¹ Pirong uyhaor na amako Li'azaru rima zaku wara. Rima wori u Betenya, u kauye i Maryamu nan kommina ku Marta. ² Ki Maryamu kimi kima munzazeh Piyurara a manuk avezeh navina na yhi a tih titikin, kommina kakin Li'azaru rima zaku wara. ³ Anre a kommini a yhaoni amih anku rene utumu nan Yesoh, a kuwoh, "Piyurara, reyhe, piyah napi suniyhi i zaku wara." ⁴ Kadhaor kami nang Yesoh imah pokoro ken, iwoh, "Tiwontono tina tiri za kure tu khao, tutenk, are tu ro Siri tiwomo asa anka ro Pivezene Pe Siri a tiwomo." ⁵ Yesoh isuni i Marta nan kommina ka kin kayhaoni nan Li'azaru. ⁶ Kadhaor kami na Yesho imah pokoro awoh Li'azaru ri zaku ware, anre iku pire atuk avah ming a tek nang imah rim. ⁷ Atini ka ra'arah, Yesoh iwoh anagwekseni ayhi, "Sa ni tih kanu Yahudiya." ⁸ Agwekseni a yhi anwoh, "Pimiseni, kinkini na a Yahudawa amah seri piyhi an tazavuh ana kwang, pi rama pi gura guru vuh nhaori?" ⁹ Yesoh imane, "Ku zakureh ikorwo rih kiri atih vah tih reh kayira? Inna pirong isin jara rikata, enka zaku rukpwuruwo, awarkuwoh inyen an pezeh muh rikuya." ¹⁰ In nang areh ikusin jara a tuk, enka rukpwuruwo awarku an peze muh azku rih nanghi." ¹¹ Imah vereh an kusu mu, an reh iwoh uyhaon, "Bica uwuri, Li'azaru imah nomoh an mara, un rama kanam aka zimeyi an-mara." ¹² Agbwekseni ayhi awoh uyhi, "Piyurara, in nang areh iku nhaon an mara, enka zinta. ¹³ Yesoh imah seri avereh ukhao ku Li'azaru, agwekseni anku baokao avereh an mara muma vonsonn. ¹⁴ An re Yesoh iku vere uyhaon a zuku wukune yhaon irangmwa, "Liazaru rima khao. ¹⁵ In seri righaorhao awarka yhin, ken nang imah zaku rim, asa in ka rume. "Sa'a ni ti kana nang yhi." ¹⁶ Toma piyha na aku kangde yhi awoh, Mavah, iwoh anajami agwekseno, "Sa'ani tih jaririh unawuri asa tih ka kizi nang Yesoh." ¹⁷ Kadhaor na Yesoh imah ruvah a zuwa Li'azaru rim mah rene a tuk anas usek. ¹⁸ Ku Betenya kuma pati nan Urushalima marangazang mih mil ukah. ¹⁹ A Yahudawa a dun amah ruvah nang ki Marta nang ki Maryamu asa an nomeyhaon nasuwuh awarku khao ku kommina. ²⁰ Kadhaor kami na ki Marta kima pokoro awoh Yesoh iramah ruvah asa an mansana nan yhi, ki Maryamu ki ma taka zomih urarah. ²¹ An re ki Marta kin kuwoh u Yesoh, "Piyurara, pima rih ina, komi ka nang kan nama zaku khao." ²² Kone kini, ki kusu na pe tanzana a-Siri kang ka roh vu." ²³ Yesoh iwoh ukin, "Konau kan co." ²⁴ Ki Marta kin woh, "Un yao awoh enka co ama coksono anyhi muh wuri." ²⁵ Yesoh iwoh ukin, "Mini ireh ucoksozonu nan kuvoh, piyha en rume nang mini, ko kure iku khao enka war'ah. ²⁶ Piyha iwar, asin rume nang mini, enka zaku nana khao, pima rume nang aranah?" ²⁷ Ki Marta kin woh iyhi, "Yi, Piyurara, immah rume awoh piyhi pire Kristoh umih, pivezene oh ruvsa inung urikuya." ²⁸ Kadhaor kami nang imah verh keni, anre iku jarayi aka kangde kommina ka yhaoni, ki Maryamu apituwa, anre kin kuwoh, "Pimiseni umih irih na, isin Ka'aghvuh." ²⁹ Kadhaor nake pokoro kini, anre kin kutu cho arhao-khaorhao a kana nan yhi. ³⁰ Yesoh imah roto mah ka za'ah inung un kauye umih, imah roto rih a tek nang a mana nan ki Marta. ³¹ Kadhaor kami nang a Yahudawa amari nan kin Maryamu urarah kukin asin nonze kin asuwu a reyhe ken nan ketu cho