1
Ama rama riseh upenge ku annazeh, Yesoh iyao awoh kadhaor kayhi kama ruvah kami nang ijhao urikuyah kuna, a kanah yhi nan Tita. Imah rise u sunnu uyahyhi amih arih urikuyah , imah sao yhaon aka rava marasa
2
. Pisifu imamah nighe asuwuh ka Yahuda Iskariyoti pivezene u Siman asa i zizi Yesoh.
3
I yao awoh putu imah zika an kusu nasang ana cara nayhi imah ruvah awori nang Kasiri, en guruyhi nang kana Siri.
4
Anre Yesoh iku coh atek kareh kamariniru a yir'ah makusu mayhi matarkanani anre iku rene tivarvi urung ku jeptu.
5
Anre iku wara mani-masir ukwanu ku tirah, anre iku semu rah guzu agbwekseni ayhi navina, asin veneh nan ujeptu kumi nang imah rene tivarvim.
6
Anre iku ruvah nang Biturus, anre Biturus ikuwoh uyhi, "piyhi piyah pen guzum na vina na nang?"
7
Yesoh imane yhi, awoh uyhi, kikusu nang un seri pen ka zaku yaoahte kini-kini, pen ka nan yaoahte"
8
Anre Biturus ikuwoh uyhi "Pen ka zaku guzum na vina nanang"Yesoh iwoh uyhi, "In nang un rotoh guzu vuh pi zavu iranwa nan mini" An re Biturs ikuwoh, "Titu gbwaki, su guzum navina nazik, guzum na cara nang navina nang rih tih"
10
Yesoh iwoh uyhi, "Piyah imah zura en ka pi zurayhi are ku guzu kuna vina nazik awar kuwoh in vurkanani nasang invursi, azaku reh ayhini nasang"
11
(Awar kuwo Yesoh iyao piya en ziziyhi, ki kusu ke rene iwoh "Azang na sang ku yhin in vursi"
Kadhaor kami nang Yesoh imah ruru guzu yhaon navina anre iku zika makusu ma yhi agura zomoh, awoh uyhaon, "In yoa ikusu nang mah risinih?
13
Enku kangdem awoh 'Pimiseni' nang 'Tita Ugbwaki' en ku vereh marivah, areh ken nang inrih"
14
In nang mini inreh Titu Gbwaki agura reh pimiseni, ummah guzu inih navina, ayhini ka guzuni ajangi navina.
15
Ummah rhao inih u misali asa inka rise ken na marisi nhi.
16
Rivin, rivin mah woh uyhin, pirere enka zaku pirka piyhu rarah, vah pitumi i pirka piyha eh tumayhi.
17
In nang inyao an kusu mun, aseri mun en wana ayhari tau ririp.
18
In zaku seri avereh anatih ayhin na sang, in yao ayha na umma teske yhaon, asa avah amih anka koro ken; Piyah isin rhao mariniru manang irah seri u gaba nang mini
19
In sin misini manang mah ne kini man rotoh wana, kadhaor kami nama wana, in nang rume awoh, INREH YHI.
V 20 Rivin, rivin piyah eh sere piyah nama tumayhi eh sere mini, piyha eh sere mini, eh sere piyha eh tumam"
21
Kadhaor kami nang Yesoh imah vereh a rana, inung a mazir irah pok u povuh.
22
Agbwekseni an tirkiri atih ayhaon, arah seri amina, apiyha nang isin vervenem.
23
Pirong urhao ana gbwekseni ayhi, umih na Yesoh isuni yhi, imah yer'ehneni un Yesoh.
24
Anre Siman Biturus ikuwoh upigbwekseni umih i pati nang Yesoh, "Rivi yhi wami nang iseri avereh arih tih rih yhi"
25
Anre pigbwekseni umih nang Yesoh isuni, iwoh u Yesoh, "Titu Gbwaki wami?"
26
Anre Yesoh iku mane yhi "Piyah namang gwepkwe ufawari arho yhi" Kadhaor kami nang nang imah gwepkwe ufawari kuna, anre iku rho Yahuda pivezene u Siman.
27
Atini ku fawari kumi pisifu itu ninghe Yahuda, anre Yesoh ikuwoh, "Yemmi nan pi seri rene ken arhaokhaorhao"
28
Inung anayha amasin rho mariniru , zah piyah imamah yao'ahte ikusu ke rene an vere Yahuda kin kin.
29
Arong amaku vah Yesoh ikuwoh "Zemene ikusu nang tih suni awar ku penge kuna, vah i zika irangwa a vaokti kami a pare ayhuwam, awar kuwoh yhi imah yaop a vaokti kami.
30
Ken nang Yahuda imatu sere ufawari kumi anre ikutu rene arhaokhaorhao a jarah yhi, ama reh katuk.
31
Kadhaor kami nang Yahuda Iskariyoti imah jarayhi, anre Yesoh ikuwo, "Ne kini nang annu daukaka pivezene upiyhaor ama daukaka Asiri tu nung uyhi,
32
Kasiri kang daukaka yhi, aritih rih kan, a rhaokhaorhao kan daukaka yhi,
33
Inih nonoh na yhiza, inrih nang ayhini adhaor kakup, in nang ringhim, ummah woh ana Yahudawa , 'katek na mang kanam, in nang ka suski nuh uruvahm, ne kini mah gura vereh ayhini ken.
34
In sin ruksi nih u doka upas, asa in rise usunu o teh ayhin ken nang maini umah sao ayhini ken.
35
Teh ra arana na kowami enka yao'aoteh awoh inreh agbwekseni anang in nang in suni a jangi"
36
Anre Siman Biturus ikuwoh uyhi. "Titu Gbwaki iki nang pi rama kanam?" Yesoh mane "Katek nang un rama kanam in nang ka zaku suska u dhaorkhaorhoa, in nang ka dhaokhaorhaom azang kini-kini."
37
Biturus iwoh uyhi, "Yemmi en rene un zaku dhaorkhaorho vuh? kini-kini, mang rho uvoh kunang awarka puh"
38
Anre Yesoh iku mane , "Pen rho uvoh ku puh awar ka nang? Rivin nang in sin misevuh, 'Kuwoni konka kokore pinu vereh awoh pi zaku yaom, son ti tar."