¹ Suhnu rene a suwhu kayhin kanmanta. Rumeni nang kasirih, agura rume nang mini. ² Inung u rarah ku Titahnatek nazohm nagwakane, in na mu zaku ri ken, ma nang miyhi ni, awar ku woh mini man jarahm sa inka napsa nateyhe awar kayhin. ³ Manka reh ma ruru u napsanu una teyeh, manka gura guru a seri ni makana tek kanang, awar katek na rhim a yhini innanka rihm. ⁴ Nyhao urina ateghe na mini nrama kanam." ⁵ Toma ivere nang Yesoh, "Pikarma a wirhi ti zaku yhoa a teghe na pi rama jaravum, ini na tenka yhoa urina umi?" ⁶ Yesoh i mane yhi, Mini nreh urina, rivin , nang kuvoh, zah pirong enka kana nang putuh mazuh dorkor tinang. ⁷ Nna nyhoa mini, inna gura yhoa Tita unang. Adhoar ka, inyhoa yhi amah gura a rehye yhi." ⁸ Filibus ivere nang Yesoh, "Pikarma sayiri putuh mi, anang ara anka hami rih." ⁹ Yesoh i vere nang yhi, mini enrih nan a yhini cetti ranga, rah yhoam, Filibus, piya imah rehye mini imah reyhe putuh, na yemmi erene pivere, sayiri putuh mi? ¹⁰ Pirotoh rume awo mini inrhi inung u-Titah, Titah irhi inung unang? Avere ami na inmah vervene ni, nrotoh vervene arhoan kareh kanang, Titah Umi insun voh inung unang iseri utumu yhi. ¹¹ Rume nan mini awo inrhi inung u Titah, Titah irhi inung unang, vah inrume awar ku tuma a ritih runi. ¹² Rivin rireh rivin, mini ma vere nan yhini, piye rume inung unang enka riseh utuma umi nang inseri, nan ku riseh utuma an kusu mupisazi muna, awar kuwoh mini nmah jaram nan Titah. ¹³ Kikusu napeh riivi inung a rizayi rinang, mahn ka rise muhn awar kuwoh an roh Titu nang tiwomo a pivezene. ¹⁴ Nnah en riivi mini irammwa inung a rizayi rinang, mini manka risih ni kin. ¹⁵ Nnah insunih mini, inna en dorkoro avere nang ami na ma veri ni. ¹⁶ Mini manka tanzana a Titah, yhi enka roh inih a pi manzu piye eku nohme-nasuwu sa ika rhi piya enrhi nan ayhini zah marasa. ¹⁷ Mazir marivin, kurikuyah konka zaku sere yhi. A yhini inyhoa yhi, awar kuwoh irhi nang ayhini manka rhi inung uyhoan. ¹⁸ Mini mahn zaku jhao inihm uteghini, mini manka guru nang ayhini. ¹⁹ Inung a dhaor kacini, kurikuyah konka zaku pih rehye mini, a yhini in nyen mi, awar kuwo mini in ghar, ayhini ma inanka gura ghara. ²⁰ Atuk kana innan ka yhaoghateke awo mini inrhi inung a Titah, ayhini inrhi inung unang, awar kuwo mini inrhi inung uyhin. ²¹ Piye pokoro avere nang a dorkoro ni, yhi reh piyi sunihm, piyhi sunihm , Titah unang na isunih yhi, mini manka sunih yhi, nan ku sah yhi ritih rinang." ²² Yahuda (anzakure Iskariyoti) i vere nan Yesoh, " Pikarma, yemmi eh rene na penka sah ritih ripuh nang awurhi an zakure kurikuya?" ²³ Yesoh imah mane yhi avere, nnah pirong isuhnim, enka dorkoro vere nang. Tita unang enka soh yhi, awurhi tenka ruva nang yhi, awurhi tenka napsa urara ku wurhi nangh yhi. ²⁴ Piyhi zaku sunihm, izaku dorkoroni avere nang. Avere ami na ima pokoro, a zakure nang mini na a cirahm, anre nan Titah umi eh tuma mini. ²⁵ Mini mavere ankusu mu nang ayhini, arotuh zomi nang ayhini. ²⁶ Nan ken, Pinohmzeni suwhu-mazir mavur mami na Tita enka tuma inung a rizayi rinang- enka misin ankusu nasang, enka dinnini ankusu na mmah vere nan ayhini nasang. ²⁷ Mavok nama jhao inihm; mavok manang nama roh yhini. Nroto roh yhini kenna kurikuya koku roh. Suhnu naze nasuwhu nayhin, suhnu gura pokoro ukhaou. ²⁸ Immah pokoro kenne mavere uyhin, mini nrama jarahm, manka gura guru nang ayhini, Nna in sunih, innanka seri a righaorhao awo mini nnama kana nang Titah. Awar kuwo yhi Tita ireh piya gwaki a majah'a nan mini. ²⁹ Neh kini, mini nmah mighi ni anang ami anrotoh wana ken, awarwo nna anang ami a wana ken, inna ka rume. ³⁰ Mini nzaku piri avere nagwakane nangh ayhini, awarwo piwomoh urikuya irama ruva. Izah kuri usiru izo nan mini. ³¹ Tukini, kurikuya kun ka yhao awo mini inh suhni Titah, mini inh seri neh kenna Titah imah renehm. Sanih tich a jhao inahm.