¹ Atuk utassi maka rava upenge kuma ghhannaze, Yesoh i ruvah u betenya atek na Liazaru rimi na Yesoh imah chone awori na yah kinih. ² An nafsa yhi mariniru mamarong, ki Marta kinsi ghhanza, Liazaru rin rrhi na ayah amah rih nang Yesoh un tabur. ³ Ki Maryamu kin zika ikuturu ku turare umi na ama rise nang isumuru ivaktazhi, a munzaze navina na Yesoh, a vezeh nang atih tikin, kurarah kumi kun koro nang marentu mu turare umi. ⁴ Yahuda Iskariyoti, irih ana gbwekseni ami, piyami en zizih Yesi, iwoh, ⁵ "Yenne rene an zaku zizih utarare ama dinari madari matar arukse ayuwam?" ⁶ Imah vere ken, an zang uwoh iku ru su ukana ayuwam, yhi kure pituggwhu a yoehp avoektih ki korgwho iku nana tuksu awori kusu na a taram ⁷ Yesoh iwoh, "Joeh ni kin tar ikusu na kirih awr katuk ku kavem" ⁸ Ayhini in naka rih nang ayuwam ko karike dhaor. in nanka zaku rih nang mini ko karike dhaor." ⁹ Rifighi ri gbwaki reh yahudawa rin yeghheteh awoh Yesoh iri ateghyemi, an ruvah, an zang nan Yesoh nazik, asa an rek liazarus umih na Yesoh ima chone awori a makiniru. ¹⁰ Ma firist ma gbwakazi man mane atih asa anka wuna Li'azarus unayhi; ¹¹ Kure awar kayhi nang a Yahudawa a gbwaki a jhaorayhaon a rume nan Yesoh. ¹² Asin cira, rifigji reh yhaor a gbwaki rin ruvah atek kupenge. amapokoro Yesoh irama ruvah un Ursahlima, ¹³ an zize an pagha muna tih nu dibino a cira anka zuk yhi uyah asin kanghha arigyii ri gbwaki "Hossanna!zikine piyha en ruvah arizaghi ripikarma, piwomo i Isra'ila. " ¹⁴ Yesoh izuwa uzenku a tuwo zomom, ken nang ama nyakara. ¹⁵ "Su pokoru kau pirinnu Sihiyona; tirkiri, piwomu puh iramah ruvah, itughyu zenku." ¹⁶ Agbwekseni ayhi an rotoh ma yeghte anang ami azon amanu daukaka Yesoh, annu yeghheteke ama nyakara woh anang arah ama jaghha nan yhi na ama yelli yhi ken ¹⁷ Rifighi reh yhaor an vere awo ama rim adhaor kami naima kangreh awori usek a chone yhi amakiniru. ¹⁸ Ama reh awar kanang ami na rifighi rimi rima chira aka zuwa yhi, ama pokoro awo ima rise alama arah. ¹⁹ a Farisiwa anwo ana tih a yhaon, "Reyhe, zah kikusu nang ten yelli; tirkiri, kurikuya kura dhaorkoni yhi. ²⁰ Arong a Hellinawa ama ri ana yami ama kana usujada ku penge (idi). ²¹ Anka zuwa Filibus umi eh cira un Betsaida ku Galili, awoh, "Pimiseni, ti rusu ti rek Yesi." ²² Filibus i jarayhi aka miya a Andarawus, Andarawus mun jaramun nang Filibus anre kuka miya Yesoh. ²³ Yesoh imane yhoan awoh, "Kadhaor kama ruvah kami nang pivezene upiyhaor en seru daukaka" ²⁴ Rivin, rivin, na mako uyhin, usseh unkunu righyi ajoess a koeh un du riken utehwuni; inna o koeh, enka roh usseh agbwakane. ²⁵ Piya isuni uvoh kuyhi en viza kun, piya eh reh evonoyhi voh kuyhi urikuya ikusin tazzah kun awar ku voh ku zarara. ²⁶ . Piya isin rerenem, idorkorom; kateghye