¹ I To warama gəmo gəsku, sai waci ƙama na dlin aipu gaɗa herr səku da dlab go dadigəri? ² A dlama bai. Nana a ɗlama wa ndawa wara mutu i kun aipu waci kəma na mbasu i kunu? ³ kwasga bai mak ndawa wara nda dlan ɗəkshi Baftisma i kun dligun masihu Yeso nda dlandikshi baftisma i kun mutu gəri? ⁴ Nda ɗabgənawa, na aci i rə gayi, ɗarik Baftisma kuwa darik mutu gəri Dlab kasən gu ka ki yadda masihu dlai da mutu i kun martapa na saksakta Afik. Gaɗa su gu, wa rakan i kun karara mbasu. ⁵ In wa kwabtina aɗa na a ci ɗari mutu gəri, wani wa kwabci na aɗa ɗari dlai gəri ɗa mutu. ⁶ Wasgaɗu, nda ɗligəna nən gasgara wau na aci i ɗa gayi, gaɗa təka aipu nda dlimcidu. Nda ɗlam kasən gaɗa wa ɗlaɓ guzabcin aipu bai. ⁷ Nən wara mutu, aci baci jərewa gaɗa aipu. ⁸ Amman in wamutu na masihun, wa barna jərewa aɗa wa dlab aɗagayi. ⁹ Wasgadu nda tlatla na masihu da mutu, aci gamtak wambai.mutu na awayu wambai i aɗa gəri. ¹⁰ Gaɗa mutu wara aci dlamu gaɗa nda aipu dlam zigər getak gaɗaƙ ndawa mak. Aci ɗambasu na aro, i vidu. gaɗa kakasku. ¹¹ Gaɗa kasən ci cam kabarna aɗaci i mutu gaɗa aipu, amman ka ɗlaɓ na aro ikun kakasku i kun masihu Yeso. ¹² Gaɗa kasən kwaiva aipu da ci awayu tikakua bai gaɗa kadgə bewara atu ancu. ¹³ Kwabara tikakun i aibu bai, təkakun kar da ɗlabingara bik wana rashi jərewa. Amman a barna aɗaci i kakasku, ka ki gamtak amman na aro. Ai vəna tikaci kaki bik wana billan ƙi kakasku. ¹⁴ Kwaiva aipu ɗaci awayukun bai gaɗa kun ƙwa ɗi ɗa ɗumaya bai, amman i ɗi ɗa herr. ¹⁵ Gaɗa gəmo wa ɗlam aibu gaɗa wa ɗi ɗa dumaya wambai, amman a kun herr, su a ɗlama bai. ¹⁶ Kasgabai nən wara kabar aɗaci ka ki guzub aci ne ka ɗlamau nakwana, nən wara ka ɗlamau nakwana kawai? su kasən ko ci guzub kə aipu wara ayanaci i mutu, ko guzub kə nakwana wara ayanaci i jərewa . ¹⁷ Amman be nda sambakata kakasku! Gaɗa wa guzub aipu, amman wa barna jərewa ɗa kun gəzhawa duvu gukza wara nɗabariwa. ¹⁸ Nda ɗanawa ɗa kun aipu, nda ɗlan nawa guzub jərewa. ¹⁹ Na rama na kun ka ki nən gaɗa rashi awayu təka. ka ki wara kabar tikaci ka kə guzub na ɗlama bi n'yan'ya na bi gabshu, kasən wam ka bar tika ci guzub i be jərewa i gatir aɗalta. ²⁰ Gaɗa laktu wara kun guzubcin aipu, nda ɗanakun da kun bik jərewa. ²¹ Gaɗa a laktu kwabe kutli tawan ɗa kun wana wara kwaɗlamu kwa kimu zirugu gəsəsku? Bewara kwa ɗlam gu atu ne kun mutu. ²² Amman gəsisku gaɗa nda danaun ɗa kun aipu ndai vəna kun guzabcin kakasku, herr gara kuwa atine aro wara go ɗadgəri. ²³ Gaɗa laɗadin aipu nin mutu, amman bari kakasku nin aro wara go ɗadgəri i kun masihu Yeso mugəyawa.