arhaokaorao amaka cira. An reh anku dorkoro kin, anku boko kin ko kin kana usek kumi kin ka ma'ah a tek kan. ³² Kadhaor kami na ki Maryamu ki maka ruvah a tek kami na Yesoh imah rim, anre kinku reyhe yhi, anre kinku tukuruwoh an vina nayhi, anre kin kuwoh uyhi, "Piyurara, in nama pima ri inah, koni kanang kan nama rotoh khao." ³³ Kadhaor kami nang Yesoh imah reyhe kin kin seri mayizi, kasuwu kan ka co yi; ³⁴ iwoh, "Iki nang en tarayhim.?" Anwoh uyhi, "Piyurara, ruvah a reyhe." ³⁵ Yesoh i cidda mayizi. ³⁶ An re a Yahudawa amih akuwoh, "Reyhe ken nang isuni Li'azaru." ³⁷ Anre arong ayhaon anku woh, "Ku zang piyhaor uruh imah wono a yizi a pirumu, in nama zaku nuku piyhaor uruna ukhao?" ³⁸ An re kasuwuh ka Yesho kanku gura choyhi, i kana usek kumi, amah reh kuteng amma tura rikwang mim. ³⁹ Yesoh iwoh, "Chuwuneni rikwang rimi." Ki Marta kommina ka yhaoni ka Li'azaru, umih en khao, kin woh, "Yesoh, adhaor kana ripum mimi ren kara vosoroh a tuk anas nan ku khao." ⁴⁰ Yesoh iwoh ukin, "Unku rotoh vereh upuh awoh, in na pe rume nang mini pen reyhe u tiwomo te Siri?" ⁴¹ Anre anku chuwune rikwang rimi, Yesoh i zhaokkhao a yizi a yhi izoh awoh, "Tita, marenevuh usanjighi ken na pe pokorom. ⁴² In yao awoh pe kutu pol mim, awarka firighi rina rimi rih yezi a giraranim nama vereh kini, asa an rume awoh piyhi pe tumam." ⁴³ Atini kami nang eh vereh kini, anre iku rene iwum a rinyhi rigwaki, "Liazaru cira uyha." ⁴⁴ Kuverung kumi kuntu cira uyha, navina nang nacara natu sisizini a makusu, Yesoh iwoh uyhaon, "Vinzini rin, rin jar-rim." ⁴⁵ Ayahudawa adun amih amah ruvah nang ki Maryamu, an reyhe ikusu na Yesoh eh rene, an rume nan yhi. ⁴⁶ An re arong aYahudawaa amih aku jarayhaon aka zuwa a Farisiyawa a mise yhaon an kusu nang Yesoh eh riseh. ⁴⁷ An re piya curvu u gwaki nang a Farisiyawa an ku kongkoroh, azom kati womoh a tek karhao awoh, "Yemmi naten rene? Piyhaor uruh i seri alama adun. ⁴⁸ Inna teh jhaoyhimim uteyhi kini, an rume nang yhi, nasang , a Romawa an ruva zika a tek ka wurhi nang mayinzi mawuri." ⁴⁹ Pirong uyhaor inung uyhaon na ako Kayafas, pirereh ugwaki ariwah rimi, iwoh uyhaon, " In zaku yao irangwa. ⁵⁰ In roto tirkiri manang mah, ku pirinih uwoh piyhaor urhao iki awar kayhaor nang kuwoh mayinzi nasang mang vinta." ⁵¹ Imah vereh aranah a zaku reh awori aritih rih yhi. Atireve tih yhi tigwaki, i kuma rise annabci awoh Yesoh en khao awar ka mayinzi. ⁵² azang awar kamayinzi nazik, asa nonoh nasiri nami na rhaondhaori asa nang ka kongkuruwo awana ki kusu kirhao. ⁵³ A tuk karakan amah semu rah napsana ken nang an wuna Yesoh. ⁵⁴ Yesoh imah zaku roti sin jara inung ana Yahudawa ama chaon khanonhaoni, anre ikutu jhao a tek kami a makana amayinzi mami mah pati a rimi, unrhao kumi nang aku kangde awoh Ifraimu. Katel ana amah zomom nang a gwekseni a yhi. ⁵⁵ Kadhaor kami kupenge kuma annazeh kun rah pati, ayhaor adun an kana un Urushalima awori amayinzi mami na Yesoh igurim, asa anka rise mavezeh awar ku penge kuma annazeh ⁵⁶ Amah rah ringhi Yesoh, asin vervene anatih ayhaon a yhizezeni inung uraray ko Siri. ⁵⁷ Anre piya curvu nan a Farisiyawa an miya awoh piya eh yao'oateh a tek nang irini imiya asa anka puryhi.