na irim, kan na pireru nang enka rim unayi. inna pirong en rehrehnem, Tita enka rho yhi tichirvu. ²⁷ Ne kini kasuwuh kanang kara povom na yen na man vereh? Tita , ghhaskam nang kadhaor kana? kure awar kanan ami nama ravah dhaor ka. ²⁸ Tita, daukaka ritih ri puh! Ringnyhi rin cira awori zoh awoh, "Nma daukaka rin mma gura daukaka rin." ²⁹ Rifighi reh yhaor ami ama yoezoezih apok rin woh Kasiri kah ratah. Amanzu an woh, "Marong Maleka ma vereh nang yhi." ³⁰ Yesoh imane awoh, "Ringny rih azan awan kanan na reh ruvah, kure awar ka yhin" ³¹ Kadhaor ka kare kamateh mu rikuyah, kadhaor ka kare ku toengoehne piwomoh urikuyah uyah. ³² Kadhaor a zoepkwoem izoh aworu rikuya, manka kokone kowan nang mini" ³³ Imah vere ken isah imuzu koeh kumi na en koeh. Rifighi rin mane yhi, "Timah pokoro a mateh awoh Kristoh umi enka rim za marasa. in na pen woh, 'pivezene upiyaor anka zoepkwe yhi zoh? wani reh pivezeneh upiyhaor" . ³⁵ Yesoh inu woh uyoeh, "Ampezeh mon ri nang a yini a dhaor ka cini jarani in roti rih urah asa marini iyoeh a tek na irama kanam. ³⁶ In rotu rih ampezeh sa in wan avezeneh on pezeh." Yesoh imah vereh anang ara arajariyi aka wukune ritiriyhi. ³⁷ Ko nang Yesoh imah rise alama agbwaki anyen mu yhaon, nanken ama roto rume nang yhi ³⁸ asa avere Ishaya annabi an korr, imih nan ama woh; "Pikarma, wami ima rume nang a vereh a wuri, nang wan na kacara kapikarma karim?" ³⁹ A war ka nih anka rume yhaon, Ishaya ima gura vere awoh, ⁴⁰ "Imah rene tirumu an yhizi ayhoan, arene yhaon urok una suwuh na yhaon, zan na ken anag ku reyhe ama yhizi" ayhoan a yeghhyeteh ana suwuh na yhaon, a kurvuwoh mini ngharhane yhaon" ⁴¹ Ishaya imah vereh anan ara awarka na imah reyhe u daukaka u Yesoh avere a vereh u majagha nan yhi. ⁴² Ko nan ken ayah tiwomoh agbwaki an rume nang Yesoh awarka farisiyawa an vonoyhaon u chidda nih asa an kasu nuku yhaon un majami'a. ⁴³ An pok urentu uchanghhanu yhaor a piri uchangha un ruva wori nan Kasiri ⁴⁴ Yesoh ivereh aringhyi rhi gbwaki awoh, "Piyah eh rume nang mini azang mini nazik" kure nang Tiita eh tumam. ⁴⁵ Piyah eh reyhem eh rehye piyah eh tumam. ⁴⁶ Nku ruva i wan ampeze urikuyah, asa kowan eh reme nang mini en zaku taka rih amarini. ⁴⁷ Piyah eh pokoro a vereh anang a rotoh dhaorkhaorhaoni, i rotoh temeneh yhi; nroth ruvah ntemeneh urikuyah, kure nghhaska urikuyah. ⁴⁸ Piya eh vonah, na kereehoyhi mim eh vonoyhi u sere avereh anang, iri piyah en temene yhi. Avereh nama verveneh an tumayhi atuk kawuri. ⁴⁹ Mma rotoh verveneawar ka ritih rinang, kure awar ka Tita umi eh tumam, umi imah rom ikusu ku vereh nang ikusu na mang mighha. ⁵⁰ Nyhaon awoh avereh ayhi areh kuvoh ku zah rarah, na kere ani nama vereh. ken nan Tita imah vereh nang mini, ken nang mini nsin verveneh.