus iwoh nang yhi ,"yeni reh rivin ?"ima vere ken igura cira uyha nang a yahudawa awoh nang yhaon,"i rotoh zuwa ivang a piyhaor uru. ³⁹ Inrih nang na aku viskine piyhaor uroeh adhaor ku penge kuma ghannazeh. Na inku rusu ncidda a piwomoh u yahudawa?'' ⁴⁰ Angura chone tinyhi awoh ,"azakure piyhaor uru,are Barabas."Barabas imare pitugwhu.